،قرائي الاعزاء

اهلًا وسهلًا بيكم في نسخة جديدة من النيوز ليتر

:اللي من خلالها بشارككم ٣ نصائح في

الكوبي رايتينج ✏️

البراند بيلدينج 🏗️

الكريتيڤ انتربرينيرشب 🤓

:بالإضافة الى كده، هتلاقي ترشيحات مني سواء كانت

كتاب قرأته او بقرأ فيه حاليًا 📖

بودكاست بسمعه 🎙️

مصدر ممكن يفيدكم💡

…فـ يلا بينا نبدأ بـ أول ٣ نصائح

وقت الامتحان✏️
تُكرم الكوبي او تُهان

كوبي رايتينج#

ممكن من اول لحظة قرأت فيها عنوان السكشن ده

جه في بالك ان الامتحان هو تقييم الكوبي من قبل عميلك، أو مديرك

بس في الحقيقة أنا الامتحان اللي بتكلم عنه

هو تقييم الكوبي بتاعتك من قبل الجمهور📌
المتلقي لشغلك اولًا

ثم تقييم مديرك وعميلك📌
الفني والتقني للكوبي ثانيًا

:وهنا ييجي سؤال مهم جدًا احنا محتاجين نجاوب عليه

وهو ازاي تقيم الكوبي❗
بناءً على الترتيب ده؟

انا عشان اجاوبك على سؤال زي ده الحقيقة

محتاج اسألك انت سؤالين

ولا اظن اني هكون محتاج منك اجابتهم خالص

لأنك لو جاوبت عليهم لوحدك

هتقدر تجاوب على السؤال اللي انت سألته اصلًا

:فـ تعالى بينا نشوفهم مع بعض كده

ايه وقع وتأثير الكوبي اصلًا☝️
على الجمهور المستهدف؟

وقبل ما تقول يعني انا سألتك اصلًا السؤال ده، فـ تقوم انت سألهولي يا احمد

اسمحلي اقولك الصبر واقرأ معايا براحة كده الكلام القادم

فيه هدف محدد انت اكيد اشتغلت عليه وانت بتبني وبتكتب الكوبي بتاعتك صح؟

سواء الهدف ده مثلًا ان الجمهور يشتري، او يشترك

او يسجل في حاجة ليها علاقة بالمنتج او الخدمة بتاعتك

اذًا فـ عشان تقدر تقيس هي الكوبي بتاعتك ضعيفة أو قوية

انت محتاج تختبر الكوبي الأول مع عينة من الجمهور المستهدف

قبل ما تخلص شغل عليها وتسلمها تسليم نهائي بقى

وانا عارف انك ممكن تقولي مفيش حد❗
في الشغل بيعمل اختبارات او تيستينج للكوبي

واني لو قولتلهم كده، محدش هيسمع كلامي

هقولك مفيش مشكلة خالص، مش شرط عشان مش هيسمعوا كلامك

فـ ده معناه انك تتقبل ده كأمر واقع

لإن فيه طرق تانية تقدر من خلالها تختبر الكوبي بتاعتك برضه

ابسط حاجة خالص، جرب تنزل عندك بوست على حسابك الشخصي مثلًا

بتسأل فيه لو عندك حد من معارفك بيمثل الجمهور المستهدف

اللي انت بتكلمه بشكل ما أو بآخر

وبعد ما توصله، اتكلم معاه وعرفه انت عايزه ليه

وابعتله الكوبي اللي كتبتها، واسأله ايه انطباعاته؟

في اي اسئلة جت في دماغه؟ في أي اعتراضات فكر فيها؟

هل الكوبي كان باين فيها انها بتكلمه؟ موضحة تحدي او نقطة الم عنده؟

هتيجي تقولي طيب افرض انا معنديش❗
حد اعرفه من الجمهور المستهدف

هقولك وفين الريسيرش بتاعك؟

ما انت ممكن تدور على الجروبات اللي ليها علاقة باللي انت بتحاول تبيعه

و جمهورك المستهدف هناك

هقولك ما انت ممكن تبقى عضو في الجروبات دي

وممكن تتواصل مع اعضاء في الداخل

وممكن تقول انك محتاج مساعدة حد منهم في عمل استطلاع رأي بسيط مثلًا

وهكذا بقى

لو انت مش مقتنع بأنك محتاج❗
تجاوب السؤال ده الأول

احب اقولك ان هتفضل طول حياتك المهنية مش عارف تقيم شغلك ازاي

لإنك ببساطة متجاهل أهم شريحة مستهدفة للشغل اللي انت بتعمله

:نشوف بقى السؤال التاني

ايه وقع وتأثير الكوبي على✌️
زميلك ومديرك؟

زي ما احنا اتفقنا في أول كلامنا خالص

ان تقييم الزميل والمدير والعميل

هو تقييم فني وتقني في المقام الأول والأخير

ده اذا كان موجود من اساسه

الهدف منه هو التأكد من ان الكوبي طالعة بمعايير واشتراطات معينة مطلوبة

بس ماذا لو التقييم الفني أو التقني 🤔
ده مش موجود؟

بسيطة، ركز في كل خطوة هقولك عليها دلوقتي

وجرب تقنع بيها زميلك أو مديرك بإنكم محتاجين تطبقوها الفترة القادمة

اولًا عدد المسموح لهم بالتقييم📌
هيكونوا بحد أقصى 6 أشخاص

1-4 ثانيًا تقييم الكوبي هيكون من📌

:ثالثًا كل رقم من 1-4 هيبقى له معنى كالآتي📌

رابعًا بعد ما التقييم يخلص، هتطلع بمتوسط التقييم كام📌

خامسًا لو التقييم من 3 لفوق، انت كده تمام📌

سادسًابقىلوالتقييمتحت3📌

فـ انت محتاج تسمع مقترحات اللي قيموا عشان تحسن الكوبي

بس خد بالك بقى من نقطة مهمة جدًا❗

لو اتقالك مقترح زي انا حاسس او انا شايف ان الكوبي محتاجة تبقى اوضح من كده

تجاهل المقترح ده تمامًا، لإنه مش مفيد بأي شكل من الأشكال

بس لو اتقالك مقترح زي ايه رأيك لو غيرنا الجملة دي

وخليناها بالشكل ده، كده الكوبي ممكن توضح

ده مقترح محتاج تركز فيه اكتر وتفكر فيه كمان

لو جاوبت على السؤالين دول هتقدر 👈
تعرف تقييم الكوبي بتاعتك بشكل واقعي

بدون دراما ✅

بدون تدخلات ملهاش داعي ✅

وبدون تضييع وقت في مهاترات ✅

حادي بادي شغل زبادي 🏗️

براند استراتيجيز#

خليني اسألك ٣ اسئلة

لو انا وانت مسكنا البراند اللي انت مسؤول عنه

وراجعنا الشغل اللي اتعمل فيه سواء اورجانيك او مدفوع على مدار ٣ شهور

هل هنلاقي فيه ثبات في الرسائل اللي بتطلع❓
على مستوي البوزيشنينج الخاص بالبراند؟

هل واضح جدًا خلال المدة دي انت❓
بتكلم بيرسونا عاملة ازاي؟

هل فيه ثبات في توضيح المنافع والخصائص❓
النهائية الموجودة في المنتج
او الخدمة الخاصة بالبراند؟

