ازاي تاخد ربع قرار؟

In partnership with

،عزيزي وعزيزتي

واحد من الأسئلة اللي اتكررت بأشكال مختلفة من السيرڤاي
اللي بيجيلكم ده بعد الاشتراك هنا على طول
:كان بيدور في نطاق الأتي

انت ازاي بتاخد قرارات في الشغل بتاعك بشكل عام؟
وازاي بتتحرك بسرعة في تنفيذها؟

والسؤال ده الحقيقة كل مرة اشوفه، اقول لنفسي طيب هأجله شوية
 😄وشوية تيجي وييجي بعديها شوية كمان، وهكذا

وعشان كده انا هجاوب على السؤال ده في ايميل انهاردة
😄والحقيقة وبدون ما اخبي عليكم، انا مباخدش قرارات

انا كل مرة بتحط فيها في موقف اتخاذ قرارات
دايمًا بختار اخد ربع قرار بس

والربع ده الحقيقة شكله بيختلف على حسب انا مطلوب مني اخد قرار في ايه بالظبط
وعشان كده اسمحولي الأول اشرح انواع الأمور اللي باخد فيها قرارات

وواحدة واحدة كده
هتفهموا يعني ايه انا باخد ربع قرار ده
يلا بينا

النوع الأول - قرارات تتعلق بالشغل 

ويمكن الحقيقة النوع ده من القرارات
انا كنت سبق و اتكلمت عنه قبل كده، ووضحت اني في اوقات كتير
:Eisenhower Matrix بستخدم موديل كده اسمه

ويمكن دي واحدة من أشهر الأدوات اللي هتلاقي سيرتها بتتجاب كتير
في اي حاجة لها علاقة بالإنتاجية ووضع أولويات

ويمكن كمان شهرتها جاية اكتر الحقيقة من بساطة شكلها وسهولة فهمها كمان

لأنها بتنقسم إلى عمودين وصفين
العمودين بيوصفوا مدى اهمية او عدم اهمية الحاجة اللي مفروض تعملها
او تاخد فيها قرار يعني

والصفين بيوصفوا مدى الاستعجال اللازم لأخذ رد فعل سريع تجاه الحاجة دي
سواء بقى مستعجلة جدًا او مش مستعجلة عادي

وانت في الآخر مطلوب منك تاخد قرار في الحاجة اللي هتعملها
بناءً على العناصر دي بقى

يعني لو مهمة ومستعجلة، خد قرار وابتدي اشتغل فيها بسرعة

بس لو مهمة ومش مستعجلة، جدول ميعاد زمني تعملها فيها
او اديها لحد تاني عندك في التيم يعملها عادي

لكن لو غير مهمة ومستعجلة، لا محتاج تديها لحد تاني فعلًا مفيش اوبشنز

ولو بقى غير مهمة ولا مستعجلة، بمنتهى البساطة شيلها من قدامك خالص وخد قرار ان دي مش هتتعمل خالص

والموديل ده الحقيقة محتاج منك تبقى قادر فعلًا تحدد هو ايه مهم ومستعجل
وايه مش مهم ولا مستعجل

وده اضعف الايمان يعني

لا وكمان محتاج منك تبقى فاهم ان اي حد بيطلب منك حاجة
فـ من وجهة نظره هو الحاجة دي مهمة ومستعجلة

ومع كامل احترامك لوجهة نظره، محتاج تتأكد فعلًا ان هل دي
حاجة مهمة جدًا ومستعجلة جدًا ليك انت كمان

ولا لأ

ومش عارف انت اخدت بالك ولا لأ، بس انا قولت في بداية كلامي
اني اوقات كتير بستخدم الموديل ده
لأن الحقيقة في اوقات تانية اكتر، مبستخدمش الموديل ده برضه
ليه؟

عشان انا بشوف من وجهة نظري وتجربتي الشخصية انه ما بينفعش في كل حاجة انا بعملها
احيانًا في مواقف كده بتحصل، خصوصًا في الشغل

وتحديدًا لما يكون شغلك في منظومة كبيرة ومع فرق تانية
الموديل ده مش بيبقى احسن حاجة بالنسبالي
وعشان كده في موديل تاني عايز احكيلكم عليه
فـ تعالوا بينا نشوفه

النوع التاني - قرارات تتعلق بتسليم الشغل

في اوقات كتير جدًا في الشغل اللي حالته قريبة من اللي وصفته في نهاية السكشن الأول
بيبقى فيه مشاريع وتاسكات مطلوبة من فرق عمل تانية
وفي انتظار الفريق بتاعك، او القسم بتاعك انه يسلمها

وهنا الحقيقة احنا محتاجين نتوقف شوية كده ونفكر بشكل اعمل
لأن في الحالة اللي زي كده
انت بتبقى محتاج تفكر في ٣ عناصر مع بعض

وهما مستوى تأثير المشروع او التاسك المطلوبة على البيزنس بشكل عام

وحجم الأفراد او الأقسام اللي في انتظار الحاجة دي منك

وشكل الأولوية اللي الأفراد او الأقسام دي بتحاول تعبر عنها في طلبها

وعشان كده انت محتاج تفكر في موديل تاني له علاقة الجزئية دي
:وتعالوا نسميه موديل التسليم

