بني ادم بعقلية ميكروويڤ

،قرائي الاعزاء

اهلًا وسهلًا بيكم في نسخة جديدة من النيوز ليتر

:اللي من خلالها بشارككم ٣ نصائح في

الكوبي رايتينج ✏️

البراند بيلدينج 🏗️

الكريتيڤ انتربرينيرشب 🤓

:بالإضافة الى كده، هتلاقي ترشيحات مني سواء كانت

كتاب قرأته او بقرأ فيه حاليًا 📖

بودكاست بسمعه 🎙️

مصدر ممكن يفيدكم، او مقولة عجبتني، على حسب يعني💡

…فـ يلا بينا نبدأ بـ أول ٣ نصائح

انت محتاج تفهم ترتيبك ✏️
فين في البيزنس

كوبي رايتينج#

اعتقد واحدة من النقاط المحورية اللي ممكن تفرق معاك في الكارير بتاعك

من حيث تطوير اللي انت بتقدمه حاليًا كـ كوبي رايتر

او تطوير الكارير بتاعك بشكل عام والخروج من الكوبي رايتينج

لدور تاني في منظومة التسويق

هو انك تفهم الأول انت مكانك فين دلوقتي

داخل منظومة التسويق اصلًا

وعشان كده اسمحلي اوريك من خلال📌
فريم ورك بسيط جدًا انت
:ترتيبك فين

الفريم ورك ده زي ما انت شايف📌
:بينقسم الى عنصرين رئيسين

العنصرين دول مرتبطين ببعض الحقيقة

واي حاجة البيزنس بيقوم بيها ايًا كان شكلها او هدفها

فـ هما بيطلعوا من خلالهم

العنصر الأول هو البراند بلاتفورم📌

والعنصر ده الحقيقة هو اللي بيحدد اي حاجة هتتعمل في التسويق والتسعير

وتحديد نقاط التواصل الخاصة بالبراند اللي هيتم التسويق عليها

وتحديد كمان أهداف التسويق على مدار السنة

وتحديد الأرقام اللي محتاجة تتحقق

بالإضافة الي عناصر تانية كتير مفيش مساحة لذكرها

خصوصًا انها بتختلف من بيزنس للتاني

بس ان كان ده بيعني شئ، فـ هو بيعني بشكل واضح وصريح كده

ان التسويق مش بييجي في المقام الأول في الترتيب بأي شكل من الأشكال

لازم يبقى البراند بلاتفورم او البراند استراتيجي حكماه من فوق

العنصر التاني بقى📌
هو الكومنكيشنز بلاتفورم

وده العنصر اللي بيحتوي على كل النشاطات الخاصة بتواصل البراند

مع الجمهور المستهدف في النهاية

وده بيشمل الأدڤيرتايزينج كله على بعضه كده بالكونتنت ماركتنج

والكوبي رايتينج والڤيجوال كومنيكيشن

بالإضافة الى كمان الى عناصر تانية داخل الكومنيكيشن

بتختلف على حسب حالة كل بيزنس

وان كان ده بيعني شئ، فـ هو بيعني ان الكومنيكيشن

هو نتيجة حاجتين قبليه

المفروض انهم خلصوا واتحددوا خلاص

وهما البراند بلاتفورم اللي اتبني، والتسويق اللي طلع منه

وده معناه ان ترتيبك📌
في الحالة دي هو التالت

وهنا في نقطة مهمة انا حابب اوضحها

مش معنى ان ترتيبك التالت، فـ ان دي حاجة وحشة

للكارير بتاعك بأي شكل من الأشكال

والا كانت صناعة الكومنكيشن انقرضت من قديم الأزل بقى

ولكن انا عرضتلك الفريم ورك❗
ده عشان تفهم حاجتين

اول حاجة وهي انك لو بتخطط تطلع من مجال تخصصك لمجال أعمق

فـ انت محتاج تبص على الفريم ورك ده كويس اوي

لإنه هو اللي بيقولك انت المفروض تتحرك ازاي

ولو أنت مستمع جيد للبودكسات عندي، هتلاقيني دايمًا بكلمك

بخصوص النقطة دي الحقيقة

تاني حاجة بقى وهي إن أحسن كومنيكيشن

واحسن كامبينز هتعملها في حياتك

هي اللي هتطلع من طريقة ممنهجة داخل الفريم ورك ده

ودي الطريقة الممنهجة اللي📌
:مفروض تشتغل بيها

يا ترى الطريقة دي معناها ايه؟📌

معناها ان لازم الأول تبقى عارف الفكرة اللي جاية من فوق ومطلوب تتنفذ عبارة عن ايه؟

