The Brand Narrative

In partnership with

،عزيزي وعزيزتي

هل العنوان استفزك؟
هل ولو لوهلة حسيت اني بغلط في نقطة تعتبر في غاية الأهمية
عندما يتعلق الأمر بالعلامات التجارية وطرق تواصلهم؟

هل حسيت باستنكار ان ازاى انا بقول كده على عنصر زي ده
وأنا يعتبر من أكثر الأشخاص اللي اتكلم عن أهمية البراند استراتيجي
في كل مكان بتكلم فيه تقريبًا؟

طيب هل حسيت اني عامل عنوان كده وكده
عشان تفتح الإيميل وابقى ضحكت عليك بطريقتي؟

في الحقيقة لأ

انا مش كاتب العنوان ده عشان تفتح الايميل وأضحك عليك
انا بكلمك بجد فعلًا

وقاصد اني اقولك تركن البراند ناريتيڤ بتاعة البيزنس بتاعك على جنب دلوقتي
وقاصد كمان انك لو لسه هتشتغل عليه، ما تجيش جنبه دلوقتي

بس مش معنى كده الحقيقة برضه اني
بقلل من البراند ناريتيڤ او رواية البراند في حاجة لا سمح الله

ولكن فيه كام نقطة كده الحقيقة محتاجين انا وانت وانتي
نتكلم مع بعض فيهم شوية

اولًا - لا احد يهتم الحقيقة

لو جينا طلعنا مع بعض فوق مكان عالي كده
وبصينا بصة على جمهورنا المستهدف الجميل
اللي بنحاول نستميله إلينا بشكل ما أو بآخر

سواء هدفنا كان تحقيق نسبة اوارنيس أعلى
او تحقيق مبيعات اكتر
او ايًا كان يعني احنا هدفنا ايه في النهاية

هنلاقي ان لا احد من جمهورنا المستهدف يهتم الحقيقة
بأي جانب في البراند ناريتيڤ بتاعك
سواء بقى الجمل اللي بتوصف بيها شكل مهمة البيزنس بتاعك
أو شكل رؤية البيزنس بتاعك
أو القيم التي يؤمن بيها البيزنس بتاعك الحقيقة

ده اذا كان اصلًا اي عنصر من اللي انا ذكرتهم دول موجودين اصلًا
وإذا كان اصلًا برضه اي عنصر من دول موجودين بشكل حقيقي
مش كلمتين جنب بعض وخلاص

هذا الجمهور المستهدف مهتم ببساطة شديدة جدًا
في المنتج أو الخدمة اللي انت هتقدمهم
ومهتم اكتر ازاي المنتج أو الخدمة دي هتحل مشكلة او تحدي عندهم مثلًا

هتيجي انت هنا تقولي ايوه صح وعشان كده البراند ناريتيڤ مهم
عشان نعمل اختلاف في طريقة تقديم المنتج أو الخدمة دول

هقولك ايوه فعلًا عندك حق، محتاجين نعمل اختلاف
بس لا برضه معندكش حق في أن البراند ناريتيڤ هو ده دوره الحقيقة
والا بقى مذاكرة المنتج والخدمة وعمل بوزيشنينج ليهم عناصر ملهاش لازمة

ثانيًا - الاختلاف الحقيقي يأتي من التجربة

ااااه، ده كلام مهم جدًا خلي بالك
Brand Experienceلإن لو اول حاجة فكرت فيها هي تجربة البراند او الـ

هقولك الحقيقة لأ برضه مش دي التجربة اللي بتكلم عنها
التجربة اللي بتكلم عليها، هي تجربة العميل لمنتجك او خدمتك في النهاية

او ان عميلك المحتمل ده يشوف عميل حالي جرب منتجك او خدمتك في النهاية
هي دي التجربة، وهي دي اللي بيُثبت عندها الاختلاف الحقيقي

التجربة ما بتجيش من البراند ناريتيڤ
ولا بتيجي من الكلمات الرنانة اللي فيها

التجربة بمنتهى البساطة هي إجابة سؤال
هل المنتج ده يستاهل التمن اللي اتدفع فيها؟
ولا هل المنتج ده كان تجربة فاشلة ياريتني ما اخدتها
وان شاء الله مش هكررها تاني؟

وصدق او لا تصدق، البراند ناريتيڤ مش بتجاوب على السؤال ده

ثالثًا… وليه ثالثًا؟.. ما تيجي نشوف

كنت لسه هكتب اسباب تانية الحقيقة
بس غيرت رأيي وانا بكتب
وقررت اوريك أمثلة واقعية كده

عايزك لما تشوفها تفكر في مدى فعالية البراند ناريتيڤ
في تحقيق هدف من الجمهور اللي انت بتكلمه

