،قرائي الاعزاء

اهلًا وسهلًا بيكم في نسخة جديدة من النيوز ليتر

:اللي من خلالها بشارككم ٣ نصائح في

الكوبي رايتينج ✏️

البراند بيلدينج 🏗️

الكريتيڤ انتربرينيرشب 🤓

:بالإضافة الى كده، هتلاقي ترشيحات مني سواء كانت

كتاب قرأته او بقرأ فيه حاليًا 📖

بودكاست بسمعه 🎙️

مصدر ممكن يفيدكم، او مقولة عجبتني، على حسب يعني💡

…فـ يلا بينا نبدأ بـ أول ٣ نصائح

تأثير اللولابالوظة ✏️

كوبي رايتينج#

تخيل معايا انك طلعت مع صحابك في رحلة سفاري

الجو ابتدى يسقع، وقعدة السفاري زي ما انت عارف

محتاجة نار تتلموا حواليها كده

هنتخيل برضه ان محدش من صحابك عارف ازاي يولع نار

وانت كمان برضه مش عارف

ولكن لأهداف القصة هنقول ان المهمة دي اوكلت اليك

جيت انت تبص حواليك كده تشوف ايه اللي ينفع نولع فيه

لقيت شوية ورق ناشف كده ينفع للنار

بس انت حاسس انه بعد ما يولع، شوية والنار هتطفي منه

وانت بتدور لقيت شوية اغصان شجر دبلانة

الأغصان دي برضه تنفع للنار ليه لأ

بس انت حاسس برضه ان الأغصان لوحدها مش هتعمل نار كبيرة تكفي قعدتكم

فـ قولت لنفسك بقى طب ما نحط الورق على الأغصان

ونجيب شوية ورق شجر ناشف عليهم ونولع فيهم

جيت تعمل كده، لقيت فعلًا النار بقت اكبر واشد في الحرارة

اهو اللي حصل ده❗
اسمه اللولابالوظة

اللولابالوظة في قصتنا دي هي النار الكبيرة اللي انت عرفت تعملها

بعد ما جمعت مجموعة من العوامل المؤثرة مع بعض

ادوا في النهاية الى تحقيق نتيجة اكبر في الحجم

ويمكن انا حكيتهالك في شكل قصة عشان تقدر تفهمها

بس يا ترى هي تعريفها ايه في سياق شغلك؟

تعالى نشوف

:اللولابالوظة هي❗
:قدرتك على

ويمكن انت دلوقتي بتسأل ما بينك وبين نفسك

يعني ايه محفز نفسي او هي المحفزات النفسية دي

وانا هجاوب على سؤالك ده بأسئلة تانية الحقيقة

ايه يا ترى اللي ممكن يخليك📌
تشتري حاجة حالًا؟

ايه اللي ممكن يخليك تشتري دلوقتي📌
وانت مخطط تشتري بعدين؟

ايه اللي ممكن يخليك تتابع شخص بعينه📌
وترشحه لكل الناس دونًا عن الباقي؟

اجابتك على اسئلة زي دي هي اللي بتحدد شكل المحفزات النفسية

اللي بتحركك عشان تشتري حاجة او تاخد اكشن عاملة ازاي

ودي امثلة من اكتر المحفزات❗
:النفسية تأثيرًا

انصحك تعمل عليهم ريسيرش وتبتدي تذاكر فيهم

لإنهم مهمين جدًا جدًا في الكومنكيشن عندك

لإن دي المحفزات الموجودة❗
عندجمهورك المستهدف برضه

ماهو مش انت لوحدك اللي عندك محفزات بتحركك

جمهورك برضه عنده محفرات تحركه

وعشان كده وزي ما بقول كل مرة

لازم تبقى فاهم كويس انت بتكلم مين

وايه شكل المحفزات النفسية اللي ممكن تخليه يتحرك حالًا ياخد اكشن

فكر دايمًا ازاي تجمع اكتر❗
من محفز مع بعض

يعني مثلًا انك تقدم ويبينار📌
او اي نوع من المحتوى مجانًا

بس تدمج عليه سوشيال بروف له علاقة بالمنتج او الخدمة اللي انت بتبيعهم في النهاية

او تبيع الندرة بس عليها التزام📌

انك تقدم خصم او عرض محدود جدًا لفئة قليلة من جمهورك

واول ما الفئة دي تاخد العرض، تفكرهم بالقيمة اللي موجودة في العرض

وتضيف عليها كمان عرض تاني لو قدروا يخلو ناس اكتر تشتري منك

او انك تلعب على التضاد في📌
التسعير مع التثبيت

بإنك مثلًا تعرض المنتج او الخدمة اللي قيمتها اعلى بكتير

من قدرة الجمهور على تحمل شرائها في الوقت الحالي

بعد كده تعرض نسخة تانية من المنتج او الخدمة دي بس معدلة

سواء من حيث الخصائص او المميزات ولكن بسعر اقل

