اكبر غلطة في الكوبي رايتينج

In partnership with

،عزيزي وعزيزتي

لو اخدنا افتراض انك بتشتغل كوبي رايتر في مكان ما
هنلاقي ان واحدة من المهام الرئيسية التي تقع تحت جناح مسئولياتك هي
كتابة كومينكيشنز بأشكال مختلفة على منصات متنوعة
بغرض الاستحواذ على عميل في النهاية وتحقيق مبيعات للشركة
او خلينا نقول تحقيق كونڤرجن او تحول بشكل ما أو بأخر للشركة دي

ولو كملنا في الافتراض ده، هنلاقي انك عشان تحقق ده في النهاية
فـ انت مطالب بمذاكر المنتج أو الخدمة اللي بيقدمهم المكان ده
ثم بعد ذلك تقديم أحسن طريقة عرض لهم في النهاية
تقنع الجمهور المستهدف انه ياخد اكشن

وكل ده كلام جميل ومتفق عليه ومفيهوش مشاكل خالص
:ولكن اسمحلي اسألك سؤال صغير كده

انت لما بتبني الكومنكيشن بتاعك
بتبقى بتكلم مين ياترى؟

فكر كده شوية في السؤال ده
خلاص فكرت؟

جاوبت قولت ايه يا ترى؟
الجمهور المستهدف؟
كلام جميل مفيش عليه خلاف

بس مين في الجمهور المستهدف؟
وعايز منهم ايه؟
فكر كده كمان شوية
خلاص؟

اااه….جمهور مستهدف عايزه ياخد اكشن؟
يعني جمهور مستهدف انت لسه هتقنعه بحاجة
وبناءً عليها لو اقتنع، ان شاء الله ياخد اكشن

جميل جدًا

:اسمحلي اسألك سؤال تاسع معلش

ليه بقى بتلخبط الدنيا في الكومنكيشن بتاعك؟

واحدة من اكتر الغلطات اللي بتحصل بناءً على اجابتك دي الحقيقة
هو انك بتحط عناصر صح جدًا في الكوبي بتاعك
بس طالعة للناس الغلط
حتى لو الناس دي هي الجمهور المستهدف بتاعك في النهاية

متلخبط صح؟
تعالى ناخد مثال

ولنفترض انك بتبيع خدمة ما، ايًا كان ايه هي مش فارقة
:ولقينا انك حاطط في الكوبي بتاعتك مميزات زي مثلًا دي كده

خدمة عملاء ممتازة
خدمة ما بعد البيع
دعم فني ٢٤ ساعة
خدمة مفصلة على طلباتك واحتياجاتك
مدير للحساب بتاعك مخصوص
رضاء مضمون بنسبة %100

سؤالي هنا بقى
المميزات دي طالعة لمين؟
هل دي فعلًا احسن مميزات ممكن تطلع لشخص انت عايزه ياخد اكشن معاك؟

متلخبط تجاوب؟
شايف ان ايوه ما الحاجات دي حلوة اهي؟
او شايف ان الحاجات دي ممكن تقنع عميل محتمل ياخد اكشن؟

طيب خليني اديلك شوية مميزات تانية كمثال تاني
وبعد كده نكمل
:تعالى نشوف

ابني الويبسايت بتاعك خلال اسبوعين، مش شهرين
احصل على عدد غير محدود من التعديلات خلال يومين بحد أقصى
كل صفحة في موقعك بيكتبها صانع محتوى او كوبي رايتر على حسب هدفك من الصفحة ايه

ها؟

في اي حاجة وضحت معاك ولا لسه؟
طيب تعالى نكمل

ايه الفرق ما بين اللي انا كتبته
في المثالين دول يا ترى؟

الفرق ببساطة في حاجتين اتنين

 Retention USPs اول حاجة اسمها الـ
 Acquisition USPs وتاني حاجة اسمها الـ

يعني ايه الكلام ده؟

اول حاجة بالعربي هي النقاط البيعية الفريدة اللي
ممكن تقنع عميل حالي يكمل استخدام
للمنتج او الخدمة بتاعتك

