قولت لتلامذتي ما يستخدموش شات جي بي تي

In partnership with

،عزيزي وعزيزتي

طبعًا باين من عنوان الإيميل بمنتهى الوضوح اني بفضح أو بشرد لطلابي الأعزاء
وده في حد ذاته خلق عندك فضول تعرف ايه اللي حصل
ChatGPTعشان غالبًا انت كمان بتستخدم

ده غير طبعًا ان عنوان الإيميل ممكن يكون خلق حالة من الذعر
عند طلابي الأعزاء برضه اللي ما سمعوش كلامي
فـ هما كمان فتحوا الإيميل يشوفوا انا هقول ايه

احب ارحب بيكم كلكم في الإيميل بتاع انهاردة
واحب طبعًا اننا نخرج بقدر من الاستفادة متعلق باللي انا هقوله
ومحدش يقلق بشكل عام، لإني مش هجيب سيرة شخص بعينه

اصل الموضوع كبير الحقيقة

طبعًا فيه جزء من المشتركين في النيوزليتر
عارفين ان عندي برنامج اسمه كوبي دوز
متخصص في تعليم وشرح وتطبيق الكونڤرجن كوبي رايتينج
ومدته بتكون ٨ اسابيع تقريبًا على مدار ١٣ محاضرة
اتعمل منه ٣ جولات ملتحق فيها اكتر من ٢٦٠ مسوق في الوطن العربي

اخدتم بالكم انا قولت متخصص في ايه ازاي؟

تعليم، شرح، واخيرًا تطبيق
اذًا ده معناه ان اللي بيدخل في البرنامج ده مطلوب منه في النهاية
انه يطبق على اخدنها وشرحنها بالشكل اللي انا بقول عليه
في المواعيد اللي انا محددها
بإطارات العمل اللي اتفقنا عليها

جميل جدًا، نيجي للمهم بقى

الحقيقة ان في كل جولة من جولات كوبي دوز
انا كان عندي طلب مهم جدًا بقوله عند ارسال اول تاسك في البرنامج
ChatGPT القاعدة دي ببساطة، ان في حل التاسكات، محدش يستخدم

وده لسببين بساط جدًا الحقيقة

اول سبب منهم هو اني بمنتهى البساطة هعرف لو عملت كده
اما بقى السبب التاني، هنشوفه في السكشن الجاي

من انهي منطق تبقى بتتعلم حاجة جديدة
وتروح لأداة تعملهالك؟

خصوصًا بقى في حاجة زي الكوبي رايتينج الحقيقة
اللي هو مجال قائم على بناء وسيلة تواصل بشكل محدد وممنهج جدًا
انت كـ كوبي رايتر بتحاول تطور من حجمالمهارات والخبرة اللي موجودة عندك
بأنهي شكل او انهي طريقة هتستفاد بيها لما تاخد معلومة جديدة
وتروح بيها لأداة ذكاء اصطناعي تقولها اكتبيهالي بالشكل ده؟

انت استفدت ايه؟
اتعلمت ايه؟
ايه اللي اضافته جديد ليك؟

سيبك من كل ده خالص

مين قالك ان اداة الذكاء الإصطناعي هتعملك الحاجة بالشكل الصح؟
مين قالك ان الاداة دي ما بتغلطش؟
مين قالك ان الاداة دي في اوقات كتير مش هتتجاهل الأمر اللي انت دخلته اصلًا؟
مين قالك اصلًا ان الأمر اللي انت دخلته كان صح؟

طبعًا الكلام انا قولته بمختلف الطرق في كل جولة في كوبي دوز

بس النتيجة محروقة من عنوان الإيميل

لازم يطلع في كل جولة كده مجموعة من الطلاب
اللي بتحاول تستنصح وما تسمعش الكلام

وده طبعًا اخذًا بمبدأ أصل القواعد وضعت عشان نكسرها
ناسيين ان عشان القواعد تتكسر، محتاجين نبقى بروفيشنال في تطبيقها الأول

بس ما علينا يعني

طبعًا انا اثناء مراجعاتي للتاسكات كنت بعرف
وقدر التوبيخ بيتناسب طرديًا مع قدر تجاهل التحذيرات اللي نوهت عليها