وهكذا بقى✍️

فكرة الدمج ما بين محفزين تقال مع بعض بشكل استراتيجي

دايمًا بتدي دفعة قوية جدًا لحدوث تحول فوري

او بتبقى سبب في حدوث رد فعل بشكل مباشر

😄واهو ده بقى يا سيدي تأثير اللولابالوظة

للمنافع وجوه كثيرة 🏗️

براند استراتيجيز#

هل تعلم عزيزي وعزيزتي

ان كل واحد فيكم لو رسم سلم على ورقة

ودخل منفعة وظيفية موجودة في منتج او خدمة

يقدر يحولها لمنفعة عاطفية

وهل تعلم برضه انك لو خدت المنفعة العاطفية دي

تقدر تحولها لمنفعة كبري على نفس السلم؟

لا ومش بس كده❗

انت تقدر من خلال السلم ده، تاخد كل نوع منفعة

وتحطها في المكان المناسب ليه في التاشت بوينتس الخاصة بالبراند

وتقدر كمان تحط نوع المنفعة المناسب للهدف المطلوب منها

سواء بقى على مستوى المنتج، او مستوى البراند، او مستوى الحملات الإعلانية كمان

كل اللي مطلوب هو انك❗
:تبص على الصورة دي

بعد كده بقي هتسأل ليه المنفعة دي مهمة؟

وده سؤال هتسأله لنفسك في كل مرحلة بتحول فيها المنفعة

من نوع لنوع تاني

مع الاخذ في عين❗
الاعتبار الأتي

المنفعة الوظيفية متعلقة بالمنتج ✍️

والمنفعة العاطفية متعلقة بإحساس ✍️
او شعور مرتبط باستخدام المنتج

والمنفعة الكبرى متعلقة بحالة الإنجاز ✍️
او مرحلة ما بعد استخدام المنتج

او برضه نقدر نقول مرحلة الوصول الى النتيجة اللي وعد بيها المنتج

نصيحة في الارتباط🤓

كريتيف انتربرينور#

اعتقد كونك شخص كريتور عامل في المجال بتاعنا

بيحتم عليك تطبيق قاعدة مهمة جدًا لما تيجي ترتبط عاطفيًا

او تصاحب يعني

وده في حالة انك عايز تبني قاعدة جماهيرية

مبنية على افكار مختلفة من نوعها في مجالك

القاعدة دي ببساطة هي💔
انك ما ترتبطش بإلهام

بس ارتبط بالتزام عادي

واسمحلي اقولك ازاي

إلهام دايمًا حاطاك❗
في زون الانتظار

هتظبط المكتب بتاعك

وتلمع شاشة اللابتوب

هتختار المزيكا الحلوة اللي هي بتحبها

مع وجبة اكل كده حلوه ليكم

وفي الأخر

إلهام مش هتجيلك غير بمزاجها

والمشكلة انك كل ما تكرر الموضوع اكتر واكتر

هتوصل لمرحلة انك هتبقى مؤمن ان الهام عمرها ما هتجيلك تاني

وده هيخليك لا عارف تشتغل ولا عارف تشوف شغلك عدل

وعشان كده خليني اقولك حاجة عشان نحط النقط على الحروف

إلهام لا يعتمد عليها❗
في شغل

يعني لو جتلك خير وبركة

لو ما جتش، دي مش نهاية الكون

انت لا بتبني براند ولا بتكسب قاعدة وفلوس عشان انت صاحب إلهام

الشغل مش معتمد على إلهام اصلًا

الشغل معتمد على انك تبقى صاحب التزام

التزام موجودة دايمًا❗
عشانك

التزام هتحبك اكتر من حبك ليها بـ مئات الأضعاف الحقيقة

هي لا فارق معاها شكلك

ولا تظبيطك لمكتبك

ولا المزيكا ولا اي حاجة خالص

كل اللي هي عايزاه هو الكومتمنت

او الالتزام في علاقة جدية ما بينكم

التزام مش هتقولك طلع كل يوم فكرة حلوة عشان ابقى مبسوطة منك

هي عايزاك بس تحاول كل يوم

التزام عايزة منك لو توعد وعد

توفِي بيه كل يوم

إلهام عايزاك مثالي بس❗
التزام متقبلة عيوبك

مشكلتك عمرها ما كانت في انك عارف تكتب

المشكلة في انك بتسوف وبتأجل

مفكر ان كل مرة ده مش وقته

المشكلة في انك خايف تكتب

او تطلع بفكرة ويتقالك وحشة في الأخر

المشكلة في ان عندك مثالية زيادة عن اللزوم

إلهام وصلتلك احساس انك هتبقى مثالي لما تبقى صاحبها

بس انت شوفت اهو ان إلهام هتبيعك

وعشان كده لازم تتقبل ان العيوب دي

جزء من البروسيس الخاصة برحلتك

ساعتها بس

