انت محتاج نقطة نظام

،قرائي الاعزاء

اهلًا وسهلًا بيكم في نسخة جديدة من النيوز ليتر

:اللي من خلالها بشارككم ٣ نصائح في

الكوبي رايتينج ✏️

البراند بيلدينج 🏗️

الكريتيڤ انتربرينيرشب 🤓

:بالإضافة الى كده، هتلاقي ترشيحات مني سواء كانت

كتاب قرأته او بقرأ فيه حاليًا 📖

بودكاست بسمعه 🎙️

مصدر ممكن يفيدكم، او مقولة عجبتني، على حسب يعني💡

…فـ يلا بينا نبدأ بـ أول ٣ نصائح

اليك نصيحتين بتسمعهم، انصحك ما تعملش بيهم ✏️

كوبي رايتينج#

محتاج تكتب الكوبي زي ما انت بتتكلم☝️

ودي نصيحة الحقيقة ممكن تنفع لو انت بتكتب حاجة عادية

او لو انت بتكتب على الأكاونت الشخصي بتاعك، او على البيرسونال براند الخاص بيك

الا انها ما تنفعش اطلاقًا في كتابة كوبي الغرض منها انك تقنع شخص ما بإنه يشتري حاجة مثلًا

"لإنك هنا انت محتاج "تكتب زي ما الشخص ده بيتكلم

عشان الكوبي في النهاية مش بتدور حواليك انت

ولكن بتدور حوالين الشخص اللي انت بتكلمه

لو افترضنا دلوقتي ان انا هبيع كورس هعلم فيه كوبي رايتينج للمسوقين

اللي لسه بياخدوا خطواتهم الأولى في المجال ده وعندهم خبرة من ٠- سنتين

انا شخص بقالي ١٣ سنة في مجال التسويق، ودخلت هذا المجال من باب الكوبي رايتينج

تخطيت اكتر من ٢٥ الف ساعة شغل في حاجات كتير جدًا تخص الكوبي رايتينج بشكل مباشر او غير مباشر

على الطرف الأخر فيه كريم وده واحد من المسوقين اللي بستهدفهم في الكورس

كريم سمع عن الكوبي رايتينج، وجرب يطبقه في شغله

ولكن فشل في انه يحقق المطلوب منه

لو انا جيت كلمت واحد زي كريم بطريقتي ووجهة نظري وخبرتي عن انا بشوف الكوبي رايتينج ازاي

كريم مش هيفهم حاجة، ومش هيحس ان الكلام ده موجه له تحديدًا

كريم كل اللي بيطمح اليه هو انه يبقى قادر على كتابة كوبي كويسة تحقق ارقام معقولة

من غير قلق وشك واحباط كتير وهو بيكتب وبينشر الكوبي دي

فـ عشان كريم يفهمني، انا محتاج اكتب بطريقة بتلمس نقاط الألم عنده

وبلغة هو يفهمها كويس اوي

من خلال حل متفصل على مستوى خبرته

الكوبي لازم تكون قصيرة، والكونتنت لازم يكون طويل✌️

او بطريقة تانية، الكونتنت مليان تفاصيل وخلاص

بس الكوبي مباشرة على طول بدون حشو زيادة

وانا معرفش الحقيقة مصدر النصيحة العبثية دي ايه

فكرة انك تكتب حاجة، سواء كونتنت او كوبي مليانة تفاصيل او حشو وخلاص

دي مشكلة متعلقة بأساسيات الكتابة نفسها

ملهاش علاقة لا بالكونتنت ولا بالكوبي

بمعنى تاني، الكونتنت والكوبي كده كده لازم يخلوا من اي تفاصيل وخلاص، او حشو بدون داعي

نيجي بقى لنقطة مهمة جدًا بخصوص النصيحة دي

الكوبي ممكن تبقى طويلة، وممكن تبقى قصيرة

:اللي بيحدد طولها من قصرها عوامل كتير جدًا زي

مدى إدراك الجمهور المستهدف بأبعاد المشكلة اللي عنده، او حل المشكلة اللي عنده ◀

ديناميكية و خواص المنتج او الخدمة بشكل اساسي ◀

حجم السياق اللي انت عايز توضحه في الكوبي بخصوص المنتج او الخدمة قد ايه ◀

نقاط التواصل اللي بيتم عرض كوبي بيعية عليها، زي مثلًا منصة تواصل اجتماعي، صفحة منتج، صفحة بيعية وما خلافه

