هل انت قادر على تحمل النقد البناء؟

In partnership with

،عزيزي وعزيزتي

على مدار ١٤ سنة تقريبًا من عملي في مجال التسويق
كان فيه ٥ سنين منهم انا تقريبًا كنت لوحدي تمامًا

بمعنى ان اي شغل انا كنت بعمله ساعتها لما كنت لسه كوبي رايتر
كان بيراجع عليه وينتقده أو يبدي رأيه فيه، ٣ نوعيات من الناس تقريبًا

اولهم انا بشكل شخصي
ثانيهم العميل أو الكلاينت، جزء صغير منهم كان داخل مصر والجزء الأكبر خارجها
لإن الخدمات دي ما كانتش لسه منتشرة اوي ساعتها في الوطن العربي بشكل عام
ثالثهم مجموعة كبيرة من الكوبي رايترز العمالقة
 😄 اللي قرأت لهم كتب وكانوا لسه عايشين
 😄 والأهم من كده عندهم ايميلات ينفع ابعتلهم عليها شغلي

وده كان ببساطة راجع اني دخلت المجال ده في وقت
مكنش فيه حد هنا في الوطن العربي متخصص فيه بالشكل اللي ممكن يساعدني ساعتها

والحقيقة اني برضه في آخر ٩ سنين دول
كنت مسؤول عن إدارة عدد من الكوبي رايترز
تقريبًا حجمه ضعفين رقم سنين خبرتي
سواء بقي في شغل شركات، وكالات دعاية وإعلان
مشاريع خارجية واستشارات، وما خلافه

وعلى الرغم من اني حاليًا بشتغل كـ جروث ماركتنج مانجر
وديناميكة المسؤوليات اختلفت بشكل كبير جدًا على مدار السنين اللي فاتت

الا اني لسه برضه بتدخل في شغل الكوبي رايترز، سواء معايا داخل التيم
او خارج التيم بتاعي وتحت تيم تاني

والحقيقة أنا بحكيلك القصة بإختصار شديد على قد ما اقدر
عشان تبقى واخد فكرة كده بسيطة عن حجم المراجعات والتعديلات
اللي ممكن اكون عملتها ولسه بعملها على مدار حياتي المهنية بشكل عام

سواء بقى في شغل الكوبي رايترز نفسهم
في طريقة الكومنكيشنز اللي بتعملها الشركات
في شغل فرق العمل داخل الشركات اللي بتتواصل معايا
في الكوتشينج سيشنز اللي بدخلها مع مسوقين بشكل عام
في التراك بتاعي كوبي دوز على مدار دوراته التلاتة اللايڤ
(خلص خلاص مش هيتكرر تاني لايڤ)

وهكذا بقى

ويمكن دي التشانلز الوحيدة اللي ممكن حد ياخد مني
من خلالها فيدباك وتعديلات على شغله

ولكن الحقيقة، انا فكرت في فكرة

:والفكرة دي كالأتي

ما تيجي انا وانت نعمل ده مع بعض

يعني بمنتهى البساطة

لو فعلًا عايز تاخد فيدباك ونقد بناء على شغل انت عملته
لانك مش عارف هل اللي انت عملته ده صح ولا غلط
او مش عارف ازاي اللي عملته ده ممكن يكون احسن
او مش عارف ايه نقاط الفراغ الموجودة في اللي عملته

 😄 والأهم هتستحمل النقد بتاعي
يبقى ممكن تبعتلي وانا اقولك ايه اللي ناقصك
وايه اللي ممكن يتحسن
وانت محتاج تركز على ايه

وفي المقابل
وبناءً على نوعية الشغل اللي انا هشوفه
هيجيلكم محتوى على الايميل مني
بناءً على المشاكل المتكررة اللي انا هلاحظها

وعشان التجربة تبقى مفيدة للجميع
فـ اللي هيدخل في التجربة دي
هيتعمله شريحة لوحده في الإيميل هنا عندي
عشان كلكم تستفيدوا من تجارب بعض

وده معناه ان اللي مش هيشارك
مش هيشوف شغل اللي شارك

ودي ببساطة الفكرة اللي انا فكرت فيها
😄 CopyRoast تحت اسم

ايه بقى شروط الموضوع ده؟

هحاول اقولها بشكل بسيط عشان النقاط تبقى واضحة للجميع

اولًا لازم تبقى مشترك في النيوزليتر

يعني لو بتقرأ الايميل ده من على نسخة الويب
وانت اصلًا مش مشترك
فـ للأسف في الفلترة مش هتبقى موجود

ثانيًا الشغل اللي ممكن تبعته بيندرج تحت الأتي

صفحات اللاندينج بيجز
صفحات المنتجات
صفحات السيلز بيدجز
والإيميلات

انا مش هقدر اراجع على بوستات سوشيال ميديا
لإن بوستات، كابشنز، او كوبيز السوشيال ميديا
بتبقى خالية من أي سياق ينفع بني آدم في الدنيا
 😄 دي يقيم حاجة بناءً عليه

وعشان ده يحصل، لازم تبقى في إطار كامبين ده اولًا
ثانيًا يبقى فيه اوبجكتيف، وتفاصيل للمنتج
ثالثًا يبقى فيه البيرسونا المستهدفة في النهاية

فـ لو عايز تبعت كامبين، وهتبعت البريف ده اشوفه اول حاجة
قبل ما انزل اشوف الشغل
مفيش مشكلة، ممكن تعمل ده
مش هتلتزم بيه، انا مش هقدر اساعدك للأسف

واخيرًا انك تبعتلي الحاجة بتاعتك من خلال السيرڤاي

اللي هسيبهولك تحت ده عشان تبعتلي
في خلال ٤ ايام من دلوقتي

يعني يوم الخميس الجاي ده كده الديدلاين بتاعنا

وبس كده
 😄 ده الموضوع ببساطة

حط بياناتك بتركيز كده
 😄 ولنا لقاء فريد من نوعه في الانبوكس بتاعك عما قريب ان شاء الله

ازاي تزود نسبة الاوردرات المتكررة

انهاردة الحقيقة انا جايبلكم اداة ممتازة جدًا في أي بيزنس إي-كوميرس
عايز يعمل حاجة من اتنين

اولًا يزود قيمة متوسط الاوردر الواحد
ثانيًا يزود نسبة الريتينشن أو نسبة تكرار الاوردرات من العملاء الحاليين عنده

 Black Crow AI والأداة دي مقدمة من

اللي تقدر من خلالها تعملها انتيجريشن على الإيميلات عندك او الرسايل
وتعمل أوتوميشن من خلاله يحدد العملاء اللى ما اشترتش
على مدار فترة محددة انت عايزها

وتبعتلهم يدخلوا عندك على الستور يشوفوا اللي انت عايز توديهم عليه

ولو الستور بتاعك كمان على شوبيفاي وحجزت معاهم ديمو تشوف الأداة
ممكن تاخد جيفت كارد من امازون بقيمة ١٠٠ دولار

تقدر تعرف تفاصيل اكتر عنهم من اللينك اللي تحت ده

The smarter way for DTC brands to drive repeat revenue

What if you could drive 20% more repeat purchases, without the headache of building customized flows?

Black Crow integrates with your existing email & SMS tool, identifies customers that need a nudge to repurchase and determines the precise timing to trigger a pre-built flow.

With personalized cross-sell recommendations and customized storefronts, you can also increase second order AOV by 10%.

Black Crow is so confident you’ll get results that they’re offering a $100 gift card to Shopify brands with $2M+ in GMV to get a demo.

Book a demo