أين الإنسايت؟

In partnership with

،عزيزي وعزيزتي

أهلًا وسهلًا بيكم في نسخة جديدة من النيوزليتر بعد فترة ليست بالقليلة من الانقطاع الحقيقة

وانا بعتذر مقدمًا عن هذه الغيبة

ولكن كنت محتاج شوية وقت كده للتفكير والتخطيط لكل ما هو قادم في النيوزليتر الفترة القادمة ان شاء الله

ونظرًا لإني مش حابب اطول عليكم الحقيقة اكتر من كده

اسمحولي ادخل في موضوع انهاردة على طول

كلنا عارفين يعني ايه انسايت وماهو مدى اهميته

وده نظرًا لإنه واحد من العناصر الأساسية في صناعة اي نوع

من انواع التواصل مع العميل المستهدف

صعب جدًا تبني كوبي، قطعة محتوى، او اعلان، وانت مش معاك انسايت من البداية

ده غير ان أصلًا اول حاجة بتناقشها مع العميل او المدير، او حتى الزميل، بتكون الانسايت

وعلى الرغم من اتفاقنا مع بعض وكمان معرفتنا المشتركة للانسايت ومدى اهميته

الا اني عندي سؤال في غاية الأهمية بخصوص النقطة دي الحقيقة

وهو ان طالما احنا عارفين هو ايه
بنعمله وبنقدمه وبنشتغل عليه غلط ليه؟

ايوه، صدق او لا تصدق

بنسبة كبيرة وفي اوقات كتير

انت بتطلع بالإنسايت غلط

وبتقدمه بطريقة غلط

ولو اتوافق عليه، بيتنفذ غلط

ولو ما اتوافقش عليه، بتزعل مع انه غلط

ده غير ان غالبًا اللي رفضلك الإنسايت مش عشان هو شايفه غلط

لا، رفضه عشان مش عاجبه شخصيًا

وفي النهاية انت مش بتستفيد حاجة

وعشان كده، انا وانت وانتي محتاجين نتكلم شوية عن الانسايت

واسمحولي في البداية كده
احط تعريف للإنسايت في عالم الكومنكيشن
(اللي هو التواصل يعني)

الإنسايت ببساطة شديدة هو فهمك لحاجة الناس عايزاها ومحتاجاها بشكل ما او بأخر

وهذه الحاجة انت قدرت توصل ليها في شكل انسايت من خلال تحليل لمجموعة من البيانات

شوفت فيها انماط متكررة في شكل سلوك، تصرفات، او احداث، جمهورك المستهدف بيقوم بعملها

خدت بالك وخدتي بالك انا قولت ايه؟

قولت تحليل بيانات، نشوف فيها انماط متكررة ليها علاقة بجمهورك المستهدف

وده ان دل على شئ فـ هيكون ان الإنسايت ما بيطلعش من دماغك وتجاربك الشخصية فقط

او ان الإنسايت طلعت بيه كده عشان ابن خالتك شبه جمهورك المستهدف

فـ شوفت فيه حاجة خلتك تطلع بالانسايت اللي عندك

وقررت ان الإنسايت ده لايق وماشي مع كل جمهورك المستهدف

مفيش حاجة اسمها كده

وبسبب الموضوع ده حاجات كتير بتطلع في الكومنكيشن غلط

لإنك اولًا تجاهلت تكوين معين بيطلع من خلاله الانسايت

وثانيًا وبناءً عليه بنيت على انسايت مش في حتته خالص

وعشان ثانيًا احنا متفقين عليها خلاص

تعالوا بقى نتكلم شوية عن أولًا دي

وهي انك تجاهلت تكوين معين بيطع من خلاله الإنسايت

:الإنسايت عشان يطلع منك، محتاج تعمل الأتي

اولًا تعرض نفسك لأكبر قدر من البيانات المتاحة بخصوص جمهورك المستهدف

وده من خلال الريسيرش اللي بتعمله، من خلال فحص اي بيانات استطلاع رأي البيزنس بتاعك عملها

او من خلال حتى انك تتواصل بشكل مباشر معاهم، او تمشي وراهم اونلاين تشوف بيتكلموا ازاي وبيفكروا في ايه