معناها ان لازم تبقى عارف ايه المشكلة اللي عند البيزنس اللي هتحلها الفكرة دي؟

معناها ان لازم تحدد ايه الأوبجكتيڤز اللي مفروض تتحقق من تطبيق الفكرة دي؟

معناها ان لازم تبقى عارف انت هتعرف منين هي نجحت ولا فشلت؟

يعني ايه أدوات قياس الفكرة اللي بتحدد النجاح من الفشل؟

كل حاجة بتبتدي وتنتهي📌
من الفريم ورك والإطار ده

لإن ببساطة من خلاله مفيش مجال للارتجال، ولا مجال للآراء الشخصية

كل حاجة بنشتغل عليها مبنية على سيستم وطريقة ممنهجة في العمل

فين بوزيشنينج البراند بتاعك؟ 🏗️

براند استراتيجيز#

في الحقيقة لو افترضنا ان لو انا دلوقتي بنتكلم وجهًا لوجه

وسألتك السؤال ده

:هكون متوقع منك تجاوب عليا📌
بالشكل ده كده

والإجابة دي معناها انك 📌
قولتلي 4 حاجات عن
:البراند بتاعك

البراند بتاعك بيقدم منتج او خدمة شكلهم ايه؟ 👈

البراند بتاعك بيقدم ايه مختلف او مميز؟ 👈

البراند بتاعك بيقدم ايه مختلف او مميز لمين؟ 👈

ايه اللي يثبت ان البراند بتاعك بيقدم 👈
حاجة مختلفة او مميزة لمين؟

وانا هنا هفترض انك عارف اجابة السؤال الأول

😄لإنك لو مش عارفها فـ دي تبقى كارثة الحقيقة

فـ احنا هنبدأ من السؤال التاني بقى

وهو البراند بيقدم ايه مختلف ومميز؟📌

وهنا وزي ما انا عودتك طالما انت سألتني سؤال

😄 فـ ده معناه اني هسألك انت اسئلة اكتر

والمرة دي انا هسألك 4 اسئلة مطلوب منك تجاوبهم

:وهما كالأتي 📌

خلص إجابة الأسئلة دي

وروح بقى على السؤال اللي بعده

وهو البراند بيقدم ايه لمين؟📌

وطبعًا احنا هنا بنتكلم عن بروفايل الكاستمر المثالي اللي المفروض البراند بتاعك بيخاطبه

