الخروج من هامش الرخص

In partnership with

،عزيزي وعزيزتي

اللي عندهم قدر من المهارات والخبرة اللي لا بأس به خالص في المجال اللي بيشتغلوا فيه
اللي كتبوا مئات الكوبيز والآلاف المؤلفة من الكلمات
احسن ناس بتعمل استراتيجي في المجال
واقوى ناس بتعمل خطط لمنصات التواصل الإجتماعي
اللي من كتر اللي عملوه خلاص قربوا يعملوا برامج تدريبية
وكورسات ومنتجات ديجيتال يبيعوها

اللي عاملين بوزيشنينج لنفسهم صح
اللي كل صحابهم بيشهدوا ليهم بقد ايه هما جامدين
اللي لما ينزلوا في الجروبات يقولوا للناس ايه رأيكم في اللي انا عملته ده
كل الناس بتقولهم الله عليكم كريتيڤ وجامد

اسمحولي اسألكم كذا سؤال الحقيقة لو تسمحوا
بيبقى رد العملاء عليكم ايه لما تبلغوهم بخطة اسعاركم؟
بتتأكدوا ازاي ان تسعيركم ده صح من اساسه؟
بنيتوا تسعيركم ده بناءً على ايه؟

هل ده متوسط السوق اللي شوفنا اصحابنا بيسعروا بيه؟
هل ده متوسط سعر الخدمة في المجال اللي العميل شغال فيه؟
هل ده عشان حسبنا الساعة بتاعتنا بكام بناءً على مرتب شغلنا الفول تايم؟

طيب بتعملوا ايه لما العميل يفاصل؟
يا ترى يا هل ترى بننزل بالسعر لحد فين عشان ناخد العميل؟

اتفاجئنا قبل كده برد العميل او الجمهور على تسعيرنا؟
جالنا شلل فكري لمدة من الوقت خلانا مش عارفين نرد نقول ايه وازاي؟
خدنا الموضوع على نفسيتنا جامد واتقمصنا؟
روحنا لدايرتنا نشتكي من العملاء ونشتكي من الجمهور؟

اكمل ولا كفاية كده؟

انا بقول كفاية كده الحقيقة

لا وهقول كمان اني هفترض حسن الظن فيكم ومش هشكك فيكم
في اي حاجة انا قولتها في اول ١٠ سطور في السكشن ده

بمعنى مفيش حد فيكم عنده مشاكل خالص في الطريقة اللي بيقدم بيها نفسه
وكل الناس بتشهد بشغلكم بما فيهم العملاء السابقين كمان
والعملاء كمان حابين وعايزين نوع الخدمة اللي احنا بنقدمها ايًا كان ايه هي

اذًا ده معناه حاجة واحدة بس طالما كل حاجة حلوة كده
وهي ان المشكلة اللي بنواجهها مشكلة تسعير

العملاء والجمهور مش عاجبهم سعر خدمتنا أو منتجنا
مع ان فيه ابن صاحب قريب ابن خالتنا اللي بيشتغل زينا مسعر كده برضه
طيب ليه طب؟

طيب نسعر ازاي احنا الخدمة بتاعتنا يا ترى؟
والأهم من كده انا اعرف منين ان السعر اللي هنحطه ده
هو اكتر سعر مثالي وممتاز للخدمة او المنتج اللي بنقدمه؟

الإجابة ببساطة في الصورة دي

لو مش  فاهم حاجة من الصورة مفيش مشكلة
لإن الصورة ببساطة بتجاوب على السؤال من خلال ٣ مؤشرات
محتاج تاخد بالك منهم

المؤشر الأول على الشمال خالص بالبينك
وده السعر اللي مش ممكن انت ترضى شخصيًا
تبيع بيه منتج او تقدم به خدمة في النهاية

المؤشر اللي في النص بالأبيض ده رينج السعر
اللي انت ممكن تتحرك من خلاله
والرينج ده الحقيقة فيه نقطتين مهمين جدًا

النقطة الأولى بالبرتقالي هي نقطة تسعيرية متوسطة
مرضية ليك في النهاية
النقطة التانية بقى بالأخضر هي نقطة تسعيرية مختلفة
واختلافها هنا راجع انها اعلى من النقطة اللي قبيها ده اولًا
ثانيًا ان نسبة الربحية فيها اعلى بكتير بس لازم تبقى مربوطة بمبرر
ودي حاجة لسه هنتكلم فيها