ثانيًا تستخلص من البيانات دي معلومات جديد مكتسبة مكنتش تعرف عنها حاجة قبل كده

وده شئ منطقي جدًا هيحصل وانت بتحلل البيانات دي وقاعد شغال عليها

ثالثًا بقى تطلع بالإنسايت الجميل بتاعك

لإن المفروض بعد ما بقى عندك معلومات

هيبقى عندك اتجاهات ممكن تتحرك من خلالها عشان تعرف جمهورك المستهدف ده حاجة

ايًا كان ايه هي بقى الحاجة دي اللي انت عايز تعرفهالهم

وطبعًا الحاجة دي المفروض تبقى مبنية على الهدف اللي عشانه في الأول انت بتشتغل

اهو كده بس، نقدر نقول انك ماشي بترتيب صح

بس اوعى تفكر او تفكري، ان احنا كده خلصنا

لإن بعد ما تطلع بالإنسايت هيبقى لسه فيه رابعًا وخامسًا وسادسًا كمان

:تعالى نشوف اهو

رابعًا هتبقى مرحلة اتخاذ قرار في تنفيذ الإنسايت ده ولا لأ اصلًا

لإن مش معنى انك طلعت بإنسايت فـ كده خلاص الف مبروك هيتوافق عليه

الانسايت ده هيتقدم في النهاية لشخص هياخد قرار تجاهه

فـ دي مرحلة في غاية الأهمية

لإن خامسًا هتبقى مرحلة تنفيذ الإنسايت الموافق عليه في النهاية

ودي بتتمثل في انك تنفذ بقى الانسايت ده في شكل كومنكيشن ايًا كان نوعه ايه بقى

كوبي، اعلان، قطعة محتوى، ايميل، فيديو، ايًا كان مش فارقة

ونوصل بقى لسادسًا وهو مرحلة قياس نسبة تحقيق الهدف بناءً على كل ما سبق

ودي النقطة اللي انا ذكرتها في المرحلة التالتة من تكوين الانسايت

لإنك في النهاية بتعمل كل ده عشان تطلع بكومنكيشن مظبوط

يحقق الهدف اللي البيزنس عايزه

فـ في النهاية، الهدف ده محتاج يتقاس

ولو انتم مش واخدين بالكم لحد دلوقتي

فـ خليني اقولها بشكل واضح ومباشر

ان اهم شخصين في البروسيس دي كلها عشان تمشي مظبوط

هو انت او انتي، والشخص اللي هيتعرض عليه الانسايت ده قبل التنفيذ

بس تفتكروا مين فيكم اهم من التاني يا تري؟

براڤو عليكم لو جاوبتوا وقولتوا ان الشخص اللي هيتعرض عليه الانسايت قبل التنفيذ هو الأهم

وده مش تقليل منكم ولا حاجة لا سمح الله

ولكن المنطق هو اللي بيقول كده

الشخص ده في النهاية هو صاحب القرار

هو اللي هيحدد الـ ٣ خطوات اللي بعد كده هيبقوا في صالحك ولا ضدك

وعشان انت انت صاحب الخبرة في شغلك في النهاية

طالب منك حاجة صغيرة بس

مطلوب منك بس انك تبقى ذكي

ايه ده يعني ايه؟

يعني ببساطة مهمتك تكمن في اختيار الإنسايتس اللي تخلي صاحب القرار

مهتم ياخد اكشن في النهاية

صاحب القرار ما قعدش نفس الوقت اللي انت قعدته وانت بتحلل البيانات وبتطلع منها بمعلومات

صاحب القرار مش شرط بالضرورة يكون عارف البروسيس اللي انت مشيت عليها

صاحب القرار حتى لو عارف البروسيس، فـ هو ما عملهاش زي ما انت عملتها

اذًا ده معناه ان صاحب القرار معتمد على ان اللي هتعرضه ده

هيساعده في اتخاذ قراره بشكل احسن

وده معناه انك لما تعرض الانسايتس بتاعتك

لازم تبقى متملك من كل انسايت فيهم

قادر تتعمق في كل واحد وتعرض حتى كمان شكل الأكشنز اللي ممكن تتعمل في كل واحد عاملة ازاي