شامبو - براند ناريتيڤ❌

مفيش احلى من اللحظات المنعزلة والحميمية اللي بنبقى فيها لوحدنا
في حالة استرخاء تام، تاركين كل الضغوط والهموم تنزل من علينا
واحنا بنعمل ريفريش من اول وجديد

نفس الشامبو - بس في دماغ العميل ✅

هو الشامبو ده نشف شعري ولا ايه؟
هو الشامبو ده ممكن يبوظ شعري؟
الشامبو ده مش نافع لشعري، هبقى اسيبه لجوزي يمشي بيه اموره

شمع معطر - براند ناريتيڤ ❌

احنا دورنا اننا نحول قعدتك في البيت لتجربة في غاية الراحة
تملى المكان كله بعبير يدخلك في مود كله إيجابية ويكبر الكومفورت زون بتاعتك

نفس الشمع - بس في دماغ العميل ✅

ايه مدى فوحان الريحة بتاعة الشمع؟
هل شمعة واحدة ممكن تغطي على ريحة السجاير في بيتي؟
هل الريحة ممكن تغطي على ريحة رمل القطط او الكلب في البيت؟
الشمع ده نص الكولكشن ريحته بتقلب على نفتالين
والنص التاني على امونيا

برفيومز - براند ناريتيڤ ❌

عطورنا مصممة لإثارة احاسيس الأناقة والجاذبية
بشكل يخلي كل لحظة صعب تتنسي
كل رشة من عطورنا هي خطوة نحو عالم من السحر والرقي
مع عطورنا هتترك انطباع دائم وتخلق ذكريات مع كل اللي حواليك

نفس البرفيومز - في دماغ العميل ✅

انا دفعت فلوس قد كده عشان اشم البرفيوم نص ساعة وبعد كده خلاص؟
تجربة لا انصح بيها على الإطلاق
انا مش شامم غير كحول بس
هو ثباته قد ايه طيب؟ والفوحان بتاعه كام ساعة؟

اكمل ولا كفاية كده؟

في ٦٠ الف مثال حواليك كلهم فيهم براند ناراتيڤ مش حقيقي بإي شكل من الإشكال
لأنه معتمد على حشو مجموعة من الكلمات الرنانة بهدف إخراج جملة شكلها حلو

بس هي جملة لا تحمل اى معنى ولا اي اجابة لسؤال ممكن يدور في دماغ العميل
تجاه المنتج أو الخدمة بتاعتك

واذا كان اللي بقوله ده يعني شئ واحد في النهاية
فـ هو أن على الأقل لما تيجي تعمل براند ناراتيڤ
اعمله من فعلًا من حاجة حقيقية مترجمة على أرض الواقع بشكل ملموس للي بتكلمه

أو على الأقل لو انت مش قادر تطلع بالبراند ناراتيڤ ده
فـ صدقني الحياة مش هتقف
البيزنس مش هينهار
العلامة التجارية مش هينقص منها حتة

ليه يا ترى؟
لإن عندك منتج او خدمة بحالهم قدامك اهو
تقدر تشتغل عليهم
تقدر تفصصهم حتة حتة
تقدر تطلع خصائصهم وتحدد منافعهم
وتقدر تربطهم بشكل ما أو بأخر باللي بيسأل عليه عميلك المحتمل

فـ فضلًا وليس امرًا
قليل من الكلام الحمصي
وكثير من الكلام والرسائل الفعالة ذات الصلة

للعميل اللي بتحاول تاخد منه اكشن

واخيرًا ترشيح لنيوزليتر صديقة للانبوكس

 Inbox Hacking ترشيحي النهاردة لنيوزليتر في الماركتنج اسمها
كل أسبوع بيجيلك منها على الانبوكس مجموعة من النصائح والأدوات
اللي ممكن تستخدمها في شغلك

ده غير انهم عاملين ديمو مجاني كده بيشرحوا من خلاله ازاي تقدر
Open Ratesتعلي من نسبة الـ
في الإيميلات الخاصة بالبيزنس اللي ممكن تكون مسئول عنه

هسيبلك لينك الاشتراك فيها تحت على طول
والى اللقاء في ايميل قادم ان شاء الله

Marketing News, Insights, & Tactics (+ a workday bonus)

You deserve a super-useful marketing newsletter.

You don’t deserve marketing news and insights that bore you into an early grave.

Inbox Hacking promises to inform you (fast) with the bonus of getting you through to nirvana—the end of the workday🙏.

Your free subscription also highlights tactics and tools to make your work-life easier and more profitable. One of those tools is tripling users’ email click volume. Try that one for free when you subscribe to Inbox Hacking.

Get free access → subscribe now