- Ashpen Newsletter
- Posts
- 🧞مصباح شات جي بي تي
In partnership with
،عزيزي وعزيزتي
نسبة مش قليلة خالص خالص من الكونتنت كريتورز والكوبي رايترز
بتتعامل مع شات جي تي وكأنه مصباح سحري
طلع كده بأعجوبة تكنولوجية عشان يحقق
😄 الرغبات الدفينة كل واحد فينا
وانا عارف اني هنا بتكلم بصفة الغائب على النسبة دي
😄 بس انا متأكد انك منهم أو كنت منهم عادي
ويمكن واحد من اكتر الأوامر اللي بيتم إدخالها لشات جي تي
متعلقة بالكتابة، هي الجزء الخاص بإعادة كتابة براجراف معين
أو كوبي كاملة، او مقال كامل حتى
وده بالمناسبة بيتعمل سواء الحاجة دي احنا اللي كاتبينها
او حاجة عادي جبناها زي ماهى كده نسخ لزق
املًا في إن شات جي بي تي بقى هيقدر يطلعها بشكل احسن
وانا بعتبر ده الحقيقة كارثة من الكوارث فيما يتعلق بمجالك
وده له عدة اسباب، مش سبب واحد بس
يعني مثلًا واحدة من بديهيات إعادة كتابة شئ
هو تحديد سبب الفعل ده في المقام الأول
انت هتعيد كتابة حاجة، عشان فيه حاجة غلط انت شايفها
وانا هنا مش بتكلم على الأخطاء الإملائية
بس فيه غلط في ستراكشر المكتوب
فيه نوع من انواع البديهية في الانترو الخاصة بالكوبي مثلًا
فيه نوع من انواع السطحية في تحديد قيمة المنتج
فيه نوع من انواع الكروتة في تحديد نقطة ممكن
تلفت انتباه الجمهور المستهدف للمكتوب
فـ من انهي منطلق بتطلب من اداة تعيد كتابة شئ
انت مش قادر تحدد مشكلته فين؟
مشكلة تانية في موضوع الأمر بإعادة كتابة شئ ده
هو لما تدي لشات جي بي تي حاجة انت مش كاتبها اصلًا
سواء بلغتك الأم او بلغة مختلفة، اخدتها من حد تاني عشان عجبتك
طيب انت بتطلب من شات جي تي حاجة زي كده ليه؟
متوقع منه يعمل ايه مختلف؟
هيديلك حاجة تقدر تقول عليها فكرتك؟
ماهي مش فكرتك اصلًا، وده اولًا
ثانيًا، هل قبل ما تقوله يعيد كتابة، حددتله يعيد كتابة بناءً على ايه
هل مثلًا الحاجة دي انت عندك اضافة عليها ذات قيمة فعلًا
وعايز تعيد كتابة تكون مبنية على الإضافة دي؟
هل عندك سياق مختلف حابب تحكي منه اللي انت اخدته ده بشكل مختلف؟
هل فهمت قصدي عزيزي وعزيزتي؟
عارفين الموضوع عامل زي ايه؟
انك تاخد حاجة انت كاتبها
او حاجة انت مش كاتبها
وتروح لزميلك اللي في نفس مستواك مثلًا
وتقوله بقولك ايه
ما تعيدلي كتابة البتاع ده كده
😄 وتقوم سايبه وماشي
زميلك او زميلتك لو افترضنا انهم خدوا بالأمر وسلموا به كده
وراحوا يعيدوا كتابة زي ما انت طلبت
اعلى حاجة ممكن تتوقعها ان الحاجة دي تكون مكتوبة بشكل منظم اكتر مثلًا
أو بشكل أكثر اناقة
إنما يكتبوها بشكل مختلف تمامًا
فـ دي حاجة مش هتحصل الحقيقة
الا لو هما فاهمين في اللي انت كتبته ده اكتر منك
ده الاستثناء
شات جي بي تي بقى هو مش فاهم اكتر منك الحقيقة
ولا فاهم اكتر من زميلك
😄 وفي معظم الأحيان هيطلع حاجة اسوء منكم انتم الاتنين
لو انت ما قولتلوش يعيد كتابة على ايه بالظبط
والأهم من ده كله، هو ازاي يعمل ده
طيب وايه الحل يا ترى؟
اختيار الأوامر بعناية الحقيقة
كل كلمة في الأمر بتفرق فرق السنين
وانت بتتعامل مع أي أداة ذكاء اصطناعي عايزها تكتبلك حاجة
أو تعيد كتابة حاجة
اشطر ناس بتاخد حاجة مفيدة فعلًا من أي أداة شبه دي
هي الناس اللي بتقعد وقت أكبر في تنقيح شكل الأمر المدخل الى الأداة
وعشان كده
انا هديك اكتر من ١٥ طريقة تقدر تظبط بيها الأمر
اللي ممكن تدخله لشات جي بي تي
عشان يظبطلك كتابة حاجة
ولكن يرجى الأخذ في عين الاعتبار
العوامل اللي انا قولت لازم تبقى موجودة عندك
قبل ما تعمل حاجة زي كده
الأوامر
الأوامر دي ممكن تكتبها بالانجليزي او العربي
انا هحطلك كل امر منهم بالانجليزي
واشرحلك تحتيه معناه
حاول تبص من الشمال لليمين
عشان مش هعرف اكتبهم جنب بعض في سطر واحد
Reframe This
وده امر انت بتستخدمه عشان تغير المنظور اللي بنيت عليه كتابة
الكوبي او المحتوى بتاعك
او انك تغير منظور او اطار حاجة عجبتك
لشكل معين في دماغك
وموضوع الإطار ده انا اتكلمت عليه قبل في البودكاست بتاعي
ممكن تروح تسمع الحلقة اللي بعنوان فكرتك محتاجة اطار
Expand on This
وده الحقيقة امر انا بحبه جدًا، لإنك بتستخدمه عشان تقول للأداة تتعمق في
