في المصنع بنعمل مكياج

،عزيزي وعزيزتي

من ساعة كده كنت فاتح الداتا بيز بتاعتي اللي بحط فيها
أي مقتطفات عجبتني من كتاب أو قرأتها اونلاين
وببقى ناوي فيما بعد اتكلم عنها سواء هنا او في اي مكان تاني يعني

:والحقيقة لقيت نفسي بقف على المقولة دي

المقولة دي انا كنت قرأتها في كتاب اسمه مبدأ بسكوتة الحظ لكاتبته بيرناديت چيوا
😄 والكتاب بشكل شخصي معجبنيش اوي، ولكن دي مش قصتنا

اللي قال المقولة دي واحد اسمه شارلز ريڤسون وده مؤسس براند ريڤولن
واحد من البراندات العريقة جدًا في كل ما يتعلق بالكوزمتيكس بشكل عام

:شارلز قال
احنا في المصنع بنعمل في مكياج
بس في الصيدلية بنبيع أمل 

وانا الحقيقة مش شايف رد فعلك
دلوقتي عامل ازاي

يعني ممكن تبقى بتقول ايه كمية التلزيق دي اللي في الجملة
وممكن برضه تقول ايوه صح فعلًا
وده شغلنا كمسوقين احنا المفروض نشتغل على الحتة دي

اخذًا برضه بمقولة العميل مش عايز خرم في الحيطة
العميل عايز برواز جميل متعلق بيحكي ذكرى جميلة

سواء كنت شايف ده تلزيق او شايف ده صح

😄 أنتم الأتنين فاهمين الموضوع غلط الحقيقة
لإن المقولتين دول اللي انا ذكرتهم بيتكلموا عن حاجة في غاية الأهمية
المفروض انك كشخص بيشتغل في الكومنكيشن، او على البروداكت
أو حتى في منظومة الجروث بشكل عام
انك تكتشفها وتوصلها بشكل صحيح

وهي الشغلانة اللي محتاجة تنجز من قبل عميلك

 Jobs To be Done او خليني اقولها زي ما بتتقال وبتتكتب

واحدة من الأمور البديهية اللي بتحصل لينا لما نيجي نتولى مسئولية العمل
على منتج ما او حتى خدمة عادي

هو أننا بشكل تلقائي بنفكر في الكاتيجوري أو الفئة التي ينتمي إليها المنتج او الخدمة عادي
ثم بعد ذلك بنبتدي نشتغل على المنتج او الخدمة بتفصيصه كده الى قطع أصغر
بتتكون من الخصائص بتاعته والمنافع اللي هيتحصل عليها اللي هيشتريه في النهاية

وفي النهاية بنظن اننا خلاص كده خلصنا شغلنا
مع ان في الحقيقة احنا نسينا نقطة في غاية الأهمية

وهي تحديد اجابة لسؤال، هو اللي هيشتري المنتج او الخدمة دي
عايز يحقق ايه بالظبط؟
عايز يوصل لايه بالظبط؟
Jobs To be Done وده ببساطة الهدف من كونسبت

لأن الكونسبت مش قائم على تحديد هو العميل عايز يشتري ايه وخلاص
ولكنه قائم على تحديد ما هو نوع التغيير اللي عميلك عايز يتحصل عليها
من استخدام منتجك او خدمتك؟

ودي حاجة الحقيقة شغلك فيها مش هيبقى انت هتحددها بمزاجك كده
لأ دي حاجة المفروض تحددها من وجهة نظر العميل اللي عايز يشتري
فـ تعالوا نشوف ازاي

الموضوع كله بيبتدي من عند المشكلة

وعشان اشرح الموضوع ببساطة شديدة

خلينا نتفق الأول ان مفيش شغل بيبتدي من اني الأول ابص على المنتج اللي قدامي
حتى لو انت جيت على بيزنس او مسكت شغل وعندك منتج
او خدمة موجودين بالفعل في السوق

محتاج ترجع خطوة زيادة للخلف
والخطوة دي هتكون ايه نوع المشكلة اللي عندك عميلك المستهدف؟
وايه الحل اللي انت بتقدمه قصاد المشكلة دي؟

بص على الصورة دي كويس وركز فيها كده
:بعد كده كمل قراءة

خلاص شوفتها كويس؟
حلو اوي

لو جيت بقى تجاهلت السؤالين اللي انا طرحتهم
وروحت على طول تبص على المنتج او الخدمة
وتروح تفكر من عندهم

احب ابشرك بـ انك هتبص على كل حاجة في الاتجاه الخاطئ

تعالى مثلًا نفترض اننا عندنا مكنسة كهربائية ممتازة جدًا للاستخدام المنزلي
لو جربنا نفكر بالطريقة المعتادة، ونتجاهل السؤالين اللي تم طرحهم عادي
وروحنا نبص على المنتج نفسه اللي هو المكنسة