تاني حاجة بالعربي هي النقاط البعية الفريدة اللي
ممكن تقنع عميل محتمل ياخد اكشن
معاك ويجرب منتجك

دورك كـ كوبي رايتر بمنتهى البساطة
انك تبقى عارف تبقى بتكلم مين
وتحطله النقاط اللي هو فعلًا مهتم بيها
لا اكتر ولا اقل

لإن كده كده الريتينشن والأكوزيشن
عناصر في غاية الأهمية في الكومنكيشن
مفيش حاجة فيهم اهم من التانية عادي

الفكرة كلها انك بناءً على تحديد نقطة انت بتكلم مين فين
وتديله الحاجة اللي هو مهتم بيها

العميل المحتمل محتاج يعرف ايه المختلف عندك
عشان ياخد اكشن حالًا

 Acquisition USPs وبناءً عليها لازم تركز على الـ

العميل الحالي محتاج يعرف شكل الحياة ما بينكم
بعد ما خلاص اشترك ودفع هتبقى ماشية ازاي

 Retention USPs وبناءً عليه لازم تركز على الـ
بعد ما ياخد الأكشن الأول

طيب ازاي تفرق ما بينهم وانت
بتكتب يا ترى؟

الموضوع بسيط جدًا الحقيقة

:اول حاجة هتعملها هي كالأتي

هات الكومنكيشن اللي انت خلصت كتابته
لو لقيتها حلوة جدًا بس صعب تجربتها غير بعد شراء المنتج
 Retention USPs يبقى دي

لو لقيتها حلوة جدًا وقيمتها مثبتة
من خصائص المنتج ذات نفسه
  Acquisition USPs يبقى دي

شيل بقى أي عنصر منهم على حسب انت بتكلم مين
ومبروك انت خلاص كده خلصت

ما تعاملش جمهورك كله
بنفس الشكل

لإنهم على ارض الواقع مش بنفس الشكل

العميل المحتمل محتاج يتأكد انك مناسب له
من خلال شكل وأبعاد المنتج والخدمة نفسها

والعميل الحالي محتاج يتأكد انه مطمن
وانت محتاج تتأكد انه راضي ومبسوط
من خلال شكل وأبعاد التعامل بعد الشراء او الاشتراك

فـ ركز كده وانت بتبني الكومنكيشن
وما تحطش العناصر الصح في المكان الغلط

وأخيرًا وقبل الختام

انهاردة ولتاني مرة جايبلكم اداة ممتازة جدًا في أي بيزنس إي-كوميرس
عايز يعمل حاجة من اتنين

اولًا يزود قيمة متوسط الاوردر الواحد
ثانيًا يزود نسبة الريتينشن أو نسبة تكرار الاوردرات من العملاء الحاليين عنده

 Black Crow AI والأداة دي مقدمة من

اللي تقدر من خلالها تعملها انتيجريشن على الإيميلات عندك او الرسايل
وتعمل أوتوميشن من خلاله يحدد العملاء اللى ما اشترتش
على مدار فترة محددة انت عايزها

وتبعتلهم يدخلوا عندك على الستور يشوفوا اللي انت عايز توديهم عليه

ولو الستور بتاعك كمان على شوبيفاي وحجزت معاهم ديمو تشوف الأداة
ممكن تاخد جيفت كارد من امازون بقيمة ١٠٠ دولار

تقدر تعرف تفاصيل اكتر عنهم من اللينك اللي تحت ده

واكتفي بهذا القدر
❤️ والى اللقاء في ايميل قادم ان شاء الله

Turn your email & SMS marketing into a profitability engine

• Increase welcome flow revenue by 50%

• Generate 20% more repeat purchases

• Send shoppers to branded storefronts with a 17% CVR

Effortlessly optimize your lifecycle marketing