المثير جدًا للإهتمام في النقطة دي
ان انا حذرت طلاب الجولة الأولى وما سمعوش الكلام
وطلاب الجولة الأولى حذروا طلاب الجولة التانية، وبرضه ما سمعوش  الكلام
وطلاب الجولة التانية حذروا التالتة، وبرضه مفيش فايدة

وبكده احنا اخدنا سياق كويس اوي عن الحدوتة اللي انا كنت عايز احكيهالكم
ويبقى سؤال ممكن يكون في دماغنا دلوقتي مثلًا

وهو انت بتعرف ازاي؟

طبعًا ده سؤال برئ ممكن يكون في دماغنا عشان فيه فضول تجاه الموضوع
بس برضه ممكن يكون فيه نصاحة بشكل ما أو بأخر
الهدف منها نعرف ازاي نتجنب الوقوع في فخ اننا نتقفش

ونظرًا لإني موقفي حساس دلوقتي ما بين اني عايز اوصل رسالة ونصيحة
وما بين ان فيه طلاب عندي لسه تاسكاتها مخلصتش
واحنا عارفين الانسان في النهاية ضعيف برضه

فـ انا هجاوب على السؤال ده بشكل استراتيجي حذر

من خلال كذا نقطة كده تدينا فكرة بشكل عام
ليه الموضوع ده سهل يتقفش من شخص
فاهم اولًا هو عايز ايه او طالب ايه
فاهم ثانيًا هو عايز ايه من ميين
فاهم ثالثًا أي أداة ممكن يعتمد عليها المكلف بالتاسك، هتطلع بـ ايه في النهاية

 ChatGPTونظرًا الى ان اكتر اداة مستخدمة هي
فـ دي اللي هنتكلم عليها

وبالمناسبة الشخص اللي انا بتكلم عنه ده مش شرط يكون أنا في النهاية
ممكن يكون اى حد فى مجال شغلك
زميلك، مديرك، أو عميلك عادي

شات جي بي تي مستهلك في طريقة كتابته

سبق وكنت قولت قبل كده كتير
ان شات جي تي عنده حصيلة لغوية من الكلمات، الأفعال، الصفات، والأسامي
اللي بيميل بشكل مبالغ فيه الى استخدامها في الأمر اللي انت بتدخله اليه

وبالمناسبة النقطة دي بتنطبق على الإنجليزي والعربي
والنقطة دي مش هتتغير الا لو انت وضحت لشات جي بي تي ما يستخدمش ايه
ويستخدم ايه بالظبط
او انك تاخد اللي طلعه وتدخله في حتة تانية وتشتغل عليه لحد ما يطلع بشكل احسن
واكثر منطقية في طريقة الكتابة

النقطة التانية بقى في الموضوع ده

إن شات جي بي تي ساعات كتير بيستخدم من الحصيلة اللي عنده
شوية كلمات وأفعال وصفات الإنسان الطبيعي في الكتابة ما بيكتبهاش
فـ لما تبقى بتراجع على شغل واحد وتلاقيه مسلم شغل ممتاز في لغة
وعاكك الدنيا في لغة تانية، وساعات كتير بتبقى لغته الأم
هنا بقى بتتأكد ان فيه حاجة غلط

على سبيل المثال دي مجموعة من الكلمات
:الانتقالية اللي بيستخدمها

كلمات انتقالية دي اللي بتحطها عشان عايز تنتقل من نقطة لنقطة
أو تستفيض في نقطة معينة
او تطرح نقطة وبعدين تعارضها
في الحالات اللي زي دي تبقى محتاج تستخدم كلمات زي دول كده

:ودي شوية اسماء من اللي بيستخدمها

:ودول افعال مستهلكة من اللي بيستخدمها

:دي بقى صفات من اللي بيموت فيها

:ودي عبارات بيحطها برضه في كتابته

:ودي عبارات لما تتحط في جملة مفيدة مثلًا

تفكتر بقى لما تاخد من الحصيلة دي وتكون جمل
النتيجة هتبقى ايه؟

هتبقى كلمات معقدة كتابيًا ومسطحة في توصيل المعلومة
هتبقى فورمال زيادة عن اللزوم في فورمات المفروض يكون مبنى على لغة حوارية
هيبقى فيه كلمات كتير مبهمة لا تحمل معنى على الاطلاق
ده طبعًا بإختصار شديد

