مين قدوتك في مجالك؟

،عزيزي وعزيزتي

من ٣٥٠ سنة فاتت كده
كان فيه حوار داير ومتبادل ما بين اتنين
انا متأكد انك عارف واحد منهم

وهما سير اسحاق نيوتن
والفيلسوف روبرت هوكي

ويمكن نيوتن انت عارفه
Polymathic Man ده كان راجل نقدر نقول عليه

بمعنى انه شخص متعدد المجلات والتخصصات
لإنه الحقيقة كان مهندس معماري، وفيزيائي، وجيولوجي كمان
وده باختصار شديد، لأن روبرت عنده مساهمات في مجالات تانية برضه

وانا الحقيقة بديك فكرة عن طبيعة الشخص ده
لإضافة مزيد من السياق الخاص بالحوار المتبادل ما بينهم

الحقيقة ان الحوارات اللي كانت دايرة ما بين نيوتن وهوكي
معظمها كان بيدور في شكل خطابات فيها انتقادات ومجادلات علمية ما بين الطرفين

ده غير ان الاتنين كانوا مهتمين بعلم البصريات
فـ كانوا بيشاركوا بعض وجهات نظرهم واخر المستجدات اللي وصلوا ايها

بالإضافة كمان ان روبرت هوكي قال لنيوتن انه كان كون مجموعة من الأفكار
تجاه موضوع الجاذبية، قبل ما نيوتن اصلًا ينشر افكاره
وده لوحده خلق حالة من النزاع حوالين مين قال ايه قبل مين وما خلافه

فيه واحد بقى من الخطابات دي

نيوتن كان قايل لهوكي جملة كده
تعتبر من أدق وأكثر الجمل واقعية

اللي ممكن عينك تقع عليها
وتعرف ان اصلها من ٣٥٠ سنة تقريبًا
وتلاقي انها لحد دلوقتي لها سياق في وقتنا الحالي

:والجملة دي كالأتي

هتلاقي صورة من الخطاب اهي
ومعلملك تحت الجملة بخطين لونهم اصفر من تحت

اليك الصدمة بقى

نظرًا لأني شخص مؤمن أن كل جملة ممكن تشدني
ليها منشأ مختلف عن المصدر اللي انا شوفت فيه الجملة دي لأول مرة

فـ انا حاولت اشوف مين الشخص اللي نيوتن كان متأثر بيه
واخد منه الجملة دي بشكل ما أو بأخر

طلع ان اللي قال الجملة دي بسياق مختلف شوية
هو فيلسوف افلاطوني اسمه بيرنارد شارترس

يعني جملة اتقالت من ١٠٠٠ سنة تقريبًا
ولسه لحد دلوقتي لها سياق فعال
بس للأسف محدش مدركه

الجملة دي معناها ايه؟

بيرنارد ونيوتن لما قالوا الجملة دي تباعًا
كانوا بيقصدوا ان اي حد في مجالات الحياة والعلوم بشكل عام
ممكن يبقى قزم

ولكن كل قزم لو اتربى واتعلم واترفع على اكتاف عمالقة
هيقدر يشوف احسن، هيقدر يتعلم بشكل اقيم
وهيقدر يفكر للأبعد

وطبعًا فكرة قزم او عملاق هنا، ملهاش علاقة بوصف لحالة بدنية
ولكن هي وصف لما تم عمله ونشره من قبل السابقين
ووصف لما هو مطلوب فعله من قبل اللاحقين

واسمحلي هنا اسألك سؤالين الحقيقة

اول سؤال منهم مش سؤال جديد يعني
هو نفس السؤال اللي في عنوان الايميل

يمكن انا معرفش بشكل شخصي تخصصك الحالي بالظبط ايه
بس يا ترى يا هل ترى
تقدر تقولي مين قدوتك في المجال اللي انت فيه؟

فكر كده شوية قبل ما تجاوب

فكرت؟
جميل اوي

السؤال التاني

في حالة انك جاوبت وقلت مين قدوتك في المجال

استفدت منه ايه؟ -
طبقت من كل الكلام اللي قاله كام في المية؟ -
مشيت على المنهجية بتاعته كام مرة من ساعت ما قررت انك تتابعه -
ومن ساعة ما قررت ان هو ده قدوتك؟ -

معلش الأسئلة فرطت مني شوية وانا كنت قايل اتنين بس
بس انا محتاج اسأل شوية اسئلة كمان

هو انت لما حددت قدوتك في المجال -
جه في دماغك شخص واحد -
ولا جه في دماغك بتاع خمسة عشرة اشخاص كده مثلًا؟ -

ما اصل دي مشكلة الحقيقة
ماهو لو جه في دماغك خمسة عشرة اشخاص
انا من غير ما اعرف هما مين دول
مستحيل يكونوا بيشتغلوا بنفس الطريقة
ممكن يبقى فيه تشابهات على مستوى العقلية

