،قرائي الاعزاء

اهلًا وسهلًا بيكم في نسخة جديدة من النيوزليتر

:اللي من خلالها بشارككم نصائح في

 الكوبي رايتينج ✏️ 

البراند بيلدينج 🏗️ 

الكريتيڤ انتربرينيرشب 🤓 

:بالإضافة الى كده، هتلاقي ترشيحات مني سواء كانت

كتاب قرأته او بقرأ فيه حاليًا 📖 

بودكاست بسمعه 🎙️

مصدر ممكن يفيدكم، او مقولة عجبتني، على حسب يعني💡 

فيه تغيير بسيط هتلاقوه في النيوزليتر بتاعة الأسبوع ده

ولكن انا حابب اتكلم عنه اكتر معاكم في نهاية الميل

….فـ يلا بينا نبتدي

معلوماتك ملهاش لازمة ✏️

كوبي رايتينج#

واحدة من أكبر الأخطاء اللي بيقع فيها كوبي رايترز كتير

باختلاف مراحل تقدمهم في الكارير بشكل عام

هو أن فكرة عرض المعلومات والنصائح في الكوبي بتاعتهم

بتخلي الكوبي بتاعتهم مقنعة ومغرية اكتر بالنسبة لجمهورك المستهدف

ولكن الحقيقة جمهورك المستهدف مبيفتكرش لا معلومات ولا بيفتكر نصائح

اومال بيفتكر ايه يا ترى؟

في معظم الأحيان بيفتكر نقاط تحول أو تغيير في التفكير بتاعه

بيفتكر لحظة ما اجبرته انه يفكر في الاعتقاد الموجود عنده

أو لحظة بشكل ما أو بآخر اقتنعته انه محتاج يغير وجهة نظره

وبالمناسبة طرح المعلومات او النصائح بتساعد في تحقيق ده

ولكن عشان تحقق ده، مش هينفع تعرضها بشكل عادي

لازم تغير السياق اللي بتقدم فيه المعلومة اللي انت عايز تكتبها في الكوبي

وانا انهاردة هقولك على طريقتين من ضمن اكتر من ١٠ طرق تقدر تغير بيهم السياق ده

زمان بس دلوقتي ومع ذلك عشان كده

هشرحلك دلوقتي يعني ايه اللي انت قرأته ده

الإطار ده بيسمحلك انك تقدم معلومتك من خلال

تقسيم طريقة عرضها الى ٣ اجزاء 

زمان - وهنا انت بتتكلم عن عادة قديمة، اعتقاد موجود، او فكرة في العموم انت عايز تصححها

بس دلوقتي - وهنا انت بتعرض وضع حالي بيقول بشكل ما او بأخر ان اللي كان بيحصل زمان ما بقاش موجود دلوقتي

ومع ذلك - هنا بقى انت بتقول ان على الرغم من ان الوضع الحالي كويس، الا انه مش دايم في المستقبل 

وعشان كده - وهنا بقى هتبتدي تعرض اللي انت عايز تقوله وتربطه بالمنتج او الخدمة بتاعتك او ايًا كان السبب اللي بتكتب عشان الكوبي اصلًا

انت تظن ودي مشكلتك ودي الحقيقة

وده الحقيقة إطار عزيز على قلبي اوي

الإطار ده برضه بينقسم إلى ٣ أجزاء

انت تظن - هنا انت بتطرح برضه اعتقاد او ظن او فكرة انت شايف انها غلط في دماغ اللي بتكلمه

ودي مشكلتك - هنا بقى انت هتقول مشكلة وجود الفكرة او الاعتقاد الغلط ده ايه

والحقيقة هي - هنا بقى تقوله الحقيقة اللي انت عايز تعرضها، سواء الحقيقة دي الحل اللي بعد كده هيمهدلك تعرض المنتج أو ايًا كان