المؤشر التالت بقى على الشمال خالص بالبينك برضه
هي السعر اللي مش ممكن ابدًا اي حد يرضى يدفعه
في مقابل خدمة او منتج انت بتبيعه في النهاية

طبعًا انت دلوقتي قاعد بتفكر في أرقام وانا بشرح مؤشرات الصورة
وقاعد بتحط أرقام من دماغك بناءً على اللي انت مريت قبل كده

ارجوك وقف دماغك شوية عن التفكير
عشان انت لسه مش عارف انت هتشتغل ازاي بالمؤشر ده

ازاي بقى تشتغل بالمؤشر ده؟

الحقيقة المؤشر ده طالع من موديل في التسعير
اسمه ڤان ويستين برايس سينسيتڤيتي ميتر
مش مطلوب منك تحفظ اسمه اوي لكن مهم ليك تفهمه

الهدف من الموديل ده هو انك تلاقي النقطة السعرية المرضية ليك
في بيع الخدمة او المنتج اللي بتقدمها 

وده كله من خلال ٤ اسئلة انت محتاج تحدد اجابتهم بشكل ممنهج
مبني على بيانات وأرقام، من خلال جمهورك المستهدف بالمناسبة

وعلى الرغم من ان ده موديل انا شخصيًا بستخدمه في شغلي في الجروث
في تحديد تسعير المنتجات والخدمات المقدمة من قبل الشركات
الا انه قابل للتطبيق بنفس المنهجية من قبلك كشخص بيشتغل في مجال ما
وبيقدم خدمة او بيبيع منتج برضه ومش عارف يسعره ازاي

وانا اختارت الموديل ده الحقيقة اقولك عليه من وسط ١٠٠ طريقة تانية
لأنه مبني على ريسيرش وأرقام وبيانات
مش مبني على أصل فلان قالي واصل انا حاسس ان ده الاحسن

فـ تعالى بينا نشوف تفاصيل الأسئلة دي وهنجاوب عليها ازاي

الخطوة الأولى

انا قولت ان فيه ٤ اسئلة محتاج تحدد اجابتهم بشكل ممنهج
مبني على بيانات وأرقام، من خلال جمهورك المستهدف

وده معناه ان بمنتهى البساطة ان اول خطوة هتعملها انك هتصمم سيرڤاي
والسيرڤاي ده اللي هيجاوب عليه هو شريحة جمهورك المستهدف
سواء بقى الشريحة دي عملاء هتقدملهم خدمات
أو جمهور بتحاول تبيعله منتج برضه

هتيجي تقولي وانا الاقيهم فين دول؟
هقولك الحقيقة الف مبروك انت من اولها بتعقد الدنيا على نفسك

لإن اولًا انت عندك عملاء اشتغلت معاهم قبل كده
تقدر تستخدمهم في السيرڤاي 

وثانيًا فيه ٦٠ الف جروب في كل حتة فيهم ناس بتقدم خدمات
وعملاء طالبين نفس الخدمات دي برضه
تقدر تبني السيرڤاي وتنزله هناك

وثالثًا تقدر تستخدم النيتورك بتاعتك سواء صغيرة او كبيرة
في انها توصلك مع عملاء محتملين من نفس الشريحة اللي انت عايزها
وتطلب منهم يملوا السيرڤاي ده

وخلي بالك اني قولت في كل طريقة حاجة مشتركة
وهي الجمهور المستهدف
طلع زمايلك بره السيرڤاي
طلع صحابك في نفس المجال بره السيرڤاي
طلع الناس اللي بتاخد برأيهم وبتسألهم في المعتاد بره السيرڤاي

مع كامل احترامي لكل الكوكبة دي
ولا واحد فيهم جمهورك المستهدف الحقيقة
عايز تستخدمهم في انهم يوصلوك لجمهورك المستهدف ماشي
اي حاجة تانية غير كده لأ

هتبني السيرڤاي ده ازاي بقى؟

هنبتدي اول حاجة فيه بطرح سؤال في غاية الأهمية
:هيكون كالاتي

تفتكر عند انهي نقطة سعرية ممكن تشوف ان المنتج او الخدمة بتاعتي
غاليين جدًا، لدرجة انك مش هتفكر تشتري او تتعامل معايا؟