وانت عشان تعرف ده

:محتاج تجاوب على الـ 5 اسئلة دول

لو جاوبت على الأسئلة دي، احب اقولك احنا كده خلاص قربنا

لإن فاضل سؤال واحد بس

وهو ايه بقى اللي يثبت📌
الكلام ده كله؟

والسؤال ده مهم طرحه الحقيقة لإن سهل اوي

ان كل الكلام اللي انت كتبته فوق ده

يكون كلام مش منطقي عادي ومش موجود على أرض الواقع

وعشان تفهم خطورة السؤال ده

خليني اقولك عن انواع بوزيشنينج📌
البراندز بتتجه اليها

بوزيشنينج مبني على مشكلة وحلها 👈

البوزيشنينج هنا مركز على اكبر مشكلة موجودة عند العميل

المستهدف وازاي البراند هو الحل الأمثل ليها

بوزيشنينج مبني على التنافس 👈

البوزيشنينج هنا مبني على انك ازاي الاختيار الافضل وسط

المنافسين الموجودين حواليك، معتمد دايمًا على المقارنات اللي

بتقلل من اداء منافسينك قصادك مثلًا

بوزيشنينج مبني على الجودة او التسعير 👈

وانا الحقيقة مش هشرحه لإن البوزيشنينج ده بجانب انه شارح نفسه

فـ هو كمان كارثي واي حد بيستخدمه وخلاص وما بيكونش حقيقي في الأخر

بوزيشنينج مبني على منفعة نهائية 👈

وده بوزيشنينج مبني على منفعة او وعد بميزة ما يقدرش

براند تاني منافس يقدم زيها بإي شكل من الأشكال

كل نوع من دول سهل اوي تستخدمه📌

بس صعب اوي انك تثبته على ارض الواقع

الا لو انت فعلًا مختاره بشكل استراتيجي

والأهم من كده تكون ثابت عليه وعندك ما يثبت انك كده

سواء من خلال طريقة تقديمك وتواصلك وتعاملك مع الجمهور المستهدف

او من سواء كلام الجمهور المستهدف والعملاء عليك

فـ خد بالك

بني ادم بعقلية ميكروويڤ🤓

كريتيف انتربرينور#

يا ترى مين ممكن تكون دماغه عبارة عن ميكروويڤ كبير

هو اللي بيحركه في كل حاجة هو بيعملها او بيخطط يعملها؟

في الحقيقة هما كتير، بس انا عايز اتكلم عن واحد بس منهم

وهو كريتور او صانع محتوى طموحه📌
انه يبني بيرسونال براند قوي

يظن أنه بشوية محتوى سطحي خالي من اي مميزات او اي عمق

او اي تجربة شخصية او اي بوزيشنينج واضح

هيشتغل عليه كده ورا بعضه ويقدمه او ينشره على مدار 30 يوم مثلًا

هيحققله اللي نفسه فيه

او انه يكون مفكر ان كل فكرة أو قطعة محتوى ينشرها هتطلع ڤايرال خلال 30 ثانية

الطريقة دي في التفكير كمان بتخلي نوعية المحتوى اللي بيتقدم في النهاية

شبه عقلية صانعها بالظبط

بتوعد ازاي مثلًا تبني بيرسونال براند في 30 يوم

او ازاي تبقى رقم واحد على المنصات المختلفة

او ازاي انا حققت الأرقام دي في اسبوعين شغل بس

وما خلافه من نوعيات محتوى انت اكيد شوفتها حواليك بشكل ما أو بأخر

وده يودينا لنقطة مهمة جدًا في حديثنا الحقيقة

مفيش محتوى هتدخله الميكروويف📌
هيطلعلك بـ بيرسونال براند عليه القيمة

انك تبني قاعدة جماهيرية كلها تتفق على قيمة موحدة عظيمة في الحجم

فـ دي بروسيس بتاخد وقت مش قليل بأي شكل من الأشكال

بروسيس بتطلب انك تطبخ اللي📌
بتقدمه على نار هادية

بإنك تهدى شوية على مرحلة نشر أفكارك 👈

بإنك تجمع افكارك وتكتشفها بعمق 👈

بإنك تكتب تجربتك الشخصية ورؤيتك 👈
الشخصية تجاه الأفكار دي

بإنك تعالج الأفكار دي بطريقتك ومنظورك 👈

بإنك تربط افكارك ببعض بطريقة مختلفة عن اللي بيتقدم 👈

لإن كل فكرة انت بتنشرها، هدفها في النهاية ✅
تثبيت انطباع وتجربة
محددة جدًا عند جمهورك

لإن كل فكرة انت بتنشرها هدفها في ✅
النهاية تقول انا رايحة اكلم مين
وما بكلمش مين

لإن كل فكرة انت بتنشرها، بتقول انت مين وبتؤمن بـ ايه ✅

من غير حتى ما تقول ده علنًا

فـ تأنى يا عزيزي

الحاجة الوحيدة📖

كتاب عجبني#

كلمتين عن الكتاب 📘

جاري كيلر في الكتاب ده بيقدم كونسبت بسيط جدًا، الا انه نتيجته عظيمة جدًا

وهو ان النجاح بشكل عام بييجي 📌
من تركيزك على حاجة واحدة بس

مش انك تركز على كذا حاجة مع بعض في نفس التوقيت

وبيقولك كمان انك تقدر تحدد اولوياتك على المدى الطويل والقصير

من خلال اجابة سؤال واحد بس

وهو ايه الحاجة اللي لو عملتها كل حاجة تانية📌
هتبقى اسهل او ملهاش لازمة؟

ومن خلال السؤال ده بس، بياخدك جاري في بروسيس منظمة

تجاه اجابة السؤال ده

انا اول مرة قرأت الكتاب ده كان📌
من 7 سنين تقريبًا

والحقيقة انا ببتسم دلوقتي وانا بكتبلك عن الكتاب ده، لإن النوتس اللي انا اخدتها منه

كانت أولًا سبب من الأسباب المحورية في اني لما اقرر انشر الأفكار اللي عندي

انشرها من خلال منصة تواصل اجتماعي وبودكاست ونيوزليتر

وثانيًا بقى نفس النوتس دي برضه هي اللي دايمًا انا برجعلها لما بحس

اني محتاج اعيد ترتيب اولوياتي ما بين المشاريع دي

أهم الأفكار اللي عجبتني في الكتاب ✍️

من وجهة نظري اهم فكرة بالنسبالي فيه كانت فكرة

ان الخوف من التفكير على 📌
نطاق حجمه كبير في المشاريع
او الأهداف اللي نفسك تحققها

هو الطريقة الأمثل انك تحد وتقلل من كل الفرص اللي ممكن تبقي مستنياك

بالإضافة كمان الى طرحه لفكرة📌
انك تسأل نفسك سؤال يجبرك
انك تركز على حاجة واحدة بس