هنعمل ايه يا ترى؟

هنبص على قوة موتور المكنسة
هنركز في قوة شفط المكنسة بشكل عام
هنقارن قوة الشفط دي بموديل قديم او بمنتجات منافسين
هنستعرض الملحقات اللي موجودة مع المكنسة
ونشرح ازاي كل ملحق ممكن يركب فيها لاستخدام معين

وكل دي حاجات ممتازة وجميلة
بس هل ده كفاية؟
الحقيقة لأ

تعالي نشوف مثلًا ريڤيو من عميلة اشترت المكنسة دي
:ونشوف هي بتقول ايه

انا حبيت المكنسة دي جدًا، اشتريتها من ٣ شهور كده
المكنسة بتيجي بالظبط زي ما هما كاتبين وفيها كل الاكسيسوريز بتاعتها
والصراحة هي اكتر من ممتازة

ده انا كمان لاحظت ان الحساسية اللي عندي قلت وبقيت حاسة براحة اكتر في بيتي
لدرجة اني دلوقتي لما بشوف تراب ولا عفرة كده ولا كده بقوم على طول اكنس هههه

في العادي انت ممكن تشوف ده ريڤيو حلو في صالح المكنسة

Jobs to be done بس الحقيقة في هذا الريڤيو انسايت هايل جدًا عن الـ
عند العميلة دي
ايه هو يا ترى؟

بيت نظيف طول الوقت بحماس اننا عايزين نوصل لده، مش فكرة تاسك وخلاص
شدة حساسية اقل ليها و ممكن كمان لأطفالها بناءً على انسايت زي ده
ومكوث اكثر راحة في بيتها ومحيطها الداخلي

انت عارف الـ ٣ حاجات دول مثلًا مين تاني ممكن يكون بيوعد بيهم بشكل مباشر؟
لو فكرت في المنافسين هقولك لأ غلط

لإنها ممكن تبقى منقيات ومطهرات الجو
وممكن تبقى اسبريهات الحساسية
ممكن تبقى شركات خدمات التنظيف الشامل

كل دي بدائل عادي تقدر تحقق ده
ده مش معناه انك تروح تقول ان مكنستك احسن من الحاجات دي
بس فكر فيها من منظور ان منتجك قادر يحقق الحاجات دي عادي
لو عرفت تستخدمها في الكومنكيشن بتاعك وتربطها باللي بيقدمه منتجك في النهاية

لو اخدت بالك، الريڤيو مفيهوش تفاصيل تقنية عن مواصفات المكنسة
لإن صدق او لا تصدق، مش كل واحد بيشتري منك هتلاقيه خبير استراتيجي
في كل حنتوفة مثلًا في مواصفات المكنسة
الا لو هو مدمن مكانس مثلًا ودي هوايته المفضلة

ولكن اللي مفروض تاخد بالك منه مثلًا من كلام جمهورك المستهدف
هما عايزين يوصلوا لايه بالظبط؟
ايه الحاجة اللي بيقارنوا بيها منتجك او خدمتك؟
هما لما جربوا منتجك او حاجة شبهه قدروا يحققوا ايه تحديدًا؟

Jobs to be done الأسئلة اللي زي دي لما تفكر فيها من سياق الـ
هتلاقي ان مساحة جمهورك المستهدف كبرت مرة واحدة
وده هيديك فرصة احسن في انك تكون إنسايتس

ولو مش متخيل، تعالى نشوف ازاي

كنت سبق و شرحت قبل كذا مرة
انك قبل ما تبني كومنيكيشن
محتاج تبقى واخد بالك
أن فيه ٥ شرائح داخل جمهورك المستهدف
محتاج تاخد بالك منهم كويس اوي

وهما شريحة الغير واعي بوجود مشكلة، بالتالي غير واحد بوجود حل
وشريحة الواعي بوجود مشكلة، وبيحاول يدور على حل
وشريحة الواعي بالمشكلة والحل، وبيقارن الحلول المتاحة اللي منهم حلك في شكل منتجك
وشريحة الواعي بالمشكلة والحل ومنتجك كمان، وبيشاور نفسه ياخد اكشن معاك ولا لأ
وشريحة الواعي بكل حاجة وعارفك واشترى منك بالفعل

انت بتعمل ايه بقي؟
انا اقولك

انت بمنتهى البساطة بتروح تركز على شريحة الواعي بالمشكلة والحل ومنتجك
وشريحة الواعي بكل حاجة وعارفك واشترى منك بالفعل مثلًا
بس كده

