،قرائي الاعزاء

اهلًا وسهلًا بيكم في نسخة جديدة من النيوز ليتر

:اللي من خلالها بشارككم ٣ نصائح في

الكوبي رايتينج ✏️

البراند بيلدينج 🏗️

الكريتيڤ انتربرينيرشب 🤓

:بالإضافة الى كده، هتلاقي ترشيحات مني سواء كانت

كتاب قرأته او بقرأ فيه حاليًا 📖

بودكاست بسمعه 🎙️

مصدر ممكن يفيدكم، او مقولة عجبتني، على حسب يعني💡

…فـ يلا بينا نبدأ بـ أول ٣ نصائح

حوار مع صديقي الچونيور✏️

كوبي رايتينج#

عزيزي الچونيور اللي لسه بياخد خطواته الأولي في مجال الكوبي رايتينج

سواء لسه بتبتدي او حتى بقالك سنتين تلاتة بشتتغل كوبي رايتر

على الرغم من اني بشتغل جروث ماركتير او مسوق من خلال النمو

وعلى الرغم من ان دينياميكية شغلي حاليًا مختلفة بشكل كبير

عن ديناميكية شغلك انت دلوقتي

الا اني من ١٤ سنة بالظبط كنت في مكانك بواجه نفس تحدياتك

وده لإني دخلت مجال التسويق من بوابة الكوبي رايتينج

وانا عارف انك ممكن تستغرب من المعلومة دي

وممكن تكون مفكر انك من ساعة ما عرفتني هو اني بشتغل كوبي رايتر اصلًا

بس في الحقيقة لأ❗

انا اه انتقلت من زمان من الكوبي رايتينج لمجالات اعمق داخل المظلة التسويقية

بس ده ما منعنيش من اني انشر واستمر في نشر محتوى

يخص الكوبي رايتينج حتى وقتنا هذا

بناءً على تجربتي الشخصية والمهنية

وده لسببين مهمين جدًا الحقيقة

اولهم: هو ان تجربتي في الكوبي رايتينج هي اللي وصلتني للي انا فيه حاليًا

ثانيهم: هو ان زي ما انا قدرت بتوفيق ربنا احقق ده، فـ انت كمان تقدر تحقق ده برضه ان شاء الله

وعشان كده انا بكتبلك❗

على الرغم من أن أول سنين في حياتي المهنية كـ كوبي رايتر كانت مليئة بالتجارب المفيدة

الا انها كانت مليئة برضه بالتجارب المؤلمة والتخبط وقلة الأمان

انا ما كنتش عارف انا المفروض اتحرك ازاي في الكارير بتاعي

ما كنتش عارف اصلًا ازاي ابني الكارير بتاعي بدري بدري بشكل ممنهج

ما كنتش عارف كل خطوة باخدها هل هي صح ولا لأ

وانا اعتقد انك ممكن انت كمان ما تبقاش عارف برضه اجابات للأسئلة دي

ولذلك اسمحلي اقولك مجموعة من النصائح تقدر من خلالها تبني خطة واضحة

للإتجاه اللي انت عايز تحرك فيه الكارير بتاعك

اتعلم تبقى مسوق✍️
صعب الاستغناء عنه

وخلي بالك اني قولت مسوق، ما قولتش كوبي رايتر

واسمحلي اوضحلك ازاي

جزء من رحلتك في التعلم هو انك اكيد هتحاول تتعلم كل ما يخص الكوبي رايتينج

وده طبعًا مهم جدًا لإصقال مهاراتك وخبراتك ككوبي رايتر

بس وماذا بعد ذلك؟❗

انت عند مرحلة معينة هتلاقي نفسك بتستهلك محتوى في الكوبي رايتينج

خالي من التنفيذ في السياق التسويقي

محتوى مركز ازاي تكتب احسن، ازاي تكتب بشكل مختلف، ازاي تطلع افكار كتير

كل ده مهم وجميل، بس ماذا بعد ذلك؟

وعشان كده انت محتاج ومن دولقتي في كل مكان هتشتغل فيه

انك تتعلم أكثر عن البيزنس اللي انت ماسكه بشتغل ازاي

تتعلم اكتر عن طبيعة الصناعة اللي البيزنس بتاعك موجود فيها بتشتغل ازاي

وتتعلم اكتر عن طباع الجمهور المستهدف في الصناعة والبيزنس بيعملوا ايه وبيفكروا ازاي