لو معظم اجاباتك مش عارف او لأ

يبقى انت كده عندك مشكلة بشكل واضح جدًا في نوعية الرسائل

اللي مفروض تطلع من البراند عندك

والمشكلة دي مأثرة في ثبات البراند على الرسالة بتاعته طول الوقت

وبالتالي انت كل شهر بتاخد وقت كبير جدًا في انك تقعد تفكر

هو انت المفروض الشهر ده تقول ايه ولا تعمل ايه

وده كله بيأثر سلبيًا بالمناسبة على كل حاجة انت ممكن تقوم بيها

سواء اورجانيك او مدفوعة

:وعشان كده انا عايزك تستخدم الإطار ده👇

الإطار ده بيتكون من ٤ حاجات❗

مين الجمهور بتاعك📌

ايه نقاط الألم اللي عندهم📌

ايه المنافع النهائية اللي انت بتوعد بيها📌

ايه نقاط الاختلاف عندك دونًا عن اي براند تاني📌

داخل الإطار ده انت عندك مهمة واحدة بس

وهي انك تحط رسالة أساسية ما بتتغيرش قصاد كل عنصر من دول

مهمة الرسالة الأساسية دي هي انك هتفضل طول الوقت بتشتق منها

اي رسائل هتشتغل عليها خارجة من البراند على جميع المنصات اللي هو عليها

الإطار ده مهمته انه يلغي الحيرة والاختيار اللي عندك كل شهر

بالإضافة ان الإطار ده ينفع يكون بريف لأي حد معاك في الفريق

سواء هو عضو قديم او جديد

ليه محتواك ضعيف؟ 🤓

كريتيف انتربرينور#

اعتقد واحدة من المشاكل اللي بيواجهها اي كريتيڤ او مسوق

مهتم انه يعمل لنفسه بيرسونال براند بشكل ما او بأخر

هو نقطة ان المحتوى اللي بينشره، ادائه ضعيف في الأرقام

وعشان كده دايمًا فيه سؤال مقدار طرحه متكرر جدًا في الجزئية دي

وهو ايه اللي انا بعمله غلط، ازاي اتجنب الغلط ده؟

وفي الحقيقة انا بشوف من وجهة نظري ان معظم اجابات السؤال ده

بتركز على الجوانب اللي ممكن تكون اقل اهمية الصراحة

زي مثلًا انك تنوع في انواع المحتوى، صور فيديوهات اكتر

جرب تقصر المحتوى بتاعك

وما خلافه بقى من مقترحات تانية

وعشان كده تعالى اقولك علي 6 حاجات❗

ممكن تكون انت بتعملهم ويكونوا هما الغلط فعلًا

:في البروسيس والمحتوى بتاعك

ما يمكن انت مش موضح بالظبط انت بتكلم مين📌

وبالتالي انت مش عارف توصل للجمهور بتاعك

ويمكن انت عارف توصل للجمهوربتاعك📌

بس محتواك مركز على حاجات هما مش مهتمين بيها

بس يمكن انت مركز على حاجات📌
مهتمين بيها برضه

ولكن مقدمها بفورمات هما مش بيحبوه

زي مثلًا تبقى بتعمل بودكاست بس، وهما لسه مش متعودين عليه

ويمكن هما بيحبوا الفورمات برضه ليه لأ📌

بس المحتوى بتاعك في الحاجة اللي هما مهتمين بيها

مش مميز وسط باقي المحتوى اللي موجود في الحتة دي

بس برضه ممكن محتواك يكون مميز📌

ولكن انت مش موزعه صح على اكتر من منصة

ويمكن تكون عملت كل حاجة من دي صح📌

بس انت دماغك واقعة تحت ادمان النتائج السريعة

وعشان كده محتاج تصبر شوية

وتكمل طالما عامل كل حاجة صح

روما ما اتبنتش في يوم يا عزيزي/عزيزتي

القوانين اليومية 📖

كتاب عجبني#

