• Ashpen Newsletter
  • Posts
  • ١٩ طريقة تقدر تكتب بيهم رسالتك البيعية

١٩ طريقة تقدر تكتب بيهم رسالتك البيعية

اليك البونص بتاعك

،عزيزي المشترك/المشتركة

نظرًا لإن ناس كتير واجهت صعوبة في تحقيق ارقام المشتركين

اللي كان مطلوب منك كل واحد مهتم بالبونص انه يجيبها

فـ انا قررت اني اشارك البونص ده معاكم كلكم المرة دي

اتمنى انكم تستفيدوا منه وتحاولوا تطبقوه في شغلكم في اسرع وقت

 😄 عشان هيتنسي الحقيقة لو ما اطبقش عليه بسرعة

:البونص متقسم كالأتي 🔎

اسم الطريقة والهدف منها 👈

ازاي تشتغل عليها 👈

امثلة على الطرق ان لزم الأمر 👈

وعدد من التمارين اللي ممكن تعملها في كذا طريقة منهم 👈

فـ من غير ما اطول عليك اكتر من كده

يلا بينا نبدأ

قول غلطة مش متشافة✍️
بس شائعة التكرار

الهدف من استخدام الطريقة دي هو انك تشاور على مشكلة شائعة البيرسونا بتاعتك بتعملها

:والمشكلة دي بتسبب خسارة في

الوقت📌

المجهود📌

الفلوس📌

او الـ ٣ حاجات مع بعض عادي📌

الفكرة بقى بعد ما تشاور على المشكلة دي

هو انك توضح للبيرسونا هو ليه مش واخد باله من وجود المشكلة دي

ثم بعد ذلك تعرض العرض او الاستراتيجي بتاعتك

المتمثلة في المنتج او الخدمة اللي بيساعدوا في النهاية

في تقليل الوقت او الجهد او الفلوس اللي بتضيع بسبب المشكلة دي

مثال على التطبيق📌

باخد بالي ان معظم المسوقين اللي لسه في اول سنين ممارستهم للمهنة بيعملوا (غلطة)

الغلطة دي الحقيقة تكرارها المستمر بيؤدي في النهاية انهم بيبقوا

غير قادرين على (تحقيق نتيجة هما عايزينها)

وانا متفهم (اسباب هما ليه بيعملوا الغلطة دي ومفكرين انهم صح)

بس في واقع الأمر ( ليه المشكلة دي هتعطلهم اكتر، وازاي فيه حل او طريقة تانية يقدروا بيها يوصلوا للي هما عايزينه)

وعشان كده ( هنقدم الحل او الاستراتيجي او الخدمة او ايًا كان ايه اللي انت عايز تقدمه بقى)

تمرين🔎

طلع من الطريقة رسالتين بتناقش مشكلتين موجودين عن البيرسونا بتاعتك

قول الحقيقة بشكل ✍️
واضح وصريح

ودي واحدة من اكتر الطرق اللي انا شخصيًا بحبها جدًا جدًا جدًا

لإن الهدف من استخدام طريقة زي كده

هو انك ببساطة تقول الحقيقة في وش البيرسونا اللي بتكلمها

بدون تجميل وبدون اي نوع من المقدمات

كإنك بتعرض حقيقة، او افتراض، او معتقد غلط عنهم بشكل غير مريح لهم

ولكن ضروري لهم انهم يعرفوه عشان ياخدوا بالهم

مثال على التطبيق📌

اليك حقيقة عزيزي الكوبي رايتر او صانع المحتوى اللي بيقرأ البونص ده

على الرغم من فكرة ان فيه طرق كتير جدًا تقدر تاخدها عندك كوبي بيست

وتكتب بيها المحتوى اللي انت عايز تقدمه

الا ان ده مش معناه بالضرورة ان الطريقة اللي كتبت بيها، او حد قالك عليها انها حلوة