انت مش متخيل ال ٣ حاجات دول لو عملتهم هيفتحوا دماغك

في الجوانب التسويقية بشكل عامل ازاي

والأهم من كده، ده هيديك ميزة تسويقية كـ كوبي رايتر مش بالضرورة ممكن تلاقيها

موجودة في الفريق اللي انت شغال فيه اصلًا

ما تحطش اطار وانت ✍️
ما بتعرفش تحقق نتائج

وصدقني انا مش قصدي اضايقك

ما ينفعش تقول على نفسك انك استراتيجيست

وانت لسه بقالك سنة او اتنين او تلاتة بتشتغل

انا عايز اقولك في ناس اكتر منك خبرة وبيقولوا على نفسهم كده

وهما ما بيعرفوش اصلًا يعملوا استراتيجي او يحطوا اطار صحيح للشغل

مش مطلوب منك انك تبقى مسوق نافذ البصيرة

عارف يرسم بروسيس واطارات للشغل بشكل عام

ولكن مطلوب منك انك❗
تحقق نتايج

وصدق او لا تصدق انت تقدر تحقق نتايج حتى لو انت غير واعي

ان فيه بروسيس او اطارات عمل لتحقيق النتايج دي عادي

فـ ما تركزش على الجوانب الاستراتيجية

وانت لسه عندك مشاكل في تحقيق النتايج بأبسط مجهود

خلي خلقك واسع ✍️

زمان انا كنت دايمًا مركز على اني ابقى صح

واني احاول اخرج اكبر قدر ممكن من الكلمات من فمي

سعيًا ان اخلي الناس توافق على اللي انا عايزه

وكنت دايمًا بقول احنا محتاجين نعمل كذا وكذا وكذا عشان نوصل لكذا وكذا وكذا

وده الحقيقة عشان انا خلقي كان ضيق اوي

بس انا اتعلمت انى❗
اسأل بدل ما اتكلم

واني استمع اكتر واكتر

واتعلمت اني ابقى طول الوقت فضولي لكل اللي بيحصل حواليا

وده فرق كتير جدًا في شغلي زمان

وفرق في حجم المخرجات اللي بتطلع من تحت ايدي

فـ انت كمان عزيزي محتاج تخلي خلقك واسع

محتاج تأكل كبريائك ✍️

في مواقف كتير جدًا هتنفذ قرارات ووجهات نظر

غالبًا انت مش موافق عليها ورافضها

محتاجك تقتنع بفكرة انك حتى لو قولت انت مش مقتنع بيها ليه لصاحب القرار

فـ انت برضه ملزم بتطبيقها مهما كانت نتيجتها اللي انت متوقعها

وملزم بتطبيقها بشكل احترافي بدون كروتة او تقليل في المجهود المبذول عليها

وحتى لو النتيجة اللي انت متوقعها حصلت، فـ ما ينفعش تشمت

احيانًا اعادة توجيه القرارات تحتاج الى تجارب غير ناجحة مثبتة بأرقام

مش بوجهات نظر

فـ ما تدخلش كبريائك في الشغل

العشوائية جواها فرصة✍️

على عكس المعتقد، بس انك تشتغل في مكان

البروسيس بتاعته فيها جزء مش قليل من العشوائية

هي فرصة ليك في انك تفكر بشكل ممنهج، هي فرصة في انك تفكر بسرعة

هي فرصة برضه انك تفكر وتنتج تحت ضغط

كل دي فرص في انك تحقق نمو في طريقة تفكيرك وطريقة انتاجك

العشوائية هي تيار انت❗
قادر على العوم ضده

او على الأقل انك تتعلم العوم ضده

لإن صدق او لا تصدق، لو بقالك سنة

او حتى بقالك ٧ سنين

مفيش مكان هتشتغل فيه مفيهوش جزء من العشوائية والضغط

فـ عود نفسك عليه من دلوقتي

اتعلم تشوف الفرص ✍️
السهلة فين

في اي مكان هتشتغل فيه، هتلاقي فيه فرص سهلة كده محدش واخد باله منها

او ممكن يبقوا واخدين بالهم منها، بس محدش فاضيلها او عايز يركز عليها

الفرص دي ممكن تحقق ارقام احسن، تحل مشكلة موجودة

تنظم بروسيس شغل مثلًا برضه

استغل الفرص دي واشتغل عليها في اسرع وقت

لإنها هتخلق حركة سريعة وكله هياخد باله انك انت اللي عملت ده

وده بيديك فرص اكبر في انك تاخد مكانك اللي تستحقه داخل المكان اللي انت فيه

بالإضافة الى انك بتبوزيشن نفسك على انك بروبليم سولڤر

ودي حاجة انت كمسوق محتاجها جدًا الحقيقة

من اين يأتي المحتوى؟🏗️

براند استراتيجيز#

قصة حقيقية لسه حاصلة الأسبوع اللي فات

كنت في استشارة مع مجموعة من السوشيال ميديا سبيشياليستس

كان عنهم مشكلة في طريقة توزيع المحتوى اللي مفروض ينزل

على منصات البراند اللي مسئولين عنه