الإطارين دول مش سحر

وانا هنا قصدي، انك مش هتاخدهم كده زي ما هما بدون ما تبذل اي مجهود

في مذاكرة السوق اللي انت فيه، مذاكرة المنتج اللي هتتكلم عنه

او حتى مذاكرة الجمهور المستهدف اللي بتخاطبه

وتبقى متوقع في النهاية انك لما تستخدمهم تشوف حاجة مختلفة 

نزلت البونص ده🔥
ولا لسه؟

لو انت كاتب محتوى او صانع محتوى او كوبي رايتر

وبتشتغل فري لانسر

فـ ما ينفعش تفوت البونص ده اللي متقدملك هنا بالتعاون مع نيكولاس كول

وهو واحد من اكتر الكتاب متابعة وتأثيرًا الحقيقة على منصات كتير

وقدر من خلال شغله في الفري لانسينج والجوست رايتينج انه يحقق

اكتر من ٢ مليون دولار ريڤينيو

:البونص ده الحقيقة مكون من ٧ اطارات كاملة كالأتي

السبب الرئيسي في ليه انت كفري لانسر معظم الوقت

مش بيجيلك فلوس كفاية، وازاي تعالج المشكلة دي؟

ايه الإطار اللي تقدر من خلاله تقدم خدماتك في شكل بريميم؟

ازاي تصمم الأوفر اللي هتعرض فيه خدماتك من خلال ٣ خطوات؟

ايه السيستم اللي تقدر تجيب بيه عملاء بيدفعوا تيكيت؟

عالية في الخدمات اللي بتقدمها كل شهر؟

ازاي تبني سيستم تتواصل بيه مع العملاء المحتملين من غير ما تبقى زنان؟

ازاي تضاعف ارباحك من الخدمات اللي بتقدمها؟

او ازاي تاخد نفس ارباحك ولكن بربع المجهود اللي انت بتعمله دلوقتي؟

ازاي تختار اكتر نيش تقدر من خلاله تبقى بريميم فريلانسر؟

ودي تفاصيل البونص❗

دوس على اللينك اللي تحت

ودخل ايميلك

:وهيجيلك على الانبوكس على طول ان شاء الله

Land Your First Client In 5 Steps

Freelance Writers:

• Tired of getting paid per hour (or worse, per word?)

• Still relying on inconsistent word-of-mouth referrals?

• Ready to step off the freelancer hamster wheel?

Then you’re in luck! 

This FREE 5-day email course will help you:

• Craft an irresistible offer

• Charge premium prices

• Land your first $5,000 client

Click here to get instant access.

محتاجين ناخد رأي بعض 🤔

في الحقيقة فيه حاجة انا بفكر فيها بشكل جدي

ولكن حبيت اخد رأيكم الأول كنوع من أنواع الديموقراطية 

انا بفكر ان نظرًا لإن النيوزليتر بتاعتي بشكل عام بتحتوي على محتوى

في مواضيع مختلفة انا بتكلم فيها

فـ انا ممكن اخد كل موضوع منهم وابعته في ايميل لوحده في الاسبوع

يعني مثلًا الايميل ده جالك حاجة عن الكوبي رايتينج ومعاها بونص

ايميل الاسبوع الجاي ممكن يبقى عن الكريتيف انتربرنيرشيب ومعاها حاجة مثلًا

ايميل الاسبوع اللي بعده يبقى عن كتاب انا قريته وهكذا بقى 

ونظرًا لأن في النهاية انتم اللي بيجيلكم الايميلات دي مني 

احب اعرف رأيكم ايه

هتلاقي تحت اهو فيه بول باختيارات، يهمني جدًا انك تختار اللي بتفضله

لإن بناءً عليه هحدد اتجاه النيوزليتر ان شاء الله الفترة القادمة

وبكده خلصت نيوزليتر انهاردة 🤙

اتمنى تكون استفدت من ايميل انهاردة حقيقي

حابب افكرك ان جزء مهم من نمو وانتشار واستمرار النيوزليتر دي

هو تفاعلك معاها ومشاركتك ليها مع اي حد

ممكن يكون مهتم بالمحتوى اللي فيها

❤️فـ شكرًا مقدمًا لتفاعلك

اشوفك يوم الأحد القادم ان شاء الله

احمد العشري