اذًا الكوبي بتاعتك في النهاية

انما هي مش لازم ابدًا تبقى قصيرة في كل الحالات، او طويلة في كل الحالات

انت اللي بتحدد ده كـ كوبي رايتر مذاكر جمهوره ومذاكر منتجه كويس

وعارف عايز يوصل ايه في الكوبي بتاعته، وعارف هيوصله فين تحديدًا

عشان تعرف احتياجات وتوقعات براند 🏗️
هتكون مسئول عنه، اتعلم تسأل الأسئلة الصح

براند استراتيجيز#

واحدة من اهم الأدوات اللي تقدر تساعدك تعمل براند استراتيجي مظبوطة لبيزنس انت هتكون مسئول عنه

:هو انك تسأل اسئلة تكشف

احتياجات البيزنس ده ايه؟💡

ايه التوقعات اللي بيأمل البيزنس يشوفها على ارض الواقع؟💡

ايه العناصر اللي يفضل البيزنس بشكل عام يشوفها مطبقة في الإستراتيجي؟💡

وعشان كده انا عملتلك دليل كده صغير، فيه مجموعة من الأسئلة متقسمة تحت ١٠ عناصر

تقدر من خلالهم تاخد بريف كويس عن البيزنس، او حتى تعمل ورشة عمل مع اصحاب البيزنس

تاخد منهم اجابات على الأسئلة دي بشكل مباشر

عزيزي….انت محتاج نقطة نظام 🤓

كريتيف انتربرينور#

لو انت بتدور على انك تصنع محتوى يحققلك سمعة قوية في المجال اللي بتشتغل فيه

او بتسعى لتحقيق بيرسونال براندينج بالشكل اللي انت عايزه

فـ تعالي نتفق انا وانت مع بعض، انك محتاج نقطة نظام

وبمعنى اخر انت محتاج تخلق لنفسك سيستم تمشي عليه

لإن خلينا نتفق برضه ان عدم وجود نظام

بيضمن عشوائية في طريقة صنعك للمحتوى، وفي طريقة ترويجك لنفسك

اللي في النهاية هتوصل بيك لإنك مش عارف تعمل حاجة من المخطط ليها من قبلك

اتفقنا خلاص؟

:جميل، السيستم اللي انا بكلمك عليه بقى بيتكون من ٣ طرق الحقيقة

طريقة اكتشاف ✅

طريقة تواصل ✅

طريقة ربح ✅

تعالى نشوفهم طريقة طريقة

🔍 طريقة اكتشاف

ودي الطريقة اللي من خلالها الناس ببساطة هتلاقيك

وهتلاقي المحتوى اللي انت بتقدمه بشكل عام في الاماكن اللي هما موجودين فيها

لو انت مش مصمم عندك خطة لإزاي تقدم محتوى يجيبلك كل شهر ناس جديدة مهمتة باللي بتقدمه

فـ انت محتاج تشتغل شوية في الجزء ده

🤝طريقة تواصل

ودي المرحلة اللي المفروض تحول الناس الجديدة اللي بتتعرض للمحتوى بتاعك

لناس متابعاك، مستنية المحتوى بتاعك بشكل مستمر

واحدة من اقوى الطرق مثلًا في التواصل هي المكان اللي انا بكلمك فيه دلوقتي ده

ايوه مظبوط، من خلال النيوز ليتر

ولكنها مش الطريقة الوحيدة برضه

انت تقدر تخلق طرق تواصل سواء من خلال ان الناس تتابعك على المنصات الاجتماعية اللي انت عليها

