اخر ايميل في الميكروكوبي

،عزيزي وعزيزتي 

كل سنة وانتم طيبين، وعيد سعيد عليكم جميعًا وعلى كل احبائكم 

ايميل انهاردة هو ختام سلسلة الميكروكوبي لرمضان السنة دي 

 😄 ويا لها من سلسلة الحقيقة خصوصًا في نسختها الحالية 

وده لإن دي كانت اول مرة انشر فيها السلسلة دي من خلال نشرتي البريدية 

ودي خطوة كان فيها خطورة كبيرة على انتشار السلسلة بشكل عام

نظرًا لإني لما كنت بعملها في كل رمضان فات، كنت بنشرها على صفحتي الشخصية في شكل سلسلة من البوستات اليومية 

او سلسلة من الفيديوهات اليومية 

فـ فكرة اني اقتل المعتاد، واغير البلاتفورم اللي بنشر من خلالها السلسلة دي، كانت فكرة فيها ريسك كبير بالنسبالي 

ولكن، انا شخص في المطلق ما بيحبش يمشي على اسطمبة واحدة

 😄 واظن اللي متابعني من زمان عارف ده

فـ أنا ممتن لكم جدًا الحقيقة

لإن جزء كبير جدًا من نجاح السلسلة دي في نسختها الحالية انتم السبب فيه

بدون مجهودكم في نشر النيوزليتر، جزء كبير من الناس مكنش هيشترك 

جزء أكبر من الناس مكنش هيعرف ان فيه نيوزليتر بالعربي، بتتكلم في المواضيع اللي ممكن يكون قطاع كبير من المسوقين في الوطن العربي 

محتاج يعرف عنها معلومات ويسمع نصائح من خلالها اكتر واكتر 

فـ حقيقي شكرًا جزيلًا من قلبي 

واتمنى انكم تكونوا اتبسطوا بالتجربة دي معايا

واتمنى برضه انكم تكملوا في انكم تكونوا جزء من التجربة دي ما بعد الميكروكوبي الحقيقة

لإن النيوزليتر لسه مكملة ان شاء الله

لما عملت النيوزليتر دي السنة اللي فاتت، كان عندي ليها رؤية محددة جدًا 

وهي نشر تجاربي وافكاري وخبرتي العملية والعلمية في ٦ اقسام بالتحديد وهما

الكوبي رايتينج

الجروث ماركتنج

استراتيجيات بناء العلامات التجارية

البيرسونال براندينج

الكريتيڤ انتربرينورشيب 

ملخصات الكتب اللي قرأتها وبقرأها

وهنا احنا ممكن نسأل، هو انت ليه بتتكلم في الحاجات دي بالتحديد 

وده سؤال حلو الحقيقة، واسمحولي اجاوب عليه بإختصار شديد 

الكوبي رايتينج: ده الباب اللي دخلت منه مجال التسويق من ١٤ سنة فاتت، وبسببه وصلت للي انا فيه دلوقتي

الجروث ماركتنج: وده المجال اللي انا متخصص فيه حاليًا بقالي ٦ سنين تقريبًا 

استراتيجيات بناء العلامات التجارية: ودي المحطة اللي في نص رحلتي لما وصلتلها قدرت احدد انا عايز اكمل فين وازاي

البيرسونال براندينج والكريتيڤ انتربرينورشيب: ودول الحقيقة مقدرش اسميهم مجالات، ولكن اقدر اسميهم انعكاسات تجربتي الشخصية في الحتتين دول

ملخصات الكتب: وده لأني شخص نهم جدًا فيما يتعلق بالقراءة وخلق انعكاسات على كل حاجة انا بتحصل عليها

فـ زي ما احنا شايفين كده، الميكروكوبي كانت محطة زمنية في عمر النيوزليتر 

إنما النيوزليتر بإذن الله مكملة عادي جدًا في المواضيع اللي ذكرتها دي خلال السنة دي، ان كان ليا عمر يعني 

ونظرًا لإن فيه ناس كتير دخلت الفترة اللي فاتت ما تعرفنيش

فـ انا بدعوكم تاخدوا لفة في المنصات اللي انا عامل فيها محتوى قبل كده

عشان تقدروا تحددوا اهدافكم ايه من المحتوى اللي انا بنشره ده

وهل هو مناسب ليكم بشكل عام ولا لأ 

وعشان كده انا هسيبلكم هنا الأول لينكات مجمعة للحاجات اللي نشرتها قبل كده

 😄 اتمنى انها ما تتحطش في السيڤ زون وتتكدس قهريًا بس

اولًا الميكروكوبي

زي ما قولتلكم قبل كده، ان الميكروكوبي كان ليها اكتر من نسخة رمضانية اتعملت في السنين اللي فاتت

لو عايز الأول تشوف كل اللي فاتك من النسخة الحالية

تقدر بسهولة خالص تدخل على الموقع بتاعي، هتلاقي كل الإصدارات موجودة على الويب

وهتلاقي كمان كل الإصدارات اللي طلعت من النيوزليتر دي من السنة اللي فاتت كمان

ودي اول سلسلة نزلت من الميكروكوبي

ودي تاني سلسلة

ودي تالت سلسلة

ثانيًا كوبي كاست

كوبي كاست هو البودكاست بتاعي عملته من ٤ سنين فاتت تقريبًا 

ونشرت عليه اكتر من ٣٥ حلقة لو ذاكرتهم بعناية

هتلاقي نفسك اخدت برنامج قوي جدًا في كل ما يتعلق بالكوبي رايتينج واستراتيجيات بناء العلامات التجارية 

وانا هنا مش بشكر في نفسي فعلًا، بس المحتوى اللي هتسمعه ده غالبًا مش هتسمعه في حاجة مدفوعة حتى بنفس الشكل

فـ برجاء الاستماع جيدًا، والأهم طبعًا التطبيق 

ادخل على اللينك ده، واختار منه انت عايز تسمع البودكاست منين 

ثالثًا الصفحة بتاعتي

الصفحة بتاعتي على الفيسبوك، عليها تقريبًا اكتر من ١٠٠ مقال وبوست على مدار ٤ سنين 

انصحك ترجع ليهم واحد واحد كده براحة وتبتدي تجمع ملاحظاتك وأفكارك على اللي بتتحصل عليه

وده لينك الصفحة 

وبكده اكون خلصت كلامي للمتابعين الجداد 

اكلم بقى المتابعين الحاليين

زي ما وعدتكم ان كل واحد شارك في نشر النيوزليتر 

عندي له خصم زيادة على سعر الاشتراك في برنامجي لتعليم الكونڤرجن كوبي رايتينج واللي اسمه كوبي دوز 

لو عايز تعرف كوبي دوز ده بيتكلم عن ايه ومناسب ليك ولا لأ 

ده لينك فيه كل تفاصيل البرنامج 

بعد ما تشوف التفاصيل، او انت عارف التفاصيل وجاهز تشترك في الراوند التالتة بقى من كوبي دوز والأخيرة إن شاء الله

تقدر تبعتلى على صفحتي عشان اقولك الخصم بتاعك هيبقى كام وصالح لحد امتى

 واقولك كمان على طرق السداد والتحويل ان شاء الله 

وبس كده

اشوفكم على كل خير ان شاء الله بعد العيد 

 ❤️ وكل سنة وانتم طيبين جميعًا

..احمد العشري