هتجيبلك ارقام كويسة والجمهور هيتفاعل معاها

وده لسبب بسيط جدًا

وهو انك مركز في الطريقة اللي عايز تكتب بيها

اكتر من انك تفهم انت بتكلم مين

وعشان كده فهم ابعاد البيرسونا اللي انت بتكلمها لوحده

بيديك فكرة قوية جدًا

عن ازاي تكتب الرسالة اللي عايز تقولهاله

..وهكذا بقى

تمرين🔎

طلع من الطريقة رسالتين بتناقش مشكلتين موجودين عن البيرسونا بتاعتك

…قول انا كنت مفكر كذا ✍️

ودي بالمناسبة طريقة مرتبطة بشكل ما او بأخر بالطريقة اللي قبل دي على طول

الفرق هنا ان الطريقة دي بيرسونال شوية

بمعنى انك لازم تتكلم بلسانك انت كشخص مش كبيزنس او براند

ركز على تكلفة✍️
عدم التغيير

عشان تشتغل على الطريقة دي

محتاج الأول انك تحدد ايه الحاجة اللي عايز البيرسونا تعملها؟

بعد كده بقى محتاج تحدد هو لما ما يعملهاش

ايه الوضع اللي هو هيكون عليه؟

ايه تكلفة انه ما يحلش مشكلته؟

ايه تكلفة انه يفضل قاعد في مكانه ما بيتحركش؟

بعد ما تحدد الـ ٣ حاجات دول ابتدي ابني الرسالة بتاعتك بقى

تمرين🔎

طلع من الطريقة دي رسالتين بتناقش مشكلتين موجودين عن البيرسونا بتاعتك

وضح ان مفيش داعي ✍️
للتضحية

في اوقات كتير ممكن البيرسونا بتاعتك تبقى واقعة ما بين اختيارين

وبتبقى في موقف مضطرة فيها انها تضحي بإختيار في سبيل اختيار تاني

عشان تحقق الهدف اللي هي عايزاه

طيب ماذا لو مفيش تضيحات؟

ماذا لو ان عندك حل يقدر يخلي البيرسونا تعمل اللي هي عايزاه

بدون ما يتخلى عن حاجة في سبيل حاجة تانية؟

وهنا ييجي دور الطريقة دي

وضح ايه هي المشكلة ✍️
الأعمق

تفتكر لو انت بكره روحت الشغل قعدت تشتغل على تاسك مطلوبة منك

ولنفترض انك هتكتب حاجة معينة ايًا كان ايه هي

لقيت نفسك انك مش عارف تكتب حاجة خالص

يا ترى هنا المشكلة ايه؟❗

هل هي انك عندك بلوك؟ 👈

هل هي انك مش في المود؟ 👈

هل هي ان التاسك صعبة؟ 👈

هل دي المشكلة الحقيقة؟ 👈

ولا فيه مشكلة اعمق؟ 👈

طيب ما يمكن المشكلة الأعمق انك ما بتشتغلش على بروسيس

انك ما عملتش ريسيرش انهاردة ساعتين وطلعت منه كل الداتا اللي انت محتاجها

وعشان كده غالبًا بكره مش هتبقى عارف هتبدأ ازاي ولا تبص على ايه

ما يمكن انت ما بتشتغلش ب استراتيجي على الرغم منك انك عارف اهميتها

ويمكن المشكلة الأعمق انك حددت ديدلان غلط للتاسك

او الديدلاين كان مناسب بس انت كنت قاعد بتدلع

خدت بالك انا عملت ايه؟

هات بقى انت مشكلة البيرسونا

وطلع منها مشكلة اعمق هي السبب الحقيقي للي هو فيه دلوقتي

بعد كده بقى اعرضها، واعرض ازاي منتجك او خدماتك بتحلها

تمرين🔎

طلع من الطريقة رسالتين بتناقش مشكلتين موجودين عن البيرسونا بتاعتك

وضح مين سبب المشكلة ✍️

ودي طريقة تانية برضه مشتقة من الطريقة اللي فوقيها على طول

بس هنا في نقطة مهمة انا محتاجك تاخد بالك هنا

في الطريقة دي انت محتاج تلوم شخص او بروسيس او حاجة تانية بشكل عام

على انها السبب في المشكلة مش البيرسونا نفسها

يعني لو هناخد على نفس المثال اللي فوق

فـ انا هنا هقولك ان المشكلة مش فيك

المشكلة انك بتشتغل في مكان مفيهوش بروسيس شغل واضحة

مش معروف مين بيسلم مين امتى وفين

كل واحد بيشتل بعشوائية

وده في النهاية بيسبب ضغط عليك

بيوصلك انك مش عارف تنتج

وهكذا بقى

كبر المشكلة الأصغر ✍️
لمشكلة اكبر

وده برضه طريقة تالتة مشتقة من الإتنين اللي فوقيهم على طول

الفكرة هنا انك هتاخد اصغر مشكلة ممكن تكون البيرسونا شايفاها عادية

خد بقى المشكلة دي وافضل كبر فيها بكل التوابع بتاعتها

لحد ما توصل المشكلة الأكبر

بعد كده بقى ابتدي اعرض الحل بشكل يضمن في المقام الأول ان المشاكل الأصغر تتحل كلها

