اسأل الأسئلة دي كل يوم حد

In partnership with

،عزيزي وعزيزتي

تفتكروا ايه الفرق ما بين شخص اداءه عادي او متوسط، او حتى منخفض
وشخص تاني اداءه عالي او متفوق؟

هل الفرق في حجم الطاقة الموجودة عند كل واحد عندهم مثلًا؟
او حجم الخبرة، المهارات، أو المعرفة اللي عندهم مثلًآ؟

كل دي حاجات داعمة طبعًا

بس عادي تلاقي واحد عنده طاقة وخبرة ومهارات ومعرفة
واداءه أقل من المتوسط كمان عادي

الفرق من وجهة نظري الحقيقة ببساطة يكمن في كل واحد فيهم
بيعمل ايه، ويسأل نفسه ايه يا ترى في كل  يوم حد من كل أسبوع؟

واسمحولي أوضح ازاي

يوم الأحد هو مش بس يوم بداية اسبوع الشغل 

هو ممكن يكون كده لأي شخص بيشتغل عادي الحقيقة
بس بالنسبة لشخص اداءه عالي
ما ينفعش يبقى يوم بداية اسبوع شغل وخلاص

لا الحقيقة

يوم الأحد بالنسباله هو يوم تخطيط للشغل
يوم وضع أهداف خاصة بالشغل
ويوم تفكير في اللي حصل الأسبوع اللي فات بناءً على ذلك

وعشان كده دايمًا الشخص اللي اداءه عالي بشكل مستمر
تلاقيه بيسأل نفسه اسئلة على مدار اسبوعي
تخليه يقدر يفكر بشكل أعمق
تجبره انه ياخد اكشنز سريعة
تضمنله تحقيق نمو معتدل على فترات طويلة بدون تعب
وتساعده يبقى في حالة انتاجية مستمرة علي فترات أطول بدون زهق

وانا معرفش انت بتشغل ايه، او بتشتغلي ايه الحقيقة
بس انا اظن ان كل واحد فيكم بشكل ما أو بأخر
عايز يفكر بشكل احسن، عايز يبقى منتج في مجال عمله
عايز يتحرك بشكل أسرع، عايز يحقق نمو، وهكذا

وعشان كده
انا هديكم 5 اسئلة بس
كل واحد فيكم محتاج يجاوب عليها
كل يوم حد قبل ما يبتدي شغله
وييجي على يوم الخميس كده
يشوف هو اشتغل او حقق اجابة
كام سؤال من اللي الـ ٥ دول

يلا بينا نشوف

السؤال الأول: ايه هي اولوياتي الأسبوع ده؟

سؤال بسيط جدًا، بديهي جدًا

عايز تحقق نمو؟
عايز تمشي بشكل استراتيجي؟
عايز تحط طاقتك في مجموعة من المشاريع او التاسكات او الاجتماعات اللي ليها اهمية؟

اسأل نفسك السؤال ده

والأهم من كده، احرص انك تمشي على إجابته طول الأسبوع

السؤال الثاني: انا اتعلمت ايه الاسبوع اللي فات؟

ايه الانسايتس الجديدة اللي عرفتها؟
ايه الحاجات التكنيكال اللي ممكن اكون اكتشفتها ومحتاج اطبق عليها اكتر؟
ايه المعلومات الجديدة اللي سمعتها او تابعتها مؤخراً ومحتاج اذاكرها او اطبق عليها؟

اسئلة زي كده لو ما بتسألهاش لنفسك
هتقدر تحدد منين انك بتتعلم حاجة جديدة ولا لأ؟

؟Comfort Zoneالسؤال التالت: اخرج ازاى من الـ

ويمكن انا معرفش برضه شكل الكومفورت زون
عند كل واحد فيكم في الشغل عاملة ازاي

انتم اكيد عارفين ده اكتر مني

ويمكن عشان كده محتاجين الأول تحددوا شكل الكومفورت زون دي عاملة ازاي
وبعد كده تحددوا هو انتوا كل اسبوع عايز تخرج منها ازاي في الشغل؟

طيب ليه كده؟

عشان مفيش نمو هيحصل في مهاراتك غير
لما تشتتغل على حاجة انت مش متعود عليها
او تتحط في ضغط جديد عليك
او تشتغل كل حاجة لوحدك من غير ما تعتمد على حد من زمايلك
او تتعلم مهارة جديدة من الصفر عشان تعرف تشتغل على تاسك او مشروع معين