عارفين الموضوع عامل شبه ايه؟

شبه كده لما تبقى في محل بتشتري جهاز كهربائي مثلًا

وواقف معاك حد من تيم المبيعات

انت بشكل ما او بأخر عارف مواصفات الحاجة اللي انت عايز تجيبها

بس تخيل كده اللي واقف معاك من المبيعات ده

كل ما تسأله على حاجة يقولك موجودة او مش موجودة وخلاص على كده

ما بيديش ترشيحات ليك

ما فهمش شكل اللي انت محتاجه فـ قالك على حاجة شبهها

انت احساسك هيبقى ايه؟

ممكن تتخنق منه اصلًا وتبقى عايز تسيبه

وممكن ساعتها تحس ان القرار اللي هتاخده هيبقى مبني على اللي انت شايفه صح بس وخلاص

وده ممكن في النهاية يؤدي الى قرار غلط

لإن جيس وات؟

ما انت اللي هتدفع الفلوس في النهاية، مش بتاع المبيعات ولا حد تاني

اهو نفس الموضوع بالظبط الناحية التانية في شغلك

صاحب القرار في شغلك هو اللي هياخد قرار في النهاية في تنفيذ الانسايت من عدمه

فـ انت مش دورك انك تفرض انسايت معين عليه

ولكن دورك انك تبقى مرشد على كل انسايت ايه اللي ممكن يتعمل

وانت بترشح ايه بطريقة مقنعة ومغرية

وهنا ييجي سؤال مهم، المفروض يكون جه في بالك الحقيقة

وهو طب لو انا هعمل كده زي ما انت بتقول يا احمد

المفروض اقدم كام انسايت لصاحب القرار؟

اجابتي الحقيقة هتكون كالأتي

واتمنى محدش يحفظ اللي انا هقوله ده، ونحاول نفهمه احسن

في الحقيقة انا افضل دائمًا انك لو مشيت على البروسيس اللي انا شرحتها فوق دي

انك تقدم من ٢ لـ ٥ إنسايتس نقدر ناخد اكشن تجاههم على حسب هدف البيزنس

والانسايتس دي لازم تبقى متقدمة بناءً على عمق فهمك ليهم وعلى مدى سهولتهم في التنفيذ

عشان مش شرط كل انسايت هتحطه هيبقى سهل في التنفيذ بالمناسبة

فـ لازم تبقى حاطط ده في عين الاعتبار

وانا هنا حاطط رينج لإني في النهاية معرفش نوع البيزنس بتاعك ايه

ولا حجم البيانات المتاحة فيه عاملة ازاي

بس اللي متأكد منه، انك لو عملت اللي عليك في البروسيس

فـ سهل اوي تطلع بـ ٢ انسايتس

فـ مين قال ان اكتر من كده مستحيل؟

وهنا برضه المفروض يكون عندك سؤال تاني الحقيقة

وهو طب انا ازاي اقدر ارشح انسايت عن انسايت من اللي هقدمهم دول؟

او ازاي اقنع صاحب القرار بشكل سليم زي ما انت كنت بتقول كده بواحد من الانسايتس دي؟

اجابتي هتكون كالأتي

بمنتهى البساطة بعد ما تخلص كل حاجة وتحط الإنسايتس اللي هتعرضها قدامك كده

اسأل نفسك ٤ اسئلة بس

مين التارجت الأودينس بتاعي؟

وليه الانسايت ده لو طلع منه كومنكيشن هيبقوا مهتمين بيه؟

الكومنكيشن بعد ما يطلع من الانسايت ده، ايه الاكشن اللي مفروض ياخدوه؟

ما مدى تأثير الانسايت ده على هدف البيزنس في النهاية؟

لو مقدرتش من خلال الأسئلة دي تعمل تقييم كده بسكور للإنسايتس اللي معاك

فـ بنسبة كبيرة جدًا الإنسايتس اللي انت طلعتها دي فيها حاجة ناقصة

وده معناه انك لسه محتاج تشتغل اكتر عليها

وفي النهاية

البروسيس دي انت تقدر تطبقها على اي حاجة ممكن تتخيلها في حياتك

وعلى اي بيزنس ممكن تكون بتشتغل معاه

وداخل اي اجينسي ممكن تكون فيها كمان دلوقتي

تعلمك للبروسيس دي بيسمحلك تصمم كومنكيشن مبني صح

مبني بغرض

مبني لتحقيق هدف

بدون خناقات فارغة

بدون حشر للأذواق العامة والشخصية في الشغل وخلاص عشان احنا مش عارفين نشتغل بحاجة غيرها

البروسيس هتعلمك ايه ازاي تفلتر اللي بتقوله

وازاي تفلتر اللي بتعرضه

البروسيس دي هتعلمك ازاي تبقى مقنع وانت واقف على ارض صلبة

فـ حظ سعيد ومجهود موفق

لو وتطبقها

 😄 وبس كده

Your Brilliant Business Idea Just Got a New Best Friend

Got a business idea? Any idea? We're not picky. Big, small, "I thought of this in the shower" type stuff–we want it all. Whether you're dreaming of building an empire or just figuring out how to stop shuffling spreadsheets, we're here for it.

Our AI Ideas Generator asks you 3 questions and emails you a custom-built report of AI-powered solutions unique to your business.

Imagine having a hyper-intelligent, never-sleeps, doesn't-need-coffee AI solutions machine at your beck and call. That's our AI Ideas Generator. It takes your business conundrum, shakes it up with some LLM magic and–voila!--emails you a bespoke report of AI-powered solutions.

Outsmart, Outpace, Outdo: Whether you're aiming to leapfrog the competition or just be best-in-class in your industry, our custom AI solutions have you covered.

Ready to turn your business into the talk of the town (or at least the water cooler)? Let's get cracking! (And yes, it’s free!)