المهم في الموضوع ده، ان مفيش بني ادم بيكتب كده في الطبيعي
ومفيش بني ادم فاهم هو المفروض بيكتب ازاي
هياخد الحاجة زي ما هي كده من شات جي بي تي

والأهم مفيش حد هيبقى لسه بيتعلم ازاي يكتب
ويعتمد على شات جي بي تي الحقيقة

تعالى نشوف مثال صغير كده

 ChatGPT في المثال ده انا تخيلت ان فيه كوبي رايتر ممكن يحتاج
Cover Letter في انه يكتبله
هيبعته لشركة هو هيقدم على شغل فيها

فـ ده الأمر اللي انا دخلتهوله 

وده الحقيقة كان رده

وهنا اسمحلي اسألك كام سؤال

ما هي نسبة  الحشو في هذا الإيميل؟
ما هي نسبة تكرار نفس الكلمات في نفس الإيميل؟
ما هي نسبة الاسطمبة المتكررة في كلمة افتتاحية في نفس الايميل؟

الحسنة الوحيدة في الإجابة دي هي
الاستراكشر بتاع الايميل فقط لا غير
او طريقة تقسيم المعلومات اللي محتاجة تتقال

وخلي بالك انا قاصد اني اوريك مثال على ايميل
مش كوبي او قطعة محتوى

ليه يا ترى؟

عشان تدرك بس ان نفس المشاكل دي وعلى أسوأ
هتلاقيها هناك برضه
ChatGPT وكده كده انت عندك
جرب بنفسك من المنظور ده وشوف

شات جي تي عامل كأنه واحد واقف فوق سطح

بيتفرج عليك تحت وانت واقف على مسرح وماسك ميكروفون
قدامك مليون بني ادم قاعدين بيتفرجوا عليك
روحت انت سألت المليون بني ادم دول سؤالك
وكلهم جاوبوا عليك

بس انت بني ادم في النهاية مش هتقدر تستوعب كل هذا الكم من الإجابات

راح شات جي تي عمل ايه بقي؟
اخد متوسط الإجابات دي كلها
وقام مديك اجابة واحدة

وهنا اسمحلي اسألك سؤال تاني معلش

هما الميلون بني ادم اللي كانوا قدامك دول
كلهم نفس الخبرة؟ كلهم متفوقين؟ كلهم شاطرين؟
كلهم فاهمين هما بيقولوا ايه؟
اكيد لأ

يبقى من انهي منطلق بتثق في اجابة عبارة عن متوسط

ولاغي خالص دماغك؟
اكتفي بهذا القدر

واترك الباقي لدماغك

واخيرًا للي مهتم

لو بتشتغل على بيزنس او براند في مجال الإي كوميرس والستور بتاعه موجود على شوبيفاي
ممكن تحضر بشكل مجاني ويبينار عظيم جدًا هيبقى كمان ٣ ايام
Chargeflow مقدم من قبل

الويبينار هيناقش اخر استراتيجيات النمو اللي تقدر البراندز تطبقها
والكلام هيبقى بالتحديد على شوبيفاي

انا شخصيًا شايف ان حتى لو البراند بتاعك مش على شوبيفاي
حضورك الويبينار ده ممكن يديلك مجموعة من الانسايتس والتجارب الجديدة
اللي تقدر تطبق منها اللي ينفع على البراند بتاعك حاليًا

هسيبلك لينك التسجيل في الويبينار تحت

والى اللقاء في ايميل جديد ان شاء الله

Take your DTC brand to the next level

Introducing "Level Up Your DTC Brand," a digital event hosted by Chargeflow, where you'll receive the latest tactics, strategies and data on how to scale your brand on Shopify in 2024.

RSVP now to hear from the CEOs of growing DTC brands like Haven Athletic and Allermi, as well as eCom SaaS leaders from Sendlane, Triple Whale, Aftersell, and more. Get practical strategies, actionable tips, tools to grow your brand, and have a chance to win platform credits from solution providers, gift cards, and a Meta Quest 3 Reality VR Headset.

Register now (limited seats available)