كلمتين عن الكتاب 📘

روبرت جرين في الكتاب ده حاططلك 366 قاعدة ممكن تطبقهم في حياتك

سواء بقى كانوا عن القوة، الحرفة، الإغراء، الإستراتيجي، وطبيعة البشر

القواعد دي كلها بشكل عام متقسمة على 12 شهر

هتلاقي نفسك انك داخل كل شهر جديد بتعرف ايه الموضوع الرئيسي بتاعه

وخلال الشهر ده بقى بتتعلم 30 قاعدة تقريبًا تخص الموضوع الرئيسي ده

أهم الأفكار اللي عجبتني في الكتاب ✍️

اكتر فكرة عجبتني في الكتاب ده ان القواعد متقسمة كأنها رحلة

شبه الرحلة اللي انت نفسك ممكن تكون بتحاول تخطط لها في أول وآخر كل سنة جديدة

كل قاعدة وكل موضوع رئيسي محطوطين بترتيب منطقي جدًا خلال السنة

وعلى الرغم من ان بداية الرحلة في الكتاب في شهر يناير

الا انك ممكن تقرأ الكتاب ده دلوقتي عادي

وتعتبر ان دلوقتي حالًا هو يناير رحلتك

الكتاب ده لمين؟ 🔎

اعتقد من وجهة نظري ان الكتاب ممكن يلمس معاك

لو انت شخص بقيت حاسس مؤخراً انك مش فاهم انت عايز توصل لإيه

ولا فاهم ايه اللي مفروض يحركك بشكل عام في الحياة

ولو انت كمان بتحب روربرت جرين اصلًا وقرأتله كتاب 48 قانون للقوة

😄احب اقولك انت هتحب الكتاب ده كمان

كولين وسمير شو🎙

بودكاست عجبني#

كولين وسمير هما اتنين يوتيوبرز الحقيقة

والبودكاست بتاعهم من اكتر البودكاستس اللي انا بسمعها بإنتظام

بقالي ٤ سنين تقريبًا

واللي بحبه في البودكاست بتاعهم انهم بيتناقشوا في كل حاجة

تخص صناعة المحتوى، من منظور صناع المحتوى نفسهم

اكتر حاجة بحبها في البودكاست ده هو حجم الريسيرش والمذاكرة

اللي خصوصًا بيعمله سمير وهو بيحاور صناع المحتوى عندهم في البودكاست

مفيش حلقة هتسمعها في البودكاست ده مش هتستفاد منها

😄انا مش بقول كده مبالغة ده بجد فعلًا

مصطلح مساء فهمه🔥
وكمان استخدامه

حلقة جديدة من كوبي كاست#

وزي ما انت شوفت كده، المصطلح ده هو البراند اورانيس

لو انت مسوق بيعتمد على البراند اوارنيس لمدة ٣-٦ شهور الأول

عشان تيجي بعد ما يخلصوا تقول انك هتبتدي تبيع

احب اقولك انت بتعمل غلطة كارثية📌

ولو انت مسوق برضه بيعتمد على البيع المباشر

وبيتجاهل خالص البراند اوارنيس

احب اقولك انت كمان بتعمل غلطة لا تقل كارثية📌

وعشان كده انا بكلمكم الإتنين في الحلقة دي

عن أهمية البراند اوارنيس، والطريقة الواقعية اللي تبص بها عليه

وطرق قياس البراند اوارنيس بشكل ممنهج

يضمن في النهاية انتشار صحي للبراند

بينعكس على ارقام المبيعات والنمو في النهاية بشكل ايجابي

وبكده خلصت نيوزليتر انهاردة🤙

اتمنى تكون استفدت من ايميل انهاردة حقيقي

حابب اقولك ان جزء مهم من نمو وانتشار واستمرار النيوزليتر دي

هو تفاعلك معاها ومشاركتك ليها مع اي حد

ممكن يكون مهتم بالمحتوى اللي فيها

❤️فـ شكرًا مقدمًا لتفاعلك

اشوفك يوم الأحد القادم ان شاء الله