انما نفس الطريقة صعب -
نفس الخبرة صعب -
نفس تجارب الحياة صعب -
نفس الرؤية صعب -

انت فهمت انا قصدي ايه؟
وعايز اروح بيك على فين؟

انا اولًا عايز اروح بيك على دور قدوتك في مجالك

:دور القدوة في حياتك المفروض يكون كالأتي

انه يساعدك انك تعرف ايه اللي انت تقدر تعمله وتحققه -
انه يوريك ازاي الحاجة بتتعمل من وجهة نظره -
وانه يديك دفعة انك عادي جدًا تقدر تعمل ده -

كل ده من خلال الأطر اللي هو بيشتغل وبيتكلم من خلالها 

قدوتك ده في النهاية بالنسبالك هو العملاق اللي انت محتاج تقف على كتفه

:وبناءً عليه، اكبر مشكلة انت بتقع فيها في الموضوع ده هي كالأتي

ان كل حد شايفه بيقول حاجة انت ما تعرفهاش، تقدر تعتبره قدوة -
انك مش قادر تختار القدوة الصح بالنسبالك في وقتك الحالي -
وانك ما بتستثمرش وقتك في مذاكرة قدوتك بيقول ايه وبينصح بـ ايه -

وركز كويس اوي اوي في اخر نقطة دي

لأني ثانيًا عايز اقولك ازاي تحدد قدوتك في مجالك

الموضوع كله بيبتدي الحقيقة من عندك انت

انت عايز تعمل ايه؟ -
انت عايز تشتغل ازاي؟ -
انت عايز تفكر ازاي؟ -
انت عايز توصل لإيه؟ -
انت في النهاية شكل النتيجة اللي عايز تحققها عاملة ازاي؟ -

بناءً على اجاباتك للأسئلة دي - وبالمناسبة مفيهاش صح وغلط
هتروح تدور في كل حتة
مين الناس اللي تقدر تساعدك في الموضوع ده

واللي بالتبعية هتلاقي ان فيه ناس كتير جدًا
انت شايف انها تقدر تساعدك عادي

وده مفيهوش مشكلة اوي الحقيقة

عشان ثالثًا انت محتاج تفلتر المجموعة اللي انت هتلاقيها دي

:وده من خلال انك هتعمل مجموعتين اتنين ملهمش تالت

مجموعة من الناس سابقاك بخطوات بسيطة

ودي الناس اللي تقدر تتعلم منها بشكل فوري
لإنهم مش سابقينك في مجالك بخطوات كبيرة اوي اوي كده

في معظم الأحيان الناس دي بتشارك استراتيجيتها اللي اشتغلت معاها
بتشارك برضه المصادر اللي اتعلمت منها والناس اللي هما شايفينهم قدوة ليهم
وبتحكي عن قصص من ارض الواقع لها علاقة بالشغل اللي بيعملوه

في معظم الأحيان، دي انسب ناس تقدر تاخد منها خطوات وتروح تطبق
ده في حالة انهم بيعملوا كده فعلًا

:نروح بقى على المجموعة التانية

مجموعة من الناس سابقاك بخطوات كبيرة جدًا جدًا

ودي الحقيقة الناس اللي نقدر نعتبرهم عمالقة
في سياق الجملة اللي ابتديت بيها ميل النهاردة

لإن دي الناس اللي انت هتروح عندها في نص رحلتك -
دي الناس اللي هتروحلها وانت شايف انك متلخبط -
دي الناس اللي هتتعلم منهم يعني ايه عقلية ويعني ايه منهجية -
دي الناس اللي هتساعدك تحقق نمو مضاعف في الكارير بتاعك -

دي الناس اللي لو حسيت في مرة بتوهان تعمل ده ولا ما تعملوش -
تلاقي نفسك بتفكر طيب هو فلان الفلاني في الموقف ده ممكن يعمل ايه -
او فلان الفلاني في الموقف ده نصح بـ ايه قبل كده -

وهكذا بقى

ماذا لو التقسيمة دي مش موجودة على أرض الواقع؟

هي الحقيقة موجودة
بس انت اللي مش عارف تقسم ولا تختار صح

واسهل حاجة المخ بيعملها عشان يتفادى تجنت التفكير المرهق
هو انه يخليك تحط كل الناس، المصادر، الأفكار، والعقليات في خانة واحدة

وعلميًا وعمليًا، مش ده اللي انت محتاجه

ما تبقاش في بحر المجال والمعرفة
قزم واقف على كتف قزم زميله

ممكن تبقى قزم واقف على كتف واحد اطول منك شوية
بس لما تختاره صح

وممكن تبقى بعد كده قزم واقف على كتف عملاق
بس برضه لما تختاره صح

وممكن من خلال كل ده قدام توصل

انك تبقى عملاق واقف بطولك
وبتخبط في باقي العمالقة
 😄 وفيه اقزام واقفة على كتفك برضه

 😄 وبس كده
اكتفي بهذا القدر

 ❤️ والى لقاء اخر في ايميل قادم ان شاء الله