او المنصات الاجتماعية اللي انت عايز تركز عليها بشكل اخص

او ان الناس تشترك في البودكاست بتاعك، في اليوتيوب الخاص بيك

ايًا كان انت عايزهم يكونوا موجودين فين

لو انت متابعني من زمان، هتلاقي اني من ٤ سنين فاتت

اكتر منصتين انا مركز عليهم هو صفحتي على الفيسبوك

والبودكاست الخاص بيا

ومؤخرًا اضفت ليهم النيوز ليتر دي

لإن دول بالنسبالي حاليًا اقوى ٣ طرق للتواصل انا حابب اركز فيهم

فـ فكر فيها كده، لإنك من غير تفكير كويس في النقطة دي

هتعاني في انك تكبر القاعدة الجماهيرية الموجودة عندك

💵طريقة ربح

مش شرط هنا الربح، انك تجيب عملاء جداد

ولكن طريقة الربح انا قصدي بيها هي اجابة سؤال

ازاي تحول الناس اللي بقت على تواصل معاك من الطريقة اللي قبل دي على طول

الى انهم يدفعوا مبلغ ما قصاد حاجة انت بتقدمها

سواء الحاجة دي منتج، خدمة، تبرعات في شكل دعم قصاد محتوى خاص مثلًا

وفي الحقيقة ما اخبيش عليك

على الرغم من اني كاتب دي في الترتيب التالت

الا انك لو لسه هتبدأ، محتاج تحطها في الحسبان من الأول

فكر هو ايه الهدف من كل اللي انا بعمله ده؟

انا عايز اكسب منه ازاي؟

او لو انت بدأت بالفعل بقالك فترة، بس ما خططتش لأي حاجة خاصة بطريقة الربح

محتاج برضه تفكر في نفس السؤالين

لإن الحقيقة اجاباتهم هي اللي بتحدد، هل انت ناوي تاخد الموضوع ده كهواية كده على جنب

ولا ناوي تحوله لحاجة بروفيشنال؟

رحلتك على الفيل..للتغيير📖

كتاب عجبني#

في الحقيقة ده مش اسم الكتاب

ولكن ده الكونسبت اللي مبني عليه الكتاب

:اسم الكتاب بقى نفسه هو

Switch: How to change when change is hard

وزي ما شوفت من العنوان، فـ شيب ودان هيث هياخدوك في رحلة عميقة التفاصيل

بخصوص كونسبت احداث تغيير سواء بقى حياتك، او في المكان اللي انت بتشتغل فيه، او في البيئة المحيطة حواليك

وبيتم تناول فكرة التغيير دي بناءً على ازاي تربط ما بين الجانب العقلاني في مخك - اللي هو انت

و بين الجانب العاطفي في مخك برضه - واللي هو الفيل

وازاي انت بنفسك تقود هذا الفيل على طريق واضح، لإحداث تغيير

الكتاب مليان قصص ونصائح حقيقي مفيدة جدًا

خصوصًا بقى لو انت نفسك تغير حاجة فيك - ايًا كان ايه هي بقى، بس مش عارفشوف التمرين

ازاي تعمل فيلم وثائقي بستايل نتفليكس 🎥
عن اي حاجة ممكن تتخيلها؟

ڤيديو عجبني#

لو انت من هواة الأفلام والمسلسلات الوثائقية

واتفرجت على عدد لا بأس به منهم من صناعة نتفلكس

الفيديو اللي هسيبهولك ده هيعجبك اوي

سواء في الستوري تيلينج، او الايديتينج، والتمثيل كمان

اليوتيوبر بول تي حرفيًا عمل فيلم وثائقى عن قصة تعتبر ولا حاجة

ولكن هيجبرك تتفرج على الفيديو لحد الأخر

وبكده خلصت نيوزليتر انهاردة 🤙

اتمنى تكون اتبسطت واستفدت من ايميل انهاردة حقيقي

ويهمني طبعًا اني اعرف ايه اكتر نقاط عجبتك في ايميل انهاردة

ايه اللي عايز تشوفه الفترة القادمة برضه في النيوزليتر وهكذا

اعملي منشن على فيسبوك باللي عجبك واللي عايز تشوفه

وانا هرد عليك بنفسي على طول

اشوفكم يوم الأحد القادم ان شاء الله