ما تيجي نسرق فلوس 

وفي ٣ خطوات بس

،عزيزي وعزيزتي

بفكر اننا نعمل خطة جماعية الهدف منها اننا نسرق اكبر قدر من الفلوس نقدر عليه

بس مش مهم الحقيقة دلوقتي احنا هنسرقها من فين او من مين

الأهم اننا نتفق على شوية قواعد كده الأول عشان نضمن ان عملية السرقة اللي هنقوم بيها دي

هتكون عملية ناجحة والكل يخرج منها مبسوط وجيبه مليان كده

اتفقنا؟

…يلا بينا

اللي اوله شرط اخره نور

وعشان السرقة دي تتم، محتاجين نتفق على ٣ شروط الحقيقة مش شرط واحد بس

اول شرط: ان العملية كلها تتعمل بأقل عدد ممكن من الأفراد مطلوب لتنفيذها 

تاني شرط: ان العملية يتخططلها بشكل بسيط عشان كل ما هتتعقد كل ما نسبة انها تبوظ هتعلى 

تالت شرط: ان ما ينفعش اي قريب او حبيب يعرف حاجة عن العملية دي حتى بعد ما تخلص

وعلى الرغم من بساطة الشروط اللي انا قولت عليها دي 

وان فيه ناس منكم دلوقتي متحمسة للفكرة اللي انا بقولها وشايفين الموضوع بسيط 

الا اني متأكد ان الناس دي تحديدًا هي اول ناس هتبوظ العملية للأسف 

وعشان كده انا محتاج احكي قصة لعلنا نتعظ

والقصة دي هي قصة سرقة القطار العظيم سنة ١٩٦٣ تقريبًا 

اللي قدرت فيها عصابة هنعرف عنها اكتر كمان شوية

تسرق منه حوالي ٣ مليون جنيه في وقتهم

قصتنا بتبتدي من عند المجموعة دي

زي ما انت شايف مجموعة بسيطة مكونة من ٥ افراد بس 

وده تطبيق للشرط الأول لعملية السرقة، أقل عدد ممكن من الأفراد

بس المشكلة ان ولا حد فيهم كان بيفهم ازاي يوقفوا القطر وهو ماشي على السكة الحديد

وعشان كده استعانوا بالشخص ده

بس تومي الحقيقة قالك لأ انا مش هدخل لوحدي

انا محتاج ادخل العصابة بتاعتي انا كمان في الموضوع ده

وعصابة تومي كان فيها بتاع ٣ اشخاص كمان دخلوا في العملية

وبكده عددهم وصل لـ ٩ افراد متورطين في العملية

واول شرط لعملية السرقة فشل بنجاح

بس العدد ما وقفش عند كده بس الحقيقة

لإن العصابة عرفت تحل مشكلة ازاي هنوقف القطر

بس وقعوا في مشكلة تانية

وهي هو مين هيسوق القطر على ما نخلص اللي بنعمله جواه؟

وهنا قرروا الاستعانة بصديق، يعرف صديق بيعرف يسوق قطارات

وبكده باظ تاني شرط لعملية السرقة المتعلق بالبساطة 

لإن الموضوع طلع في توقيف للقطر وتحريكه تاني وليلة كبيرة

بس هي باظت…باظت خالص بقى

لإن الموضوع فضل يكبر، وناس اكتر بقت تدخل في العملية

لحد ما وصل العدد النهائي لـ ١٦ شخص تقريبًا

فـ العصابة ما شاء الله عليها

لا عرفت تخلي الموضوع على الضيق

ولا قدر تخلي العملية بسيطة

 😄 ومفيش عصابة تقريبًا ما سمعتش عن العملية دي

وعشان كده اتقبض عليهم في النهاية

قبضوا على ١٥ واحد منهم تقريبًا 

وخدوا أحكام بمجموع ٣٠٥ سنة مؤبد في السجن 

وكل ده عشان ولا واحد فيهم فكر يلتزم بشروط السرقة الناجحة بحذافيرها 

كله ظن ان كل مشكلة ليها حل

وكله فكر انه شاطر بما فيه الكفاية ان عادي يعني مفيش مشكلة نمشي على الشروط بحذافيرها يعني 

اخدت بالك اني اتكيت سيكا على اخر سطر ده عزيزي وعزيزتي؟

كويس اوي

تعالوا بقى نتكلم في الدرس من القصة دي

في عالم الكومنكيشن والأدفيرتايزينج والماركتنج 

فيه ٣ شروط بتحدد نجاح الكومنكيشن بتاعك من عدمه

زيهم زي شروط السرقة كده بالظبط

شكلهم بسيط جدًا، ولكن للأسف بيتم التغاضي عنهم

ظنًا برضه ان عادي يعني مفيش مشكلة نمشي عليهم اوي

:والشروط دي كالأتي

الشرط الأول يعمل تأثير، عشان بدون تأثير محدش هياخد باله

الشرط التاني يوصل رسالة ببساطة، عشان لو متعقدة محدش هيفهمها

الشرط التالت يبقى مغري، عشان لو محدش تم اغراءه، محدش هياخد اكشن

مفيش كومنكيشن في الدنيا محتاج حاجة اكتر من الـ ٣ شروط دول

ومع ذلك جزء كبير جدًا من اللي بيشتغلوا في الكومنكيشن انداستري بيظنوا

انهم اشطر بكتير من انهم يلتزموا بالـ ٣ شروط دول

مع ان في واقع الأمر

هما ممكن يكونوا مش بالشطارة الكافية اللي تؤهلهم اصلًا يطبقوا الشروط صح في المقام الأول

بص حواليك كده

على مدار الأسبوع اللي فات ده كله

فيه كام كومنكيشن علق معاك؟

فيه كام كومنكيشن علق معاك بشكل ايجابي؟

فيه كام كومنكيشن علق معاك بشكل سلبي؟

فيه كام كومنكيشن عدى عليك بس انت مش فاكره؟

فيه كام كومنكيشن انت عملتهم بنفسك على مدار فترة عملك؟

ايه اكتر كومنكيشن من اللي انت عملتهم سمع مع الناس اللي كلمتهم؟

فكر فيها كده بالراحة

ولف ودور واتحرك زي ما انت عايز

هترجع في النهاية هتلاقي الـ ٣ شروط هما هما مبيتغيروش

اليك بقى بونص انهاردة 

بونص انهاردة هو كراش كورس مهم جدًا جدًا لأي حد عايز ينتج محتوى بطريقة احترافية ومنظمة 

باستخدام شات جي بي تي 

الكورس ده هيعلمك بإختصار ازاي تدرب شات جي بي تي

انه ينتجلك افكار بشكل محدد جدًا متماشي مع البريف اللي بانيه من الأول

والكورس مجاني مش محتاج غير انك تسجل ايميلك وخلاص على كده

هتلاقي اللينك بتاعه تحت على طول

مذاكرة وتطبيق مثمر ومفيد ان شاء الله

 ❤️ اشوفكم على خير بكره ان شاء الله

Want To Stay Relevant As A Writer?

Are you worried ChatGPT will…

• Replace you as a writer?

• Make it harder to land new writing projects?

• And make it even more difficult to stay ahead as a writer?

Then you need to learn how to write with AI (not ignore it).

This FREE email course will help you:

• Use AI to write ANYTHING

• Train ChatGPT to generate infinite ideas

• Harness ChatGPT as your personal writing assistant

Click here to get instant access.