ابتدوا المناقشة معايا بعرض الخطة اللي هما عملوها

وانواع المحتوى اللي طلعت بشكل عام

وكانوا بيسألوني ايه رأيي في اللي طلع

وزي ما انت عارف ف انت لو سألتني سؤال، فـ انا هرد عليك بسؤال تاني

ويمكن اكتر كمان الحقيقة

وانا فعلًا سألتهم ٦ اسئلة مش سؤال واحد بس

ومن خلال الاجابات اللي جاوبوها عليها

نقدر نقول ان ٦٥٪ من الخطة اللي اتعملت دي هما أعادوا تنفيذها تاني

وانا هقولك على❗
الأسئلة دي

يمكن تجاوب انت عليهم بنفسك وتعرف هل فيه تطابق ما بين اجابات الأسئلة دي

:وخطة المحتوى اللي عملتها للبراند ولا لأ

جاوب وطابق بقى❗

خلص اجابات الأسئلة

وطابق اللي جاوبت عليه باللي نفذته في الخطة

واللي هتلاقيه مش مطابق، اظن انت عارف هتعدل فيه ازاي

نزلت البونص ده🔥
ولا لسه؟

لو انت كاتب محتوى او صانع محتوى او كوبي رايتر

وبتشتغل فري لانسر

فـ ما ينفعش تفوت البونص ده اللي متقدملك هنا بالتعاون مع نيكولاس كول

وهو واحد من اكتر الكتاب متابعة وتأثيرًا الحقيقة على منصات كتير

وقدر من خلال شغله في الفري لانسينج والجوست رايتينج انه يحقق

اكتر من ٢ مليون دولار ريڤينيو

:البونص ده الحقيقة مكون من ٧ اطارات كاملة كالأتي

السبب الرئيسي في ليه انت كفري لانسر معظم الوقت

مش بيجيلك فلوس كفاية، وازاي تعالج المشكلة دي؟

ايه الإطار اللي تقدر من خلاله تقدم خدماتك في شكل بريميم؟

ازاي تصمم الأوفر اللي هتعرض فيه خدماتك من خلال ٣ خطوات؟

ايه السيستم اللي تقدر تجيب بيه عملاء بيدفعوا تيكيت؟

عالية في الخدمات اللي بتقدمها كل شهر؟

ازاي تبني سيستم تتواصل بيه مع العملاء المحتملين من غير ما تبقى زنان؟

ازاي تضاعف ارباحك من الخدمات اللي بتقدمها؟

او ازاي تاخد نفس ارباحك ولكن بربع المجهود اللي انت بتعمله دلوقتي؟

ازاي تختار اكتر نيش تقدر من خلاله تبقى بريميم فريلانسر؟

ودي تفاصيل البونص❗

دوس على اللينك اللي تحت

ودخل ايميلك

:وهيجيلك على الانبوكس على طول ان شاء الله

Land Your First Client In 5 Steps

Freelance Writers:

• Tired of getting paid per hour (or worse, per word?)

• Still relying on inconsistent word-of-mouth referrals?

• Ready to step off the freelancer hamster wheel?

Then you’re in luck! 

This FREE 5-day email course will help you:

• Craft an irresistible offer

• Charge premium prices

• Land your first $5,000 client

Click here to get instant access.

نشرة بريدية جديدة🔥

لو انت مسوق مهتم بكل ما يتعلق بالجروث والبروداكت ماركتنج تحديدًا

احب اقولك انك هتلاقي محتوى مني في الجزئيات دي في جروث وايز نيوزليتر

ودي نشرة بريدية جديدة انا واحد من مؤسسيها

فـ مش عارف ده واضح ولا لأ

بس زي ما انت شايف، فـ انا حبيت النشرات البريدية اوي

في جروث وايز ان شاء الله هيجيلك عدد ٢ ايميل في الشهر مني

بتكلم فيهم عن الجروث والبروداكت ماركتنج بشكل تفصيلي

طريقة كلامي هناك مش هتختلف كتير عن طريقة كلامي هنا الحقيقة

وان كانت بس المواضيع هي اللي هتبقى مختلفة شوية

اول ايميل هيجيلك مني هناك هيبقى الأسبوع القادم ان شاء الله

هكلمك فيه عن ازاي تظبط معدل الكونڤرجن من اول الأوارنيس

مرورًا بالاستحواذ، ووصولًا الى الاكتفيشن

وبكده خلصت نيوزليتر انهاردة🤙

اتمنى تكون استفدت من ايميل انهاردة حقيقي

حابب افكرك ان جزء مهم من نمو وانتشار واستمرار النيوزليتر دي

هو تفاعلك معاها ومشاركتك ليها مع اي حد

ممكن يكون مهتم بالمحتوى اللي فيها

❤️فـ شكرًا مقدمًا لتفاعلك

اشوفك يوم الأحد القادم ان شاء الله