شرح كونسبت مثلًا عجبك، او موضوع لفت انتباهك
او حتى نقطة انت كتبتها في حاجة بس شايف انها محتاجة تفاصيل اكتر
Explain This in a further way
وده ممكن تستخدمه لو عايز يبقى فيه وضوح اكتر في نقطة محددة في اللي مكتوب
Simplify this point
لأن في احيان كتير ممكن تكتب حاجات تكون معقدة
أو مليانة حشو او كلام متكرر
الأمر ده ممكن يخلي شات جي بي تي
يبسط اللي انت كاتبه اكتر
Summarize This in bullet points
في حالة انك وقعت على حاجة شايف انها مفيدة
بس انت معندكش وقت تقرأ كل ده
ممكن تقول لشات جي تي يلخص لك الموضوع
كله ويجيب لك اهم النقاط اللي فيه
Elaborate on This Point
وده أمر له علاقة بتاني وتالت أمر الحقيقة، بس ده بتستخدمه عشان
تحط مزيد من النقاط التوضيحية تحت نقطة محددة في اللي مكتوب
Amplify The Message / Amplify this point
وده ممكن تستخدمه عشان تحط الضوء كله على نقطة محددة في اللي انت كاتبه
أو على الرسالة بشكل عام اللي انت حاططها في المكتوب
او الفكرة بشكل عام اللي بنيت عليها المكتوب برضه
Exaggerate This
امر تقدر تستخدمه لو عايز يبقى فيه نوع من أنواع المبالغة في توصيل الرسالة
ودي طريقة من الطرق اللي بتستخدم في بيع حاجة بالتحديد
Humanize What’s written more
ويمكن ده امر انا ما بحبوش الحقيقة
😄 بس للأمانة المهنية مجبر اقوله
الفكرة من الأمر ده انك تخلي اللي انت كاتبه
يبان انه كأن واحد بني ادم عادي كاتبه
فـ ممكن يبقى فيه طابع شخصي اكتر
وانا مبحبوش عشان مشكلة كبيرة انك تكون
بتكتب والطابع ده مش موجود
وما بحبوش برضه عشان انا عارف انت ممكن تستخدمه في ايه الحقيقة
😄 بس ما علينا
Neutralize This topic
وده امر نقدر نسميه الأمر الحيادي
انت فيه ببساطة بتقول لشات جي بي تي يشيل
اي وجهات نظر او تجارب شخصية من قلب الموضوع
حلو لو انت عايز تكتب في الموضوع ده بدون اضافة وجهات نظر تانية
كارثة لو هتعمله وانت مش عارف وجهة نظرك انت الشخصية ايه
Condense This
الأمر ده الهدف منه حاجة واحدة بس
انه يضغط اللي انت كاتبه ده لحد ما يبقى واضح منه بس النقاط الأهم
وده مختلف عن أمر التلخيص
أمر التلخيص ممكن يلخص داخل اهم النقاط عادي
بس الأمر ده بيحافظ على سياق النقاط الرئيسية زي ما هي
Formalize This
امر تقدر تخلي تون اللي مكتوب في اتجاه الفورمال اكتر
Informalize This
امر تقدر تخلي تون اللي مكتوب في اتجاه الكاچوال اكتر
Emphasize on this
لما يبقي فيه نقطة في اللي انت كاتبه عايز تركز عليها اكتر
الأمر ده ممكن يساعدك في تحقيق ده
Streamline this piece
امر معمول مخصوص لإزالة اي حشو بالتحديد في اللي مكتوب
Adapt this piece to Certain Audience
الأمر ده تقدر تاخد بيه حاجة انت كنت كاتبها قبل كده
او حاجة انت شوفتها وعجبتك
وتخلي شات جي بي تي يكتبها بشكل يليق على جمهور مختلف تاني
او نيش تاني حتى
كل دي اوامر احسن من امر اعادة كتابة وخلاص
المهم تبقى فاهم انت بتدخل كل امر منهم لإيه
وعشان ايه
وتطبيق مثمر ومفيد ان شاء الله
واستخدام جيد لهذه الأوامر
وان كان للواحد عمر ان شاء الله
ممكن يبقى فيه راوند تانية من الأوامر دي
ممكن تستخدمها لإضافة المزيد من السياق للي انت بتكتبه ان شاء الله
واخيرًا
لو بتشتغل في واحد من البراندز اللي بتعمل كوبونز بشكل متكرر
واحدة من اكتر الحاجات متكررة الحدوث هو ان الكوبونز دي تتسرب
لسيجمنت خارج السيجمنت اللي انت عامل عشانه الكوبون او الأوفر
وواحدة من الأدوات اللي تقدر تستخدمها وتمنع تسريب الكوبونز
أو البرومو كودز دي في مواقع خارجية
KeepCart هي أداة
ونظرًا لإنهم سبونسر لإيميل انهاردة
فـ هما مقدمين ١٤ يوم تجربة مجانية للأداة
للي مهتم طبعًا
اللينك بتاعهم هتلاقي تحت لو حابب تعرف تفاصيل اكتر
والى اللقاء في ايميل قادم ان شاء الله
Stop coupon leaks, increase margin
KeepCart: Coupon Protection partners with D2C brands like Quince, Blueland, Vessi and more to stop/monitor coupon leaks to sites/extensions like Honey, CapitalOne, RetailMeNot, and more to boost your DTC margins
Reply