الهدف ده من السؤال ده هو تحديد اعلى نقطة سعرية غالية جدًا
من وجهة نظر اللي ممكن يتعامل معاك

بمعنى ان لو خدمتك او منتجك عدى النقطة دي، ف صعب اوي ان حد ياخد اكشن معاك

وهنا في نقطة مهمة جدًا حابب اوضحها 

حاول دايمًا تبقى حاطط رينج اسعار قصاد كل سؤال هتسأله
لإن عادي جدًا تلاقي ناس من الشريحة دي بتستعبط وبتقولك اي حاجة وخلاص
وممكن برضه تسيب اوبشن انه يحط رقم بره الرينج اللي انت محدده

وانت في النهاية هتفلتر بناءً على متوسط الأرقام دي عامل ازاي

السؤال التاني

وهنا الحقيقة الهدف من السؤال اللي هتسأله هنا
انك تعرف اقل نقطة سعرية للخدمة او المنتج بتاعك

طبعًا انت هنا هتستنكر عليا اني بقولك حاجة زي كده
وهتقولي ازاي ما ممكن الناس تستعبط برضه وترخص سعر الحاجة جدًا

هقولك لا خالص على الإطلاق
:لإن السؤال هيكون بالشكل ده

تفتكر عند انهي نقطة سعرية ممكن تشوف ان المنتج او الخدمة بتاعتي
رخاص جدًا، لدرجة انك ممكن تشكك في جودة الخدمة او المنتج في النهاية؟

شوفت السؤال عامل ازاي؟
لإن صدق او لا تصدق
العميل المحتمل اللي عايز يشتغل بجد وهيدفع فلوس في النهاية
ممكن يشك فيك لو شاف سعرك رخيص جدًا، حتى لو انت شايفه مناسب جدًا مثلًا

فـ دي اهمية صياغة السؤال بالشكل ده

والسؤال ده الحقيقة في غاية الأهمية

السؤال التالت

احنا كده عرفنا أعلى نقطة في السقف واقل نقطة على الأرض
بس المساحة والفراغ ما بينهم ممكن يبقى كبير جدًا الحقيقة

وعشان كده انت محتاج تسأل السؤال ده

تفتكر عند انهي نقطة سعرية ممكن تشوف ان الخدمة أو المنتج ابتدوا
يبقوا الى حد ما غاليين، لدرجة انك محتاج تفكر شوية قبل ما تاخد قرار

الهدف من السؤال ده بقى انك تعرف عند انهي نقطة سعرية
ممكن جمهورك المستهدف يشتري فعلًا
بس قبل ما يشتري هيكون محتاج يفكر
او محتاج يبرر عملية الدفع دي بشكل منطقي بالنسباله

وبالمناسبة، النقطة السعرية دي هي احسن نقطة
تبتدي تاخد فيها نسبة ربحية عالية من اللي بتقدمه

وبالمناسبة برضه، النقطة السعرية دي هي
اللي تبريرها من قبلك بيبقى مبني على

حجم خبرتك، مهاراتك، البوزيشنينج اللي عامله لنفسك
العملاء اللي اشتغلت معاهم، وهكذا

فـ اياك ثم اياك تستهين بالسؤال ده

السؤال الأخير

السؤال ده هدفه انك تعرف تعريف الصفقة الحلوة من وجهة نظر اللي بتخاطبه
يعني ايه صفقة حلوة؟

تعالى نشوف السؤال الأول وانت هتفهم

عندي انهي نقطة سعرية ممكن تشوف ان الخدمة او المنتج اللي بقدمهم يعتبروا صفقة
أو عرض كويس جدًا بالنسبالك، يخليك تشتري؟

اجابة السؤال ده هتخليك تفكر امتى وازاي ممكن تسعر بسعر اقل وربحية أقل
من غير ما تخسر طبعًا

بحيث تقدر تقفل ديل عاجبك مع عميل بعدين
او تعمل خصم على منتجك في وقت معين
وهكذا 

فـ دول الـ ٤ اسئلة اللي انت محتاج تبني عليهم السيرڤاي بتاعك في النهاية

والنتيجة بتبقى كده في الاخر

في حالة ان جالك ايرور من اللي انت شايفه
اسمحلي اوضحلك ازاي تقرأ الجراف ده الأول

X المحور اللي تحت اللي هو
فيه كل رينج الأسعار اللي المفروض تطلع بيها من السيرڤاي اللي انت عملته