على الرغم من انك ممكن تركز على الـ ٣ شرائح اللي قبلهم
وتقدر تاخد منهم انسايتس اكبر بكتير
وتقدر في النهاية انك لو اشتغلت صح تكبر مساحة الجمهور اللي ممكن ياخد اكشن منك

طيب وازاي تعمل كده بقى؟

الإجابة في ٣ حاجات الحقيقة مش حاجة واحدة بس

وهي اولًا الريڤيوز
ثانيًا السيرڤايز او بيانات استطلاع الرأي
ثالثًا انترڤيوز تعملها مع الجمهور المستهدف

ونصيحتي ليك في الجزئية دي عشان البروسيس تبقى سهلة
حاول دايمًا تجيب من ال ٣ حاجات دول
اخر عملاء اشترت منتجك او خدمتك وراضية عنها بشكل ما او بأخر
لإن دي ممكن تكون اكتر ناس فريش في تجربتهم اللي مروا بيها
سواء قبل ما يشتروا المنتج، وبعد ما اشتروه وجربوه
فـ انت تقدر من خلالهم تحدد الانسايتس اللي ممكن تبني عليها بعدين

سواء لناس لسه ما تعرفش حاجة عندك
او ناس عرفتك ولسه بتقارن
او ناس مايلة اكتر ليك ولسه بتفكر تشتري ولا لأ

وهنا فيه مئات من الطرق اللي ممكن تاخد بيها انسايت منهم
ولكن حاول تستخدم اسئلة شبه اللي انا هقولها دي بشكل ما او بأخر
عشان تاخد اجابات فعلًا تفيدك

زي مثلًا ايه الحلول اللي جربتها قبل كده قبل ما تشتري منتجنا؟
او ايه اللي عجبك وما عجبكش في الحلول القديمة؟
ايه اللي خلاك تجرب الحلول دي اصلًا؟
عرفت عننا ازاي؟
ايه اللي دفعك تجرب حلنا او منتجنا او خدمتنا؟
كان عندك اي اسئلة او تردد تجاه الحل بتاعنا قبل ما تشتريه؟
لو هتبطل تستخدم حلنا دلوقتي، هل فيه حاجة افضل منه من وجهة نظرك؟

وهكذا بقى

المفروض انك من خلال اجابات الأسئلة دي
تطلع بـ انسايتس تخليك قادر تحدد بالظبط
Jobs to be done ايه اللي المفروض يتقال في الجزء الخاص بالـ

:واللي المفروض تتكتب في سياق يكون شبه الأتي

انا لما اتحطيت في المشكلة دي كنت عايز اخرج منها بالشكل ده عشان ابقى قادر اعمل كذا كذا

المشكلة دي المفروض تحددها من اللي اتقال
اخرج منها بالشكل ده المفروض تحددها بناءً على الدوافع اللي حركته عشان يحل مشكلته
عشان ابقى قادر اعمل كذا كذا، المفروض ده يبقى النتيجة النهائية اللي هو عايز يحققها

وبعد ما تكتبها في السياق ده
انت مطالب ب انك تبلغ أو تفهم كل أفراد المنظومة اللي انت بتشتغل من خلالها
إن النقاط دي مهمة جدًا ان يتبني عليها في الكومنكيشن بتاعنا
سواء مكتوب، بصري، ايًا كان

لإن النقاط دي في النهاية انت ما اخترعتهاش من دماغك
دي نقاط العميل نفسه هو اللي ذكرها
هو اللي وضح أهميتها حتى لو هو مش واخد باله انت كنت بتسأله الأسئلة دي عشان ايه
والعميل ده في النهاية هو تمثيل لشريحة تانية موجودة في السوق لسه ما بقوش عملاء ليك
فـ خد بالك من النقطة دي كويس

وبس كده

 OOH واخيرًا قبل ما اختم، لو انت ادفرتايزر وبتدور انك تطلع اعلانات
تحديدًا في الولايات المتحدة وأوروبا
ADQuick تقدر تكونكت دلوقتي مع

وتختار اللوكيشنز والميديا اونرز اللي حابب تشغل الكامبينز بتاعة
شركتك او الأجينسي اللي انت فيها معاهم
وتقيس كمان النتائج كلها من بلاتفورم واحدة

فـ لو مهتم تعرف تفاصيل اكتر عن ازاي ده بيحصل
روح على اللينك اللي انا سايبهولك تحت

لو مفهمتش اي حاجة من اللي انا قولتها في السكشن ده
 😄 مفيش مشكلة عادي مش لازم تدوس ومفيش حاجة هتفوتك

اكتفي بهذا القدر
 ❤️ والى اللقاء في ايميل اخر ان شاء الله

Run ads IRL with AdQuick

With AdQuick, you can now easily plan, deploy and measure campaigns just as easily as digital ads, making them a no-brainer to add to your team’s toolbox.

You can learn more at www.AdQuick.com