التقسيمة هنا مختلفة شوية، لإني حطيت في العمودين حجم الناس المنتظرة ومهتمة
وحجم الناس اللي منتظرة بس عادي مش مهتمة الحاجة دي تتعمل حالًا يعني

وفي الصفين بقى حطيت شدة فعالية الحاجة دي على البيزنس مثلًا
وضعف فعاليتها برضه على البيزنس

عشان يطلعلنا في النهاية ٤ مؤشرات

لو الناس منتظرة حاجة ذات تأثير وفعالية كبار ياريت تاخد قرار وتبدأ

لو الناس منتظرة حاجة ذات تأثير وفعالية منخفضين، اديها لحد تاني غيرك

لو محدش مهتم او منتظر حاجة ذات تأثير وفعالية كبار، جيس وات؟
انت محتاج تعملها عشان محدش واخد باله منها، ودي حاجة تحسب اليك

بس لو محدش مهتم او منتظر حاجة ذات تأثير وفعالية منخفضين، سيبك منها خالص
وياريت تشيلها من عليك

فـ زي ما انت شايف، السياق هنا في تفاصيل اكتر
فـ دايمًا تلاقيني في الشغل بتحرك ما بين النوعين دول كتير
على حسب نوع الحالة والموقف اللي انا محطوط فيه

والحقيقة فيه نوع تالت انا جاي في الكلام اهو وهتكلم عنه
ولكن النوع ده ملوش علاقة بالشغل

إنما له علاقة بالقرارات اللي انا باخدها في كل ما يتعلق بـ
شكل، نوعية المحتوى، والمنصات اللي انا موجود عليها
ويمكن ده اكتر موديل انا عندي استمرارية كبيرة جدًا
في أخذ قرارات من خلاله، ومريحني بشكل شخصي جدًا
فـ تعالوا بينا نشوف مع بعض

النوع التالت - قرارات تتعلق بمشاريعي الشخصية

النوع ده الحقيقة انا في معظم الأحيان بستخدمه
لاتخاذ قرارات مبينة على عنصرين

اول عنصر فيهم له علاقة بمدى قدرة
القرار ده على مضاعفة العائد المردود من اتخاذه

والعنصر ده بقسمه الى نوعين
نوع يجيب مثلًا نتيجة مضاعفة، ونوع يجيب نتيجة عادي

وتاني عنصر له علاقة بحجم الطاقة المطلوبة مني تجاه القرار ده
ايًا كان نوعه ايه بقى

:فـ بيطلعلنا حاجة شبه الشكل ده كده

نتيجة مضاعفة وعندي طاقة، هعمله بدون تفكير

نتيجة مضاعفة وطاقتي على قدها، انا مدرك أهميتها ولازم اعملها
وهعملها بس مش دلوقتي

نتيجة عادية وعندي طاقة، في معظم الأحيان هعملها لما اخلص الأهم الأول

نتيجة عادي وطاقتي على قدها، مش هعملها غير وانا مجبر على ده

😄 عرفت ليه بقى الموديل ده شخصي جدًا؟

وانا الحقيقة معظم الوقت بحب دايمًا احطه قدامي في حاجتي الشخصية
لأن من خلاله بقدر احدد اولوياتي بسهولة وبدون لف ودوران كتير حوالين نفسي

وقبل الختام 

انت مش مطالب تأخذ جميع أنواع القرارات في نفس ذات اللحظة
عشان ترضي نفوس ورغبات كل اللي حواليك
وعشان توصل لكل النتائج اللي الكل نفسه يوصل إليها

لإن صدق او لا تصدق، لو عملت كده هتخبط في حيطة في النهاية
كل اللي مطلوب منك انك تفكر دايمًا في ربع واحد، جواه قرار واحد
وتاخد اكشنز بناءً عليه

او على الأقل يا سيدي جرب، انت مش خسران حاجة
ما انت جربت اكيد طرق تانية وما نفعتش
 😄 جت على دول يعني

 Influencer Marketing واخيرًا للي مهتمين بالـ

لو عامل ستور على امازون او البيزنس بتاعك بشكل عام موجود على امازون
فيه فرصة انك تعمل سكيلينج في حجم ريڤينيو مبيعاتك عليه
Stack Influence من خلال استخدام بلاتوفرم زي

البلاتفورم بتقدر من خلالها تعمل اوتوميشن كامل للكامبينز
مع الماكرو انفلونسرز بالتحديد
UGC من خلال استخدام كامبينز الـ

لو عايز تعرف تفاصيل اكتر، دوس على اللينك اللي هسيبهولك تحت ده
ودخل البيانات المتعلقة بالبيزنس والستور بتاعك
وخد فكرة عن شكل البرايسينج والماركت والفيتشرز
اللي بتقدمهالك البلاتفورم عاملة ازاي

❤️ والى اللقاء في ايميل اخر ان شاء الله

…احمد العشري

Increase Your Amazon Position Before Oct Prime Day

Send free products to Micro-Influencers using the platform Stack Influence which automates influencer collaborations at scale (get thousands of collabs per month). Brands like Magic Spoon, Unilever, and Farmacy have been able to get to #1 page positioning on Amazon and increase their monthly revenue as high as 13X in as little as 2 months.

• Pay influencers only with products

• Increase external traffic Amazon sales

• Get full rights image/video UGC

Increase your listings search positioning before Oct Prime Day is upon us!

Get 10% OFF signing up before Oct Prime Day.