ده هيساعدك تقرر ايه هي اولوياتك، وايه الأكشنر اللي مفروض تشتغل عليها حالًا

وفكرة كمان عجبتني في الكتاب هو ان تطبيقك للكونسبت ده

بيحتم عليك تقبل بعض من الفوضى 📌
اللي هتحصل
في جوانب تانية في حياتك

وازاي تتعامل مع الفوضى دي بشكل عقلاني من غير هلع او خوف

الكتاب ده لمين؟ 🔎

لو دماغك فيها 100 الف حاجة انت عايز تعملهم، وما بتعملش منهم حاجة

لو مش عارف ازاي تدي اولويات للمشاريع اللي عندك وعايز تشتغل عليها

او بتدور على نقطة نظام في حياتك او شغلك بشكل عام الحقيقة

فـ الكتاب ده ليك

مأساة تحولت الى🎥
بلوت تويست

فيلم عجبني#

انا الفيلم ده لسه شايفه📌
من فترة مش بعيدة

الفيلم بعيدًا عن القصة الأساسية فيه

فـ هو بيعرضلك تفاصيل رياضة الغطس الحر بكل جوانبها

وانا طول عمري بسمع عن الرياضة دي الحقيقة

بس عمري ما ركزت في تفاصيل التحديات اللي

بيخوضها ممارسين الرياضة دي بالشكل ده

قصة الفيلم الوثائقي ده بتدور حوالين بطلة

من ابطال العالم في الغوص الحر من ايطاليا

وغواص من غواصين الأمن والسلامة من ايرلندا

كل واحد فيهم اخد طريقه في الحياة بشكل مختلف تمامًا عن التاني

بس يشاء القدر انهم يتقابلوا في حدث مهم جدًا جمعهم هما الإتنين

ويبتدي بقى يتكون خط جديد من القصة مختلف ومقلق ويجيب توتر الصراحة

😄 وهكتفي بهذا القدر عشان محرقش عليك حاجة وانا مش واخد بالي

طريق المسوق التقليدي🔥
الى الجروث ماركتنج

حلقة جديدة من كوبي كاست#

:في الحلقة الجديدة من كوبي كاست هنتكلم مع بعض في ٥ حاجات أساسية

امتى بتوصل لمرحلة انك تاخد قرار التخصص 👈
في مجال معين داخل التسويق
بما فيهم الجروث

ايه الفرق ما بين اللي ممكن كنت بتعمله 👈
قبل التخصص في الجروث وايه بيتغير
بعد التخصص في الجروث

ايه الفرق ما بين التسويق التقليدي 👈
والجروث ماركتينج؟

ازاي الشركات بتحدد ديناميكية كل من 👈
التسويق التقليدي والجروث؟

ازاي ومن خلال ٤ مستويات بس تقدر تعرف انت 👈
ناقصك ايه عشان تتخصص في الجروث ماركتنج

الحلقة موجودة على كل منصات البودكاست حاليًا

وقبل ما اختم كلامي انهاردة 🤚

حابب اقول ان لسه في ايميلين هييجوا مني الأسبوع ده كمان

واحد هيساعدك ازاي تحط خطة تعلم لأي مجال
انت مهتم بيه بإستخدام شات جي بي تي

والإيميل التاني هيبقى فيه بونص الـ 19 طريقة اللي
تقدر من خلالهم تكتب 19 كوبي لنفس المنتج او الخدمة

وانا قررت ابعته للجميع عشان📌
فيه ناس واجهت صعوبة

في انها تجيب العدد المطلوب مقابل البونص

بس ما تتعودوش على ده اوي عشان الفترة الجاية

😄مش هيتكرر الموضوع ده

والسبب الحقيقي في الموضوع ده📌
عشان اكون صريح معاكم

هو ان النيوزليتر دلوقتي في مرحلة النمو بتاعتها

ف انا واحد من اهدافي ان النيوزليتر توصل لأكبر قدر

من المسوقين اللي ممكن يكونوا مهتمين بالمحتوى اللي فيها

بنهاية السنة الحالية ان شاء الله

فـ لو شايف انك تقدر تساعد في ده📌

هكون ممتن ليك جدًا

وبالتأكيد ده هيخليني اغير حساباتي

في حاجات كتير تخص الاستراتيجيات اللي محتاج اعملها

عشان احقق النمو ده

مشاركتك للنيوزليتر حرفيًا مش هتاخد منك اكتر من دقيقة

وشكرًا ليك مقدمًا

وبكده خلصت نيوزليتر انهاردة🤙

اتمنى تكون استفدت من ايميل انهاردة حقيقي

حابب افكرك ان جزء مهم من نمو وانتشار واستمرار النيوزليتر دي

هو تفاعلك معاها ومشاركتك ليها مع اي حد

ممكن يكون مهتم بالمحتوى اللي فيها

❤️فـ شكرًا مقدمًا لتفاعلك

اشوفك يوم الأحد القادم ان شاء الله