تمرين🔎

طلع من الطريقة رسالتين بتناقش مشكلتين موجودين عن البيرسونا بتاعتك

ارسم طريق واضح ✍️
لتحقيق هدف

الطريقة دي من الطرق المفضلة في الكومنكيشن الحقيقة

ولكن عشان تستخدمها لازم في الأول تبقي محدد ايه الهدف بتاع البيرسونا

البيرسونا عايزة توصل لإيه او تحقق ايه؟

ولازم برضه تبقى مذاكر او عارف هو المنتج او الخدمة بتاعتك بيساعد في تحقيق ده ازاي

هتيجي بعد كده بقى ترسم زي طريق او خطوات منظمة ورا بعضها

بتوضح ازاي المنتج او الخدمة بيوصلوا البيرسونا للهدف ده

تمرين🔎

طلع من الطريقة رسالتين بتناقش مشكلتين موجودين عن البيرسونا بتاعتك

ارسم الحالة المثالية ✍️

ودي طريقة ليها علاقة باللي قبليها على طول

الفكرة هنا انك بتبدأ التواصل مع البيرسونا بإنك بترسم الحالة المثالية

اللي البيرسونا نفسها توصلها بعد ما تحقق هدفها

يا ترى حياته بعد ما يحقق هدفه هتبقى عاملة ازاي؟

ده اللي انت هتعرضه

بعد كده بقى هتبدأ تشرح ازاي ممكن يوصل لده من خلال المنتج او الخدمة بتاعتك

قدم اطار مميز في ✍️
حل مشكلة

تفتكر انهي ممكن يشد انتباهك اكتر

اني اقولك اني ممكن اعلمك كوبي رايتينج

ولا اني اقولك انك ممكن تخرج من تحت ايدي كوبي رايتر بمهارات مفيش زيها في السوق

من خلال ٣ مراحل هنمر بيهم انا وانت مع بعض على مدار ٨ اسابيع؟

المنطقي انك تبقى مشدود للطريقة التانية

وده عشان ٣ حاجات الحقيقة

انا قولتلك اني هحققلك اللي انت عايزه اه

وعرفت اني هحققلك ده في ٨ اسابيع

بس انت مش عارف لسه ايه هي المهارات، وايه هما ال ٣ مراحل؟

فـ بالتالي انت هتبقى عايز تكمل عشان تعرف ازاي ده هيحصل

وعشان كده الطريقة دي تقدر برضه تطبقها مع البيرسونا بتاعتك

بس لازم من الأول تبقى باني اطار مميز للمنتج او الخدمة اللي هتقدمها في النهاية

تمرين🔎

طلع من الطريقة رسالتين بتناقش مشكلتين موجودين عن البيرسونا بتاعتك

قدم إطار بصري برضه ✍️
في حل المشكلة

ودي ممكن تستخدمها مع الإطار اللي قبليها على طول عشان تقوي من رسالتك

او تستخدمها لوحدها برضه

الإطار البصري ده ممكن تستخدمه في شكل ديزاين بيعرض رحلة او انفوجرافيك

او ممكن يتحول كله لفيديو

لو طبقت كل اللي هنا ده 👌

على منتج واحد او خدمة واحدة لبيرسونا واحدة

هتلاقي نفسك مطلع ١٩ طريقة مختلفة لنفس الرسالة اللي انت عايزها

وحط الكلمتين دول❗
حلق في ودنك

على الرغم من ان بقى عندك دلوقتي دليل تكتب بيه ١٩ رسالة مختلفة

الا ان الموضوع ما بيخلصش على كده

مطلوب منك تذاكر المنتج بتاعك كويس اوي

مطلوب منك تذاكر البيرسونا بتاعتك كويس اوي

وتطلع بكل المشاكل والتحديات والأهداف اللي هما عايزينها

لإن بناًء على كل ده انت هتقدر تطبق في الطرق

وبكده يكون خلص البونص 🤙

اتمنى تكون استفدت منه

 😄واتمنى برضه تاني انك تطبق عليه بسرعة

وأخيرًا، طلب صغير❗

زي ما كنت موضحلك من قبل كده

ان النيوزليتر حاليًا بالنسبالي في مرحلة الجروث او النمو

اللي من خلالها انا بحاول اوصلها لأكبر عدد من المسوقين

اللي ممكن يكونوا محتاجين المحتوى اللي بقدمه بداخلها

جزء من الانشطة اللي بتتعمل في الجزئية دي الحقيقة

معتمد عليك انت وقدرتك على مشاركتها مع اكبر عدد من زملائك

ومساعدتك ليا في الهدف ده

بتغير كتير جدًا من الإستراتيجيات اللي انا مخطط اعملها الفترة القادمة ان شاء الله

وبتسهل كمان من فرص حصولك على اي بونص ممكن اقدمه من خلال النيوزليتر

فـ لو حابب تكون جزء فعال من الاستراتيجي دي

هتلاقي هنا لينك ممكن تشاركه مع زمايلك واصدقائك

واعتقد ان احسن طريقة ممكن تفيد بيها حد انت حابه يشترك في النيوزليتر

انك تعرفه ايه اللي هيستفيده منها لما يشترك من وجهة نظرك

❤️ واكتفي بهذا القدر وشكرًا مقدمًا

…احمد العشري

Join the conversation

or to participate.