فـ انا مش بقولك كل اسبوع تعمل كل ده

بس كل اسبوع حدد ولو على الأقل شكل واحد
تقدر من خلاله تخرج من الكومفورت زون بتاعتك

السؤال الرابع: انا هتعلم ايه الأسبوع ده؟

واعتقد ده سؤال في غاية الأهمية
ومرتبط ارتباط وثيق بالسؤال الثاني

لأن بناءً على إجابة السؤال التاني
ممكن تحدد ايه اللي محتاجين نذاكره أو نكتشفه في السؤال ده

وهكذا

السؤال الخامس: انا هحدد النجاح ازاي الاسبوع ده؟

ويمكن ده سؤال سياقه شبه السؤال الأول كده شوية

لأن الحقيقة النجاح له اشكال عديدة
فـ يا ترى يا هل يا ترى بناءً على أولوياتك اللي انت حاطتها

شكل النجاح فيها عامل ازاي بالنسبالك؟

جرب كده تسأل نفسك الأسئلة دي لمدة ٣ شهور

تجاوب عليهم كل يوم حد من كل أسبوع
وتراجع عليهم كل يوم خميس من كل أسبوع

او بلاش يا سيدي ٣ شهور
خليها شهر واحد بس
وشوف بنفسك حصل اي تغيير ولا لأ

وانا هنا مش بقولك شوف بنفسك حصل اي تغيير ولا لأ
على اساس ان الأسئلة دي ممكن ما تكونش فعالة

لا انا بقولك شوف بنفسك
😄 لأنك انت اللي ممكن تكون غير فعال
وانت اللي ممكن تكون واخد الموضوع على محمل مش جاد خالص

لإن اللي بيطبق سيستم وبيمشي على بروسيس بحق وحقيقي

في الأول بيحس بضيق تنفس انه ماشي على حاجة مش متعود عليها
بعد كده بيشوف شوية انجازات بسببهم
ثم بعد ذلك بيبتدي يظبط في السيستم والبروسيس انها تبقى لايق عليه اكثر
وهلم جرة بقى نفضل نعيد ونظبط ونروح ونطبق وهكذا

وانا الحقيقة بقولك كده
لإنك لو مفكر ان فيها حاجة هتخلي ادائك احسن او اعلى
غير التزامك ببروسيس
فـ انت غلطان خالص 

وربما الوقت ده جيد جدًا
لإعادة التفكير فيما تظنه بخصوص هذا الموضوع

 😄 وبس كده

ملحوظة بس صغيرة كده على جنب: انهاردة الخميس

يمكن تعمل حاجة كده ولا كده بمناسبة موضوع ايميل انهاردة
 😄 انا بس قولت اقول يعني

 Influencer Marketing واخيرًا للي مهتمين بالـ

لو عامل ستور على امازون او البيزنس بتاعك بشكل عام موجود على امازون
فيه فرصة انك تعمل سكيلينج في حجم ريڤينيو مبيعاتك عليه

 Stack Influence من خلال استخدام بلاتوفرم زي
البلاتفورم بتقدر من خلالها تعمل اوتوميشن كامل للكامبينز مع الماكرو انفلونسرز بالتحديد
 UGC من خلال استخدام كامبينز الـ

لو عايز تعرف تفاصيل اكتر، دوس على اللينك اللي هسيبهولك تحت ده
ودخل البيانات المتعلقة بالبيزنس والستور بتاعك
وخد فكرة عن شكل البرايسينج والماركت والفيتشرز
اللي بتقدمهالك البلاتفورم عاملة ازاي

Increase Your Amazon Position Before Oct Prime Day

Send free products to Micro-Influencers using the platform Stack Influence which automates influencer collaborations at scale (get thousands of collabs per month). Brands like Magic Spoon, Unilever, and Farmacy have been able to get to #1 page positioning on Amazon and increase their monthly revenue as high as 13X in as little as 2 months.

• Pay influencers only with products

• Increase external traffic Amazon sales

• Get full rights image/video UGC

Increase your listings search positioning before Oct Prime Day is upon us!

Get 10% OFF signing up before Oct Prime Day.