التزام هتقولك ان العيوب دي مش قاتلة

هتوريك ان الصناعة مهارة❗
محتاجة تُصقل بالممارسة

وهتقولك شد حيلك كل يوم

فـ اقعد معايا على طول

واشتغل كل يوم

جمع معايا افكار من كل حتة حواليك

ونقعد نفكر فيها مع بعض

ونشوف هتقدر تطلع بإيه من كل ده

فـ لو عايز تبقى صانع مؤثر بأفكار مؤثرة ومخلتفة من نوعها

اشتغل كتير

قرب من الشغل

وقرب من التزام

وابعد عن إلهام

:ملحوظة❗

البوست موجه للولد والبنت عادي

😄واتكتب بالطريقة دي لخدمة سياق الفكرة لا اكتر ولا اقل

😄وكامل تقديري طبعًا لأي بنت اسمها الهام

فض اشتباك🔥
لا بد منه

حلقة جديدة من كوبي كاست#

للماركتنج وجوه كتير الحقيقة❗

وجه اسمه بيرفورمانس ماركتنج

ووجه تاني اسمه جروث ماركتنج

ووجه تالت اسمه بروداكت ماركتنج

ووجه رابع اسمه براند ماركتنج

كل وجه من دول له الديناميكية الخاصة به

وكل وجه من دول برضه له مدرسته التسويقيه الخاصة

وبرضه كل وجه من دول له الناس اللي بتدافع عنه

وبتهاجم باقي الوجوه

وعشان كده❗

في الحلقة الجديدة من كوبي كاست احنا هنفض الاشتباك ده مع بعض

وهتعرف ديناميكية كل نوع من دول ايه تحديدًا

والأهم من كده هو انت ازاي تتخصص في اي نوع من الأنواع دي

وانهي انواع قابلة للتطبيق داخل منظومات البيزنس

الحلقة موجودة على كل❗
منصات البودكاست

دوس على صورة الحلقة واختار تسمعها من انهي منصة

البونص ده ليك 🤚

لو انت كاتب محتوى او صانع محتوى او كوبي رايتر

وبتشتغل فري لانسر

فـ ما ينفعش تفوت البونص ده اللي متقدملك هنا بالتعاون مع نيكولاس كول

وهو واحد من اكتر الكتاب متابعة وتأثيرًا الحقيقة على منصات كتير

وقدر من خلال شغله في الفري لانسينج والجوست رايتينج انه يحقق

اكتر من ٢ مليون دولار ريڤينيو

:البونص ده الحقيقة مكون من ٧ اطارات كاملة كالأتي

السبب الرئيسي في ليه انت كفري لانسر معظم الوقت

مش بيجيلك فلوس كفاية، وازاي تعالج المشكلة دي

ايه الإطار اللي تقدر من خلاله تقدم خدماتك في شكل بريميم؟

ازاي تصمم الأوفر اللي هتعرض فيه خدماتك من خلال ٣ خطوات؟

ايه السيستم اللي تقدر تجيب بيه عملاء بيدفعوا تيكيت

عالية في الخدمات اللي بتقدمها كل شهر؟

ازاي تبني سيستم تتواصل بيه مع العملاء المحتملين من غير ما تبقى زنان

ازاي تضاعف ارباحك من الخدمات اللي بتقدمها

او ازاي تاخد نفس ارباحك ولكن بربع المجهود اللي انت بتعمله دلوقتي

ازاي تختار اكتر نيش تقدر من خلاله تبقى بريميم فريلانسر

ودي تفاصيل البونص❗

دوس على اللينك اللي تحت

ودخل ايميلك

وهيجيلك على الانبوكس على طول ان شاء الله

Land Your First Client In 5 Steps

Freelance Writers:

• Tired of getting paid per hour (or worse, per word?)

• Still relying on inconsistent word-of-mouth referrals?

• Ready to step off the freelancer hamster wheel?

Then you’re in luck! 

This FREE 5-day email course will help you:

• Craft an irresistible offer

• Charge premium prices

• Land your first $5,000 client

Click here to get instant access.

وبكده خلصت نيوزليتر انهاردة🤙

اتمنى تكون استفدت من ايميل انهاردة حقيقي

حابب افكرك ان جزء مهم من نمو وانتشار واستمرار النيوزليتر دي

هو تفاعلك معاها ومشاركتك ليها مع اي حد

ممكن يكون مهتم بالمحتوى اللي فيها

❤️فـ شكرًا مقدمًا لتفاعلك

اشوفك يوم الأحد القادم ان شاء الله

احمد العشري