Y اما بقى المحور اللي على الشمال اللي هو
فـ ده بيعبر عن نسبة الناس اللي ملت السيرڤاي
ونسبة تكرار كمان اسعار محددة من قبل كل واحد فيهم في إجابة كل سؤال

وده ان دل على شئ فـ هو ان اكيد ممكن تلاقي فيه
ارقام متكررة من الناس اللي هتملى السيرڤايبتاعك

فـ انت مطالب تعمل الأول فلترة للأرقام كلها اللي اتكتبت
بعد كده تحدد نسبة تكرار كل رقم على عناصر الـ ٤ اسئلة
وفي النهاية بقى تقوم مطلع الجراف ده

ساعتها هيطلعلك المنظر اللي انت شوفته في الصورة ده بقى

ازاي تقرأ الجراف ده

مهمتك انك تطلع من الجراف ده بـ ٤ مؤشرات
مبنيين على نفس الـ ٤ اسئلة اللي انت عملت عشانهم السيرڤاي
:وهما كالأتي

نقطة هامش الرخص - النقطة اللي عايزين نخرجك منها
نقطة التسعير المثالية والنقطة اللي تقدر تسعر منها تسعير مختلف
نقطة هامش الغلو - النقطة اللي ممكن توصلها لو عامل اللي عليك أو تعديها كمان

وعشان تحدد النقاط دي، محتاج تشوف الخطوط بتتقاطع فين
لإن عند كل تقاطع فيه مؤشر برقم بيقولك الوضع هنا ايه

:تعالى اوريك النقاط دي اهي

كده عند كل تقاطع باين الـ ٤ نقاط اللي انت محتاج تعرفهم

الجزء اللي في نص الجراف جزء محوري جدًا 

لإنه الحقيقة بيوضحلك اهم نقطتين لو انت ما تعرفش اي حاجة عن التسعير
لازم تبدأ من عندهم، وهما نقطة التسعير المثالية ونقطة التسعير المختلف
الجراف ده في النهاية مش دستور انت مجبر بتطبيق اللي فيه بالحرف
ولكنه مؤشر في غاية الأهمية بيعرفك مدى قربك وبعدك عن التسعير الصح عامل ازاي

لو ناوي فعلًا تجرب الموديل وتطبقه

بس مش عارف ازاي تطلع الجراف ده
ابعتلي من خلال الاستبيان اللي انا عامله هنا ده

وانا ممكن اتواصل معاكم وناخد ميتينج 1:1
نطبق فيه مع بعض

ولكن طبعًا في تنويه صغير
انا مش هعمل ميتينج لو انت مش عامل السيرڤاي ومجمع فيه البيانات

ولو مش ناوي تطبق دلوقتي بس عايز تعرف ازاي تعمل الجراف ده برضه
رد على نفس الاستبيان وقولي انت عايز ايه
وانا ممكن ابعتلكم ايميل صغير على جنب فيه كام خطوة تسهل عملية بناء الجراف

واخيرًا للي فاته الكورس ده

ده كورس في شكل مجموعة من الإيميلات مقدمة من نيكولاس كول
بيشرحلك فيها ٥ خطوات تقدر من خلالهم تبقى جوست رايتر بيشتغل فري لانسر
مع اي حد مؤثر في اي صناعة ممكن تتخيلها

كل اللي محتاج تعملها تدوس على اللينك اللي تحت ده
وتروح تكتب ايميلك
وهيتبعتلك بعديها على الإيميل من عنده ان شاء الله

مذاكرة مثمرة
❤️ واشوفكم في ايميل جديد ان شاء الله3

…احمد العشري

Struggling to make more than $5k/month as a writer?

Here’s how to finally escape the freelancer hamster wheel:

• Stop positioning yourself as a “freelancer”—instead, be a Premium Ghostwriter

• Stop writing “anything” for “anyone”—instead, create a Premium Offer

• Stop trawling Fiverr or newsletters for clients—instead, use Premium Outreach

Stop “freelancing.”

Start Premium Ghostwriting.

Want to learn more?

Get a FREE, 5-step crash course on how to become a Premium Ghostwriter below.

Click here to get started.